Breaking News
  • విజయవాడ: ఎపీఎస్ ఆర్టీసీలో కరోనా కలవరం. ఇప్పటి వరకు కరోనా బారిన పడ్డ 4500 మంది ఆర్టీసీ సిబ్బంది. కరోనా కారణంగా 72 మంది మరణించినట్లు తెలిపిన ఆర్టీసీ. కరోనా తో మృతి చెందిన కుటుంబాలకు 5లక్షల పరిహారం ఇవ్వాలని ఆర్టీసీ నిర్ణయం. కార్మికుల ఒక రోజు వేతనాన్ని జమ చేసి మృతులకుటుంబాలకు పరిహారం ఇవ్వాలని నిర్ణయం. త్వరలో రవాణాశాఖ మంత్రి చేతుల మీదుగా చెక్కుల పంపిణీ చేస్తాం. ఆర్టీసీ ఎండీ కృష్ణబాబు.
  • ఎస్పీ బాలసుబ్రహ్మణ్యంకు పెరుగుతున్న భారతరత్న డిమాండ్లు. రాష్ట్రపతి, ప్రధానికి లేఖ రాసిన నటి, మాజీ ఎంపీ జయప్రద. భారతరత్న బాలుకి ఇచ్చే ఘనమైన నివాళి అని పేర్కొన్న జయప్రద. సినీ సంగీతానికి, భారత చలనచిత్ర పరిశ్రమకు బాలు ఎనలేని సేవలు చేశారని లేఖలో పేర్కొన్న జయప్రద.
  • నిజామాబాద్ ఎమ్మెల్సీ ఉపఎన్నికలలో భారీ మెజారిటీయే లక్ష్యం... టీఆర్ఎస్ నేతల పకడ్బందీ వ్యూహం. జిల్లా ఎమ్మెల్యేలు, ఎమ్మెల్సీ లతో మంత్రి ప్రశాంత్ రెడ్డి వరుస సమావేశాలు..నియోజకవర్గాల వారీగా నేతలకు భాద్యతలు. మాజీ ఎంపీ కవిత అభ్యర్థిత్వానికి ‌మద్దతుగా, టీఆర్ఎస్ వైపు నిలుస్తున్న కాంగ్రెస్, బీజేపీ ల స్థానిక ప్రజాప్రతినిధులు. పోలింగ్ ‌నాటికి 90% ఓటర్లు టీఆర్ఎస్ వైపు ఉండే అవకాశం.
  • బయటపడుతున్న ఎస్బీ సిఐ చంద్రకుమార్ అరాచకాలు. లైంగిక వేదింపులు జరిపిన సిఐ చంద్రకుమార్ పై చర్యలు తీసుకోవట్లేదని బాధితురాలు అవేదన. సర్టిఫికెట్ మిస్సింగ్ కేసులో సిఐకి పరిచయమైన మహిళ . సాయం అడిగిన మహిళతో అసభ్యంగా ప్రవర్తించిన సిఐ చంద్రకుమార్. వనస్థలిపురం పిఎస్ లో సిఐ చంద్రకుమార్ పై కేసు. నగ్నంగా ఉన్న వీడియోలు మహిలకు పంపి సిఐ వేదిస్తున్నాడని మహిళ పిర్యాదు. సిఐ పై కఠిన చర్యలు తీసుకోవట్లేదని మహిళ పలు సాక్షాలు మీడియాకు విడుదల.
  • చెన్నై : చెన్నై మహానగరం లో కిలోల్లో దొరికిన డ్రగ్స్ . చెన్నై రైల్వే స్టేషన్ సమీపం లో ఉన్న వాల్ టాక్స్ రోడ్ లో 25 కిలోల మాదక ద్రవ్యాలను పట్టుకున్న డిఆర్ఐ అధికారులు తమిళనాడు , కేరళ , రాష్ట్రం లోఉన్న డ్రగ్స్ గ్యాంగ్ యూరోపియన్ దేశాలనుండి అక్రమంగా డ్రగ్స్ దిగుమతిని గుర్తించిన అధికారులు . అధికారులకు ఉన్న సమాచారం తో తనిఖీలు నిర్వహించగా 25 కిలోల ( పేశాడో ) డ్రగ్స్ ని స్వాధీనం చేసుకున్న అధికారులు. చెన్నై నుండి ఎర్నాకులం కి పార్సెల్ ద్వారా సరఫరా చేస్తునట్టు గుర్తింపు. డ్రగ్స్ ని స్వాధీనం చేసుకొని విచారణ చేపట్టిన డిఆర్ఐ అధికారులు.
  • ఫారెన్ ఇంగ్లీష్ యూనివర్సిటీ వి సి పేరుతో నకిలీ ఈ మెయిల్ ఐడి క్రియేట్ చేసిన సైబర్ నేరగాళ్లు. యూనివర్సిటీ లో పనిచేస్తున్న ఉద్యోగులకు తాను మీటింగ్ లో ఉన్నానని.. అర్జెంటుగా అమెజాన్ కుపన్స్ కొనాలని మెయిల్ పంపించిన సైబర్ నేరగాళ్లు. అలర్ట్ అయిన ఉద్యోగులు వీసీ సురేష్ కుమార్ కు సమాచారం ఇవ్వడంతో.. తాను అట్లాంటిది ఏమీ పంపించలేదని చెప్పిన విసి. హైదరాబాద్ సిసిఎస్ సైబర్ క్రైమ్ పోలీసులకు ఫిర్యాదు చేసిన ఉద్యోగి.. కేసు నమోదు చేసుకొని దర్యాప్తు చేస్తున్న పోలీసులు.
  • ఉపరాష్ట్రపతి వెంకయ్య నాయుడుకు కరోనా పాజిటివ్. ట్విటర్ ద్వారా వెల్లడించిన ఉపరాష్ట్రపతి కార్యాలయం. రొటీన్‌గా నిర్వహించే పరీక్షల్లో కరోనా పాజిటివ్‌గా నిర్ధారణ. ఎలాంటి లక్షణాలు లేవని, హోం ఐసోలేషన్లో ఉన్నారని వెల్లడి. ఆయన భార్య ఉష పరీక్ష ఫలితం నెగెటివ్. ముందుజాగ్రత్తలో స్వీయ ఐసోలేషన్లో ఉన్నట్లు వెల్లడి.

