Breaking News
  • దేశవ్యాప్తంగా 121 మంది దర్యాప్తు అధికారులకు కేంద్ర హోంమంత్రి పతకాలు. దర్యాప్తులో ప్రతిభ చూపిన కేంద్ర దర్యాప్తు విభాగాల అధికారులకు పతకాలను ప్రకటించిన కేంద్రం. సీబీఐ హైదరాబాద్ ఎస్పీ కళ్యాణ్ కు కేంద్ర హోంమంత్రి పతకం.
  • సంజ‌య్ ద‌త్ ఆరోగ్యం గురించి స్పందించిన భార్య మాన్య‌తా ద‌త్‌: భ‌గ‌వంతుడు మ‌రోసారి ప‌రీక్షిస్తున్నాడ‌ని వెల్ల‌డి. ఓర్చుకుంటే ఈ క‌ష్ట‌కాలాన్ని దాట వ‌చ్చ‌ని ధీమా. సంజ‌య్‌దత్ క్షేమాన్ని కోరుకుంటున్న ప్ర‌తి ఒక్క‌రికీ ధ‌న్య‌వాదాలు. అన‌వ‌స‌ర‌మైన రూమ‌ర్ల‌ను న‌మ్మ‌వ‌ద్ద‌ని కోరిన మాన్య‌త‌. సంజ‌య్ ఫైట‌ర్ అని కితాబిచ్చిన మాన్య‌త‌. అంద‌రి ప్రార్థ‌న‌లు, ఆశీర్వాదాలు కావాల‌న్న మాన్య‌త‌. పాజిటివిటీని పంచాల‌ని కోరిన మాన్య‌త.
  • విజయవాడ: జూనియర్ డాక్టర్ల స్టైఫండ్ మొత్తాన్ని పెంచుతూ ap ప్రభిత్వం ఉత్తర్వులు. హౌస్ సర్జన్, పిజి డిగ్రీ, డిప్లొమా, డెంటల్, సూపర్ స్పెషలిటీ విద్యార్థులకు పెంపు. ఎంబీబీఎస్ విద్యార్థులకు 19,589. పిజి డిగ్రీ విద్యార్థులకు 1 ఇయర్ 44,075, 2 ఇయర్ 46,524, 3 ఇయర్ 48, 973 కు పెంపు.
  • ఉత్తరాఖండ్‌కు పొంచి ఉన్న వర్షాలు, వరదల ముప్పు. భారీ వర్షసూచన జారీ చేసిన భారత వాతావరణ శాఖ. వర్షాలతో పాటు పిడుగులు కూడా పడతాయని హెచ్చరిక. భాగేశ్వర్, పిత్తోరాగఢ్, నైనితాల్, ఉద్ధమ్ సింగ్ నగర్, డెహ్రాడూన్, హరిద్వార్, చమోలీ జిల్లాలకు పొంచి ఉన్న ముప్పు. వర్షాల కారణంగా కొండచరియలు విరిగిపడే ప్రమాదం.
  • మణికొండ మల్లెమాల ప్రొడక్షన్ హౌస్ సమీపం లో కార్ ఆక్సిడెంట్. జబర్దస్త్ ఆర్టిస్ట్ అభి bmw కార్ మరో కారు బ్రిజా కార్ ఢీ. బ్రిజా కారును అతివేగంగా అభి ఢీ కొట్టినట్టు ఆరోపిస్తున్న బాధితుడు.
  • హైదరాబాద్ లో థీమ్ పార్కు ల నిర్మాణానికి శంకుస్థాపన . డిల్లీ , పూణె లో తరహాలో సీటీలో ఆరు చోట్ల థీమ్ పార్క్ లు . 13 కోట్ల రూపాయల వ్యయంతో నిర్మించనున్న జిహెచ్ఎంసి . మూడు నెలలో పార్క్ ల నిర్మాణం పూర్తి చేస్తాం: జిహెచ్ఎంసి మేయర్ బొంతు రామ్మోహన్.
  • చత్తీస్‌గఢ్ సుక్మా జిల్లా జాగర్‌గుండా అటవీ ప్రాంతంలో ఎన్‌కౌంటర్. కోబ్రా 223, సీఆర్పీఎఫ్, జిల్లా పోలీసుల జాయింట్ ఆపరేషన్. నలుగురు మావోయిస్టులు హతం, మారణాయుధాలు స్వాధీనం.

49 మంది సెలబ్రిటీలపై రాజద్రోహం కేసు క్లోజ్.. అయితే..?

bihar police closes false sedition case against celebrities, 49 మంది సెలబ్రిటీలపై రాజద్రోహం కేసు క్లోజ్.. అయితే..?

