Breaking News
  • వరద బాధితుల సహాయార్థం పెద్దఎత్తున సీఎంఆర్ఎఫ్ కి విరాళాలు: భారీ వరదల వల్ల ఇబ్బందులు ఎదుర్కొంటున్న హైదరాబాద్ నగరవాసులకు అండగా నిలిచేందుకు పలువురు ముందుకు వచ్చారు. ముఖ్యమంత్రి చంద్రశేఖర రావు గారి పిలుపు మేరకు తెలంగాణ ముఖ్యమంత్రి సహాయ నిధికి విరాళాలు అందజేశారు. కష్టకాలంలో ప్రజలను ఆదుకునేందుకు ముందుకు వచ్చి విరాళాలు ఇచ్చిన ప్రతి ఒక్కరికి మంత్రి కేటీఆర్ ప్రత్యేకంగా ధన్యవాదాలు తెలిపారు.
  • తిరుమల: వైభవంగా శ్రీవారి నవరాత్రి బ్రహ్మోత్సవాలు. చంద్రప్రభ వాహనంపై దర్శనమిస్తున్న మలయప్ప స్వామి. కరోనా దృష్ట్యా ఏకాంతంగా వాహన సేవలు.
  • ఏపీలో కొత్తగా 3,620 కరోనా కేసులు నమోదు, 16 మంది మృతి. ఏపీలో 7,96,919కు చేరిన కరోనా కేసులు. ఏపీలో ఇప్పటి వరకు కరోనాతో 6,524 మంది మృతి. యాక్టివ్‌ కేసులు 32,257, ఇప్పటి వరకు 7,58,138 మంది డిశ్చార్జ్. ఏపీలో ఇప్పటి వరకు 73,47,776 కరోనా పరీక్షల నిర్వహణ.
  • డాక్టర్‌ రెడ్డీస్‌ ల్యాబ్‌పై సైబర్‌ ఎటాక్‌. డేటా చోరీ యత్నం జరిగినట్టు గుర్తించిన రెడ్డీస్ ల్యాబ్. ఐదు దేశాల్లో సంస్థ కార్యకలాపాలపై ప్రభావం. భారత్‌ సహా అమెరికా, లండన్‌, బ్రెజిల్‌, రష్యాలో నిలిచిన ఉత్పత్తులు. కరోనా వ్యాక్సిన్‌ కోసం ప్రపంచ వ్యాప్తంగా ప్రయోగాలు. ఔషధ ప్రయోగశాలలను టార్గెట్‌ చేసిన సైబర్‌ నేరగాళ్లు. స్పుత్నిక్‌-వి ట్రయల్స్ కోసం డాక్టర్‌ రెడ్డీస్‌తో రష్యా ఒప్పందం. సైబర్‌ ఎటాక్‌తో భారీ నష్టం వాటిల్లిందన్న రెడ్డీస్‌ ల్యాబ్. సైబర్‌ క్రైమ్‌ పోలీసులకు ఫిర్యాదు చేసిన రెడ్డీస్‌ ల్యాబ్‌. 24 గంటల తర్వాత ఉత్పత్తిని తిరిగి ప్రారంభిస్తామన్న రెడ్డీస్‌ ల్యాబ్.
  • హైదరాబాద్‌: నేరేడ్‌మెట్‌ అంబేద్కర్‌నగర్‌లో విషాదం. కరోనాతో వెంకటేష్‌ అనే వ్యక్తి మృతి. భర్త మృతిని తట్టుకోలేక భార్య ధనలక్ష్మి ఆత్మహత్య. బిల్డింగ్‌ పైనుంచి దూకి ఆత్మహత్య చేసుకున్న ధనలక్ష్మి.
  • విశాఖ చేరుకున్న అసోం రైఫిల్స్ జవాన్‌ బాబూరావు మృతదేహం. అసోం రైఫిల్స్ విధి నిర్వహణలో ప్రాణాలు కోల్పోయిన బాబూరావు. ఖోన్సా దగ్గర ఎదురుకాల్పుల్లో బాబూరావు మృతి. బాబూరావు స్వస్థలం శ్రీకాకుళం జిల్లా వజ్రపుకొత్తూరు. విశాఖ ఎయిర్‌పోర్ట్‌లో భద్రతా దళాల నివాళులు. బాబూరావు భౌతికకాయం స్వస్థలానికి తరలింపు.
  • మహబూబాబాద్‌: హత్యకు గురైన దీక్షిత్‌ తల్లి ఆవేదన. నా కొడుకును హత్యచేసిన నిందితులను ఎన్‌కౌంటర్‌ చేయాలి. ఇలాంటి ఉన్మాదులను ఎన్‌కౌంటర్‌ చేయకపోతే.. ఏ తల్లీ ధైర్యంగా పిల్లలను బయటకు పంపే పరిస్థితి ఉండదు. పిల్లవాడని చూడకుండా కిరాతకంగా చంపినవారికి తగిన శిక్ష విధించాలి. నిందితులను ఎన్‌కౌంటర్‌ చేస్తేనే నా కుమారుడి ఆత్మ శాంతిస్తుంది. -బాలుడు దీక్షిత్‌ తల్లి వసంత.