దయ్యమై తిరుగుతున్న గ్యాంగ్‌స్టర్ వికాస్‌దూబే

ఉత్తరప్రదేశ్‌లోని బిక్రూ గ్రామ ప్రజలకు నిద్దర ఉండటం లేదు.. రాత్రి అయితే చాలు గజగజమని వణికిపోతున్నారు.. ఒంటరిగా గడపదాటి బయటకు అడుగు పెట్టడానికి జంకుతున్నారు.

Bikru Villagers Claim To See Vikas Dubey And Listen Firing In nights, దయ్యమై తిరుగుతున్న గ్యాంగ్‌స్టర్ వికాస్‌దూబే

ఉత్తరప్రదేశ్‌లోని బిక్రూ గ్రామ ప్రజలకు నిద్దర ఉండటం లేదు.. రాత్రి అయితే చాలు గజగజమని వణికిపోతున్నారు.. ఒంటరిగా గడపదాటి బయటకు అడుగు పెట్టడానికి జంకుతున్నారు.. కారణం పోలీసు ఎన్‌కౌంటర్‌లో చనిపోయిన గ్యాంగ్‌స్టర్‌ వికాస్‌దూబే దయ్యమై తిరుగుతున్నాడట! చిన్నపాటి చప్పుడుకే హడలిపోతున్నారు గ్రామ ప్రజలు. కంటినిండా కునుకు తీసి చాలా కాలం అయ్యిందని వాపోతున్నారు.. సాయంత్రం అయిదయిదంటే చాలు ఎక్కడున్నా ఇంటికొచ్చేస్తున్నారు. తలుపులకు గొళ్లెం వేసుకుని కాలం గడుపుతున్నారు.. వికాస్‌ దూబే ఎన్‌కౌంటర్‌ జరిగి రెండు నెలలు దాటుతున్నా ఇంకా తుపాకీ చప్పుళ్లు వినిపిస్తున్నాయట! రాత్రుళ్లు కాల్పుల శబ్ధం స్పష్టంగా వినిపిస్తున్నదని ఊరివాళ్లు అంటున్నారు.. ఆత్మగా సంచరిస్తున్న వికాస్‌ దూబే ఎప్పటికైనా ప్రతీకారం తీర్చుకుంటాడని భయంభయంగా చెబుతున్నారు. వికాస్‌ దూబే దయ్యాన్ని తాము చూశామని కొంతమంది చెప్పడం విశేషం. వికాస్‌ దూబే ఎన్‌కౌంటర్‌ తర్వాత అతడి ఇంటిని ప్రభుత్వం కూల్చివేసిన సంగతి తెలిసిందే.. కూలిన ఆ ఇంటి గోడల మీద వికాస్‌ దూబే కూర్చొని ఉండటం కళ్లారా చూశామంటున్నారు. వృద్ధులైతే వికాస్‌ ఆత్మ సంచరిస్తున్నదని గట్టిగా నమ్ముతున్నారు. కూలిన ఆ ఇంట్లోంచి అప్పుడు మాటల చప్పుడు వస్తున్నదట. నవ్వులు కూడా వినిపిస్తున్నాయట!

అసహజ మరణాలు జరిగినప్పుడు దయ్యాలవ్వడం సర్వసాధారణమైన విషయమని స్థానిక పూజారి అంటున్నారు.. ఆయుష్షు తీరకముందే చనిపోయాడు కాబట్టే ఆత్మగా మారి తిరుగాడుతున్నాడని చెబుతున్నారు. వికాస్‌ దూబే దహన సంస్కారాలు కూడా సరిగ్గా జరపలేదని గ్రామస్తులు ఆరోపిస్తున్నారు.. శాంతి పూజలు చేయించాల్సిందిగా పూజారిని కోరినా పోలీసుల భయం కారణంగా ఆయన అంగీకరించడం లేదని అంటున్నారు. వికాస్‌ దూబేతో పాటు చనిపోయిన పోలీసుల ఆత్మశాంతి కోసం విజయదశమి నవరాత్రి ఉత్సవాలలో ప్రత్యేక పూజలు చేస్తామని గ్రామస్తులు అంటున్నారు. కొసమెరుపు ఏమిటంటే … ఎన్‌కౌంటర్‌ తర్వాత బిక్రూ గ్రామంలో విధులను నిర్వహిస్తోన్న పోలీసులు ఇదంతా కట్టకథలని కొట్టిపారేయడం.. ప్రస్తుతం అక్కడ నలుగురు పోలీసులు గస్తీ కాస్తున్నారు.. ఇందులో ఇద్దరు మహిళా పోలీసులున్నారు.

Related Tags