Breaking News
  • కర్నూల్ : శ్రీశైలం సున్నిపెంట లో స్కూలు లో కరోనా పరీక్షలు చేయగా 29 మంది విద్యార్థులకు పాజిటివ్ రావడంతో జిల్లావ్యాప్తంగా అన్ని స్కూళ్లలో టెస్టులు చేయాలని ఆదేశించిన డిఈవో సాయిరాం స్కూళ్లలో కచ్చితంగా కోవిడ్ నిబంధనలు పాటించాలని ఆదేశం.
  • తిరుమల: శ్రీవారిని దర్శించుకున్న సినీనటుడు సాయికుమార్. పోలీసుల అమరవీరుల సంస్మరణ దినోత్సవం సందర్భంగా పోలీసులకు సెల్యూట్ చేసిన సాయికుమార్. నిజమైన హీరోలు పోలీసులే, పోలీసు గెటప్ వేస్తే నే మాలో‌ ఒక పౌరుషం కనిపిస్తుంది. నిజమైన పోలీసులకి ఇంకా ఎంత షౌరుషంగా ఉంటుందో. పోలీస్ స్టోరి చేసి 25 సంవత్సరాలు పూర్తి అయింది..త్వరలోనే నాలుగో సింహం అని మరో పోలీస్ స్టోరీలో నటించబోతున్నా. తిరుపతి ఎస్పీ రమేష్ రెడ్డి పై ప్రసంశల కురిపించిన సాయి కుమార్. పోలీస్ అధికారి యూనిఫామ్ లో పొలంలో వరినాటడం నాకు నచ్చింది, ఇలాంటి అధికారి ప్రజల్లో ఎలా కలిసిపోతారో అర్ధం చేసుకోవచ్చు. రమేష్ రెడ్డి లాంటి‌ అధికారి ఉన్న చోట మానవత్వం కూడా ఉంటుంది. కనిపించే‌ మూడు సింహాలు పోలీసులు, వైద్యులు, పారిశుద్ధ్య కార్మికులే - సినీ నటుడు సాయి కుమార్.
  • టీవీ 9 ఆపరేషన్ చార్లీ ఎఫెక్ట్ : హైద్రాబాద్ లో మరో డ్రగ్ రాకెట్ గుట్టురట్టు చేసిన వెస్ట్ జోన్ టాస్క్ఫోర్స్ పోలీసులు . లంగర్ హౌస్ లో నైజీరియన్ దగ్గర 6 గ్రాములు కొకెయిన్ స్వాధీనం . బెంగుళూర్ , గోవా ల నుంచి హైదరాబాద్ కు డ్రగ్స్ తెచ్చి అమ్ముతున్న నైజీరియన్ . టీవీ 9 నిఘా తర్వాత పలువురు నైజీరియన్లు , డ్రగ్ పెడ్లర్ల ఫై నిఘా ఉంచిన హైద్రాబాద్ టాస్క్ఫోర్స్ పోలీసులు . రాజేంద్రనగర్ సన్ సిటీ ఏరియా లో డ్రగ్స్ అమ్ముతున్న డానియల్ . డానియల్ ను అరెస్ట్ చేసిన వెస్ట్ జోన్ టాస్క్ఫోర్స్ పోలీసులు.
  • తూర్పుగోదావరి జిల్లాలో ఉరుములతో కూడిన భారీ వర్షం, రాజమండ్రి కంబాల చెరువు, లాల చెరువు, కడియం, రావులపాలెం, రంపచోడవరం, కోనసీమ, మన్యం ప్రాంతాల్లో భారీ వర్షం, కిర్లంపూడిలో భవనంపై పిడుగు, చుట్టుపక్కల ఇళ్లలో కాలిపోయిన ఎలక్ర్టికల్ పరికరాలు
  • 75 లక్షల 97 వేలు దాటిన కరోనా పాజిటివ్ కేసుల సంఖ్య. గడచిన 24 గంటలలో 46,790 కరోనా పాజిటివ్ కేసులు నమోదు. దేశంలో రెండు నెలల తరువాత మొదటిసారి 50 వేలకు దిగువలో యాక్టివ్ కేసులు. గడచిన 24 గంటలలో దేశంలో “కరోనా” వల్ల మొత్తం 587 మంది మృతి. గడచిన 24 గంటలలో దేశ వ్యాప్తంగా డిశ్ఛార్జ్ అయిన వారి సంఖ్య 69,720. దేశంలో ఇప్పటివరకు నమోదయిన “కరోనా” పాజిటివ్ కేసుల సంఖ్య 75,97,063. దేశ వ్యాప్తంగా యాక్టీవ్ కేసులు 7,48,538. “కరోనా” కు చికిత్స పొంది డిశ్చార్జ్ అయిన వారి సంఖ్య 67,33,328. “కరోనా” వల్ల దేశంలో మొత్తం మృతి చెందిన వారి సంఖ్య 1,15,197. దేశంలో 88.63 శాతం కరోనా రోగుల రికవరీ రేటు. దేశంలో నమోదయిన మొత్తం కేసులలో యాక్టివ్ కేసుల శాతం 9.85 శాతం . దేశంలో మొత్తం నమోదయిన కేసులలో 1.52 శాతానికి తగ్గిన మరణాల రేటు. గడచిన 24 గంటలలో దేశవ్యాప్తంగా నిర్వహించిన కరోనా టెస్ట్ ల సంఖ్య 10,32,795. ఇప్పటి వరకు దేశంలో నిర్వహించిన మొత్తం కరోనా టెస్ట్ ల సంఖ్య 9,61,16,771.
  • తూర్పు గోదావరి జిల్లా కొత్తపల్లి పోలీస్ స్టేషన్ SI ఆర్ మురళీమోహన్ ను సస్పెండ్ చేసిన ఏలూరు రేంజ్ డిఐజి శ్రీ కె.వి మోహన్ రావు. అన్నవరం పోలీస్ స్టేషన్ గతములో మహిళ అదృశ్యం కేసు విచారణలో అలసత్వం వహించడం పై చర్యలు. ఇదే కేసులో రాజమండ్రి అర్బన్ సిఐ గా పనిచేస్తున్న A. సన్యాసి రావు కు చార్జి మెమో జారీ చేసిన ఏలూరు రేంజ్ డిఐజి మోహనరావు. గతంలో ప్రత్తిపాడు సర్కిల్ సీఐగా పనిచేసిన సన్యాసిరావు.