Bigg Boss Telugu 4 : కుమార్ సాయిని టార్గెట్ చేసిన నోయల్ !

బిగ్ బాస్ హౌస్‌లో పరిణామాలు రోజురోజుకి మారిపోతున్నాయి. ఈ విషయం మేము అనడం కాదు..హౌస్‌లో ఉన్న సభ్యులే చెబుతున్నారు. అవసరాల కోసం అడ్డదార్లు తొక్కే పాత్రలే తప్ప, మనవాళ్లు లేరు అంటున్నారు బిగ్ బాస్ హౌస్ సభ్యులు.

Biggboss 4 sai kumar performance, Bigg Boss Telugu 4 : కుమార్ సాయిని టార్గెట్ చేసిన నోయల్ !

బిగ్ బాస్ హౌస్‌లో పరిణామాలు రోజురోజుకి మారిపోతున్నాయి. ఈ విషయం మేము అనడం కాదు..హౌస్‌లో ఉన్న సభ్యులే చెబుతున్నారు. అవసరాల కోసం అడ్డదార్లు తొక్కే పాత్రలే తప్ప, మనవాళ్లు లేరు అంటున్నారు బిగ్ బాస్ హౌస్ సభ్యులు. ఇటీవల కెప్టెన్ అయిన నోయల్ మంచి జోష్‌లో కనిపిస్తున్నాడు. మొదట్లో ప్రతి విషయాన్ని రాద్దాంతం చేసిన నోయల్, నాగ్ వార్నింగ్‌తో చల్లబడ్డాడు. అయితే ఇదే క్రమంలో అతడు లేని పెద్దరికాన్ని ప్రదర్శిస్తున్నాడని నెటిజన్లు అభిప్రాయపడుతున్నారు. అంతేకాదు..అతను వైల్డ్ కార్డ్ ఎంట్రీ ఇచ్చిన కుమార్ సాయిని అతడు పదే, పదే టార్గెట్ చేస్తున్నాడన్న వాదనలు వినిపిస్తున్నాయి. అతనే కాదు మొదట్లో అందరూ కుమార్ సాయిని నామినేట్ చేసేవారు. అందుకు అతడు జనాలతో కలవడం లేదన్న కారణం చెప్పేవారు. కానీ ఇప్పుడు పరిస్థితులు మారాయి. కుమార్ సాయి టాస్క్ అంటే చాలు నేను రెడీ అంటూ ముందకు వస్తున్నాడు. బిగ్ బాస్‌తో డీల్ ఆర్ నో డీల్ టాస్కులలో అతడు మంచి ప్రదర్శన చేశాడు. ఒంటిపై బట్టుల అన్నీ ముక్కలు, ముక్కులుగా  చేయడం, ఒంటి చేత్తే ఇసుక బస్తాను చాలా సమయం హోల్డ్ చేయడం వంటి రిస్కీ టాస్కులు పూర్తి చేశాడు. ఇక్కడున్న సమస్య ఏంటి అంటే కుమార్ సాయికి మద్దతు తెలిపేవాళ్లు లేకపోవడం. అందుకే అతడు సింగిల్‌గానే గేమ్స్ ఆడుతున్నాడు. ఈ క్రమంలో కెప్టెన్ అయినా గానీ ఇమ్యునిటీ లభించని నోయల్ తాను సేవ్ అయ్యేందుకు కుమార్ సాయిని టార్గెట్ చేస్తున్నారన్న విమర్శలు వస్తున్నాయి. తాజా ప్రోమోలో కూడా ‘ఒక్క రోజన్న నిజాయితీగా ఉండు సాయి’ అంటూ నోయల్ అతడిపై బాణాన్ని గురిపెట్టాడు. ఆసక్తికరమైన విషయం ఏంటంటే కుమార్ సాయిని ప్రతి వారం నామినేట్ చేస్తున్నా కూడా అతడిని వీక్షకులు సేవ్ చేస్తూనే ఉన్నారు. అయితే బిగ్ బాస్ అంటేనే సంచలనాల నిలయం. మరి ఈ వారం ఏం జరుగుతుందో చూాడాలి.

Related Tags