Breaking News
  • అమరావతి: భూముల కొనుగోలుపై సీఐడీ కేసు నమోదు. ల్యాండ్‌ పూలింగ్‌పై కేసు నమోదు చేసి విచారణ చేస్తున్న సీఐడీ. 796 తెల్ల రేషన్‌కార్డు దారులపై కేసు నమోదు. రూ.3 కోట్లకు ఎకరం భూమి కొనుగోలు చేసిన తెల్ల రేషన్‌కార్డు దారులు. రూ.300 కోట్లతో భూమి కొనుగోలు చేసినట్టు గుర్తించిన సీఐడీ. విచారణ కోసం నాలుగు బృందాలను ఏర్పాటు చేసిన సీఐడీ. మొత్తం 129 ఎకరాలు కొన్న 131 మంది తెల్ల రేషన్‌కార్డుదారులు. పెద్దకాకానిలో 40 ఎకరాలు కొన్న 43 మంది. తాడికొండలో 180 ఎకరాలు కొనుగోలు చేసిన 188 మంది. తుళ్లూరులో 243 ఎకరాలు కొన్న 238 మంది. మంగళగిరిలో 133 ఎకరాలు కొనుగోలుచేసిన 148 మంది. తాడేపల్లిలో 24 ఎకరాలు కొన్న 49 మంది తెల్ల రేషన్‌కార్డు దారులు.
  • కడప: మంత్రులు, వైసీపీ ఎమ్మెల్యేలపై అమరావతి జేఏసీ నేతల ఆగ్రహం. అమరావతి రాజధానిగా కొనసాగించే వరకు ఉద్యమాలు. బిల్లులను సెలెక్ట్ కమిటీకి పంపడం హర్షణీయం. మండలి చైర్మన్‌ పట్ల మంత్రుల తీరు బాధాకరం. ప్రజలే బుద్ధి చెబుతారు-జేఏసీ నేతలు రమణ, శ్రీనివాసులురెడ్డి.
  • నాపై ఆరోపణలు అవాస్తవం-ప్రత్తిపాటి పుల్లారావు. నాపై అన్యాయంగా కేసులు బనాయిస్తున్నారు. ప్రభుత్వం, అధికారులపై న్యాయ పోరాటం చేస్తా. రాజధాని భూముల్లో అక్రమాలు జరిగితే కేసులు పెట్టండి. తప్పు చేయకుండా కేసులు పెట్టడం అన్యాయం-ప్రత్తిపాటి.
  • అమరావతి: మంగళగిరి టీడీపీ ఆఫీస్‌కు భారీగా రాజధాని రైతులు. చంద్రబాబు, లోకేష్‌ను అభినందించిన రైతులు, కార్యకర్తలు. లోకేష్‌కు పుట్టిన రోజు శుభాకాంక్షలు తెలిపిన నేతలు, కార్యకర్తలు. రైతులకు మద్దతుగా జన్మదిన వేడుకలకు దూరంగా లోకేష్‌.
  • ప.గో: పాలకొల్లులో మండలి చైర్మన్‌ చిత్రపటానికి పాలాభిషేకం చేసిన జేఏసీ నేతలు, చైర్మన్‌కు బొకేలు ఇచ్చిన అభినందనలు తెలిపిన జేఏసీ నేతలు.