Bigg Boss 4: రేసర్ ఆఫ్‌ ది హౌజ్‌‌.. విజేతగా మెహబూబ్.. వారిని అభినందించాల్సిందే

శుక్రవారం నాటి ఎపిసోడ్‌లో ఇంటి సభ్యులకు రేసర్ ఆఫ్‌ ద హౌజ్‌ అనే టాస్క్‌ని ఇచ్చాడు బిగ్‌బాస్‌. ఇంటి సభ్యులంతా ఫుష్ అప్‌లు తీయాలని అమ్మాయిలు, అబ్బాయిలకు కలిపి ఫస్ట్ రౌండ్ ఇచ్చారు బిగ్‌బాస్

Bigg Boss 4 Telugu, Bigg Boss 4: రేసర్ ఆఫ్‌ ది హౌజ్‌‌.. విజేతగా మెహబూబ్.. వారిని అభినందించాల్సిందే

Bigg Boss 4 Telugu: శుక్రవారం నాటి ఎపిసోడ్‌లో ఇంటి సభ్యులకు రేసర్ ఆఫ్‌ ద హౌజ్‌ అనే టాస్క్‌ని ఇచ్చాడు బిగ్‌బాస్‌. ఇంటి సభ్యులంతా ఫుష్ అప్‌లు తీయాలని అమ్మాయిలు, అబ్బాయిలకు కలిపి ఫస్ట్ రౌండ్ ఇచ్చారు బిగ్‌బాస్‌. మొద‌టి రౌండ్‌లో ఎక్కువ పుష‌ప్స్ చేసిన మొదటి ఐదుగురు.. రెండో రౌండ్‌కు అర్హ‌త సాధిస్తారని చెప్పాడు. ఇక ఆ రౌండ్‌లో ఏడు అడ్డంకుల‌ను త‌క్కువ స‌మ‌యంలో దాటాల్సి ఉంటుంది. టైర్ల మ‌ధ్య నుంచి దూక‌డం, తాళ్ల మ‌ధ్య‌లో నుంచి దాట‌డం, ఇసుక మూట‌ల‌ను స్విమ్మింగ్ పూల్‌లో ఒక‌వైపు నుంచి మ‌రొక‌వైపుకు తీసుకెళ్ల‌డం, ఏట‌వాలుగా ఉన్న‌దానిపై న‌డ‌వ‌డం, ముళ్ల కంచె కింద నుంచి పాకడం, మార్బుల్స్ మీద ప‌రిగెత్త‌డం, మంకీ బాస్‌ను చేతులతో ప‌ట్టుకుని వేలాడ‌టం వంటివి చేయాలని బిగ్‌బాస్ చెప్పాడు. అయితే అవన్నీ చేయలేక అమ్మాయిలందరూ మొదటి రౌండ్ మ‌ధ్య‌లోనే చేతులు ఎత్తేశారు.