దేశంలో మూకదాడులను అరికట్టాలని కోరుతూ ప్రధాని మోదీకి లేఖ రాసిన దాదాపు 49 మంది సెలబ్రిటీలు, మేధావులు, రచయితలపై రాజద్రోహం కేసు క్లోజయింది. ఈ మేరకు బీహార్ పోలీసులకు ఆదేశాలు అందాయి. మణిరత్నం, శ్యామ్ బెనెగల్, అనురాగ్ కశ్యప్, రామచంద్ర గుహ సహా ఈ నలభై తొమ్మిదిమందీ మోదీకి లేఖ రాసిన సంగతి తెలిసిందే. వీరి లేఖకు మద్దతు తెలుపుతూ బాలీవుడ్ కు చెందిన 180 మంది సెలబ్రిటీలు, ప్రముఖులు కూడా మరో బహిరంగ లేఖను విడుదల చేశారు. నసీరుద్దీన్ షా, కంగనా రనౌత్, మధుర్ భండార్కర్, వివేక్ అగ్నిహోత్రి, రొమిలా థాపర్ వంటి వారంతా ఈ లిస్టులో ఉన్నారు. దేశంలో జరుగుతున్న మూకదాడులను అరికట్టే విషయంలో జోక్యం చేసుకోవాలని కోరుతూ లేఖ రాయడంలో తప్పేం ఉందని వీరు ప్రశ్నించారు. ‘ మా నోళ్లు నొక్కకండి ‘ అంటూ డిమాండ్ చేశారు. కాంగ్రెస్ లాంటి ప్రతిపక్షాలు కూడా వీరిని సమర్థించాయి. దేశంలో ఇదో పెద్ద సంచలనమైంది. దీంతో ప్రభుత్వం దిగిరాక తప్పలేదు. ఈ 49 మందిపై కేసు మూసివేయాలని తమకు ఆదేశాలు అందినట్టు ముజఫర్ పూర్ పోలీసులు తెలిపారు.

క్రిమినల్ ప్రొసీజర్ కోడ్ లోని 156(3) సెక్షన్ కింద చీఫ్ జ్యూడిషియల్ మేజిస్ట్రేట్ ఆదేశాల మేరకు మొదట కేసు నమోదయింది. కానీ తాజాగా ఇది ఉన్నత స్థాయి రాజకీయరంగు సంతరించుకోవడంతో.. ‘ ఎందుకొచ్చిన గొడవ ‘ అనుకుంటూ ‘ కథ క్లోజయ్యింది. అసలు ఈ వ్యవహారంలో వీరిపై ఫిర్యాదు చేసిన వ్యక్తిపైనే కేసు రిజిస్టర్ కావడం విశేషం. సుధీర్ కుమార్ ఓఝా అనే ఈ ఫిర్యాదుదారుడు లాయర్ కూడా. సెలబ్రిటీల లేఖకు సంబంధించి ఆయన ఎలాంటి సపోర్టింగ్ డాక్యుమెంట్లను గానీ, సాక్ష్యాధారాలను గానీ చూపలేకపోయారని పోలీసు అధికారులు పేర్కొన్నారు. అసలు ఈ మేధావులు రాసినట్టు చెబుతున్న లేఖలోని సంతకాలు వారివేనా అన్న విషయాన్ని కూడా ఓఝా నిరూపించలేకపోయారన్నారు. ఈ పరిస్థితుల్లో ఇది తప్పుడు కేసు అని, ఉద్దేశపూర్వకంగానే ఫిర్యాదుదారుడు ఇలా చేశాడని అర్థమవుతోందన్నారు.

ఐపీసీలోని 182, 211 సెక్షన్ల కింద అతనిపై కేసు పెట్టినట్టు పోలీసులు తెలిపారు. (గత జులై 23 న ఓఝా తన ఫిర్యాదును పోలీసులకు అందజేశారు). దాంతో సదర్ పోలీసు స్టేషన్ లో ఎఫ్ ఐ ఆర్ నమోదయింది. ఈ వ్యవహారంలో బీహార్ సీఎం నితీష్ కుమార్ జోక్యం చేసుకోవాలని ఆయన మాజీ సహచరుడు, ఆర్జేడీ జాతీయ ఉపాధ్యక్షుడు శివానంద్ తివారీ ఇటీవలే ఆయనను కోరారు. నిజానికి నిందితుల్లో ఒకరిగా పోలీసులు పేర్కొంటున్న మేధావి రామచంద్ర గుహ.. ఒకప్పుడు మీ నాయకత్వాన్ని ప్రశంసించిన వారే అన్న విషయాన్ని ఆయన గుర్తు చేశారు. దీంతో డిప్యూటీ సీఎం, బీజేపీ నేత కూడా అయినా సుశీల్ కుమార్ మోడీ ఇరకాటంలో పడ్డారు.

ఈ కేసుతో తమ పార్టీకి గానీ, సంఘ్ పరివార్ తో గానీ ఎలాంటి సంబంధం లేదని ఆయన ప్రకటించారు. పైగా-సెలబ్రిటీలపై తప్పుడు కేసు పెట్టిన ఓఝా కు ఇలాంటి అలవాటు ఎప్పటినుంచో ఉందని.. కొన్నేళ్లుగా ఈ విధమైన కేసులు వేస్తున్నాడని సుశీల్ కుమార్ మోడీ అన్నారు. కానీ..ఓఝా మాత్రం నిబ్బరంగా ఉండడమే విశేషం. తన ఫిర్యాదు ఆధారంగా ఎన్నో పిటిషన్లు దాఖలయ్యాయని, గతంలో కూడా పదేళ్లుగా ఇలాంటివి కోర్టుల్లో పెండింగులో ఉంటూ వచ్చాయని ఆయన చెప్పాడు. అసలు ఇప్పుడు నేను పోలీసులపైనే కేసు వేస్తా అంటూ ఓఝా కౌంటరివ్వడం కొసమెరుపు.

Related Tags