బిగ్‌బాస్ తెలుగు సీజన్ 4… ఫినాలేకు వెళ్లే ఐదుగురిని రివీల్ చేసిన నాగార్జున.. సోహెల్, అరియానాకు కింగ్ క్లాస్

TV9 Telugu Digital Desk

TV9 Telugu Digital Desk | Edited By:

Updated on: Dec 12, 2020 | 9:41 PM

బిగ్ బాస్ రియాలిటీ షో నాలుగో సీజన్ చివరి దశకు చేరుకుంది. గ్రాండ్ ఫినాలేకు సమయం ఆసన్నమైంది.

బిగ్‌బాస్ తెలుగు సీజన్ 4... ఫినాలేకు వెళ్లే ఐదుగురిని రివీల్ చేసిన నాగార్జున.. సోహెల్, అరియానాకు కింగ్ క్లాస్

బిగ్ బాస్ రియాలిటీ షో నాలుగో సీజన్ చివరి దశకు చేరుకుంది. గ్రాండ్ ఫినాలేకు సమయం ఆసన్నమైంది. ఫినాలేకు చేరుకునే కంటెస్టెంట్లు ఎవరో ఈరోజు, రేపటిలో తేలిపోనుంది. ఫినాలేకు వెళ్లే టాప్ 5 కంటెస్టెంట్స్‌ని రివీల్ చేసుకుంటూ వెళ్తా అంటూ నాగార్జున చెప్పే మాటలతో స్టార్ మా తాజాగా ఒక ప్రోమోను వదిలింది. అంటే, ఈరోజు ఎపిసోడ్‌లో కొంత మంది ఫైనలిస్ట్‌లను నాగార్జున ప్రకటిస్తారు. అలాగే, ఈవారం ఎలిమినేట్ అయ్యే ఇంటి సభ్యుడిని రేపు ప్రకటించే అవకాశం ఉంది.

ఇదిలా ఉంటే, ఈవారం బిగ్ బాస్ ఇచ్చిన ఒక టాస్క్‌లో సోహెల్, అరియానా గొడవ పడిన సంగతి తెలిసిందే. సోహెల్ చాలా ఆగ్రహంతో అరియానాపైకి వెళ్లాడు. అరియానా కూడా అస్సలు తగ్గలేదు. తను కూడా సోహెల్ పైకి దూసుకెళ్లింది. అతనితో తీవ్ర వాగ్వాదం తరవాత కిందపడి బోరున విలపించింది. ఆ తరవాత ఈ గొడవ గురించి అరియానాతో సోహెల్ మాట్లాడే ప్రయత్నం చేశాడు. కానీ, అరియానా మాత్రం తన తప్పేమీ లేదని.. తాను చేసింది కరెక్ట్ అని సోహెల్‌కు స్పష్టం చేసింది. అయితే, వీరి గొడవపై నేటి ఎపిసోడ్‌లో నాగార్జున మాట్లాడారు.

లేటెస్ట్ న్యూస్ హైలెట్స్ చూడండి

అరియానా, సోహెల్‌కు నాగార్జున క్లాస్ పీకుతున్న ప్రోమోను తాజాగా స్టార్ మా విడుదల చేసింది. ‘‘కోపం టాస్క్‌లో అయితే కంట్రోల్ చేసుకుంటావు.. లైఫ్‌లో అయితే కంట్రోల్ చేసుకోలేవ?’’ అని సోహెల్‌ను నాగార్జున ప్రశ్నించారు. ‘‘నిన్న హారిక చేసినప్పుడు ఫీలయినప్పుడు.. నిన్ను నువ్వు చేసింది ఏంటిది అని థర్డ్ పర్సన్‌ను ఆమె తీసుకొచ్చింది’’ అని అరియానాను ఉద్దేశించి సోహెల్ నాగార్జునకు వివరిస్తున్నాడు.

‘‘ముందు ఫ్లెయిర్ అప్ అయ్యింది నువ్వు, థర్డ్ పర్సన్‌ను ఫస్ట్ తీసుకొచ్చింది నువ్వు.. మళ్లీ ఏడ్చావు, ఉమెన్ కార్డ్ తీసుకొచ్చావు. పోనీ, నిన్నేమైనా బూతులు మాట్లాడాడా? బిగ్ బాస్ గేమ్‌లో ప్రతి ఒక్కరూ సమానమే’’ అని అరియానాకు నాగార్జున క్లాస్ పీకడం ఈ ప్రోమోలో చూపించారు. మొత్తానికి ఈరోజు ఎపిసోడ్ చాలా ఆసక్తికరంగా ఉండబోతోందని ప్రోమో చూస్తే అర్థమవుతోంది. అంతేకాదు, ఈరోజు నాగార్జున మరింత హ్యాండ్‌సమ్‌గా కనిపిస్తున్నారు.

Follow us on

Related Stories

Most Read Stories

Click on your DTH Provider to Add TV9 Telugu