ఇక కుమార్ సాయి, అఖిల్‌, మెహ‌బూబ్‌, సోహైల్‌, నోయ‌ల్‌లు పుషప్స్‌ ఎక్కువగా చేసి తరువాతి రౌండ్‌కి అర్హత సాధించారు. అయితే పుష‌ప్స్ చేసేట‌ప్పుడు మ‌ధ్య‌లో ఆగావ‌ని నోయ‌ల్, కుమార్‌సాయిని త‌ప్పుప‌ట్టాడు. తానేం ఆగలేదని కుమార్ సాయి బుకాయించాడు. అయితే ఒక్క‌రోజైనా నిజం చెప్పమ‌ని, నిజాయితీగా ఉండ‌మ‌ని కుమార్ సాయికి నోయల్‌ ఘాటు స‌ల‌హా ఇచ్చాడు. ఇక ఈ టాస్క్‌లో తాను ఆడనని నోయ‌ల్‌ త‌ప్పుకోవ‌డంతో అత‌డి స్థానంలో అవినాష్ రెండో రౌండ్‌లోకి దిగాడు. కానీ మధ్యలో కింద పడిపోయినప్పటికీ, తన ఆటను కంటిన్యూ చేశాడు. ఆటలో ఓడినా మంచి ఎఫర్ట్ పెట్టి ఆడాడు. ఇక ఈ టాస్క్‌లో మెహ‌బూబ్ మాత్రం రేసుగుర్రంలా 49 సెకండ్ల‌లో టాస్క్ పూర్తి చేశాడు. దీంతో “రేస‌ర్ ఆఫ్ ద హౌస్‌”గా నిలిచాడు. ఇక కుమార్‌, అఖిల్‌, సోహైల్ స్వ‌ల్ప సెకండ్ల తేడాతో ఓటమి చెందారు. టాస్క్‌ పూర్తైన తరువాత తాను 105 పుష‌ప్స్ చేస్తే దాని గురించి మెహ‌బూబ్ త‌క్కువ చేసి మాట్లాడాడ‌ని అఖిల్ ఫీల‌య్యాడు. ఆ కోపం సోహైల్ మీద తీశాడు. విషయం తెలుసుకున్న మెహబూబ్‌ వచ్చి సారీ చెప్పినా.. ఏడుపు మొహం పెట్టి తెగ బాధపడ్డాడు.

అయితే ఈ టాస్క్‌ ఫిజికల్‌గా చేయాల్సింది కాగా.. అందరికీ సాధ్యం కానిది. ఇందులో నైపుణ్యం ఉన్న వారు మాత్రమే చేయగలరు. అలాంటిది మొదటి రౌండ్‌లో అమ్మాయిలు కూడా పాలు పంచుకోవడం, రెండో రౌండ్‌లోనూ అవినాష్‌ కింద పడినప్పటికీ మళ్లీ ఆట కంటిన్యూ చేయడం నిజంగా అభినందించాల్సిన అంశం.

Read More:

నేటి నుంచి బెజవాడ దుర్గమ్మ దసరా‌ శరన్నవరాత్రి మహోత్సవాలు

యాదాద్రి టెంపుల్ చీఫ్ ఆర్కిటెక్ట్‌ని అభినందించిన జనసేనాని

 

Related Tags