బైక్ రేసుల్లో రెచ్చిపోతున్న యువత.. డేంజర్ బెల్స్ మోగిస్తున్న స్టంట్స్

Bike Race, బైక్ రేసుల్లో రెచ్చిపోతున్న యువత.. డేంజర్ బెల్స్ మోగిస్తున్న స్టంట్స్

థ్రిల్ కోసం ఎంతకైనా సై అంటున్నారు యూత్. థ్రిల్ కోసం గేమ్స్ ఆడుతూ జీవితాలతో చెలగాటం ఆడుతున్నారు. కన్నవారికి కడుపుకోత మిగుల్చుతున్నారు. నూరేళ్లు నిండకుండానే అర్థంతరంగా జీవితాన్ని నాశనం చేసుకుంటున్నారు. ఇన్నాళ్లు హైదరాబాద్‌కే పరిమితమైన బైక్ రేస్ విశాఖకు పాకింది. వీకెండ్‌లో యువత చేసే స్టంట్స్.. వారి ప్రాణాలే కాదు పక్కవారి ప్రాణాలను కూడా రిస్క్‌లో పడేస్తున్నాయి. ఆర్కే బీచ్, ఓజోన్ వ్యాలీ, ఐటీ సెజ్‌లు కుర్రాళ్ల బైక్ రేసులకు వేదికగా మారుతున్నాయి. ఇక్కడ విశాలమైన రోడ్లు ఉండటంతో యువత పిచ్చెక్కి ప్రవర్తిస్తున్నారు. చీకటి పడితే చాలు.. కుర్రాళ్ల డార్క్ డ్రైవింగ్ స్టార్ట్ అవుతుంది. స్పోర్ట్స్ బైకులపై ఓవర్ స్పీడ్‌తో రోడ్డుపై వెళ్లేవారిని భయపెడుతున్నారు.

కొందరు సరదా కోసం చేస్తుంటే.. మరికొందరు బెట్టింగ్‌ల కోసం బరితెగిస్తున్నారు. మరికొందరు అమ్మాయిల ముందు బిల్డప్ కోసం చేస్తున్నారు. ఇంజనీరింగ్, డిగ్రీ స్టూడెంట్స్ గ్రూపులుగా ఏర్పడి బైక్ రేసుల్లో పాల్గొంటున్నారు. సింగిల్ టైర్ రైడ్, సైడ్ హ్యాంగింగ్ రైడ్, జిగ్ జాగ్, స్నేక్ రైడ్ ఇలా రకరకాల డేంజర్ స్టంట్‌లతో రేసుల్లో పాల్గొంటున్నారు. 360 డిగ్రీస్, 120 యాంగిల్, ఫ్రంట్ లీ, బ్యాక్ లీ.. పేర్లతో పిలిచే ఈ స్టంట్స్ పై యువత క్రేజ్ పెంచుకుంటోంది. తాజాగా ఇద్దరు యువకులు జిగ్ జాగ్ డ్రైవింగ్‌తో ప్రాణాలు కోల్పోయారు. నయ్ వర్మ, జెన్నీ అనే ఇద్దరు యువకులు జగదాంబ సెంటర్ నుంచి బీచ్ రోడ్‌కు వెళుతున్న సమయంలో వారి బైక్ అదుపు తప్పింది. ఓవర్ స్పీడ్‌ను కంట్రోల్ చేయలేక బైక్ డివైండర్‌ను ఢీ కొట్టి స్పాట్‌లోనే చనిపోయారు. ఇలాంటి ప్రమాదాలు ఈ మధ్య కాలంలో ఎక్కువయ్యాయని పోలీసులు చెబుతున్నారు.

బైక్ రేసర్లకు అడ్డుకట్ట వేసేందుకు పోలీసులు కట్టుదిట్టమైన ఏర్పాట్లు చేస్తున్నారు. ఇప్పటివరకూ ఉన్న సెక్షన్లను కాకుండా.. మరింత కఠినమైన చట్టాలు తెచ్చేందుకు యోచిస్తున్నారు. ఎవరైనా హద్దుమీరి రేసుల్లో పాల్గొంటే.. వారికి శిక్షణతోపాటు లైసెన్స్ కూడా రద్దు చేసే చట్టాన్ని తీసుకొచ్చేందుకు ప్రయత్నిస్తున్నట్లు తెలుస్తోంది. ఇందుకు ప్రత్యేకమైన యాప్‌ను సిద్దం చేస్తున్నారు. అలాగే పేరెంట్స్ కూడా పిల్లల ప్రవర్తనపై నిఘా పెట్టాలని పోలీసులు సూచిస్తున్నారు.