Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 24 వేల 850 మంది వైరస్​ సోకింది. మరో 613 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,73,165. ప్ర‌స్తుతం యాక్టీవ్ కేసులు2,44,814. వ్యాధి బారి నుంచి కోలుకున్న‌వారు 4,09,083. క‌రోనాతో మొత్తం ప్రాణాలు విడిచినవారి సంఖ్య 19,268.
  • మాస్కులు , శానిటైజర్స్ కొరత పై స్పందించిన మానవ హక్కుల కమిషన్. మీడియా కథనాలను సుమోటో గా స్వీకరించిన హెచ్చార్సీ. కోవిడ్ వారియర్స్ ఫ్రైంట్ లైన్ వారియర్స్కు సరఫరాలో లోపం పై ఆగ్రహం. పారిశుద్య , ఎంటమాలజీ సిబ్బందికి రక్షణ వస్తువులు ఇవ్వకపోవడాన్ని తప్పు పట్టిన హెచ్చార్సీ. మాస్కులు , శానిటైజర్ల సరఫరాపై ఈ నెల 28లోగా కమీషన్ ముందు వివరణ ఇవ్వాలని జిహెచ్ఎంసి కమిషనర్ కు ఆదేశాలు.
  • నిమ్స్ లో కరోనా కలకలం . టెస్టింగ్ ల్యాబ్ సిబ్బంది ముగ్గురికి కరోనా పాజిటివ్ . మిల్లినియం బ్లాక్ నుండి ఐటిఎమర్ భవనానికి ల్యాబ్ ని టెస్టుల ప్రక్రియ కోసం మార్చడం తో బాధితులు గా మారుతున్న ల్యాబ్ సిబ్బంది .
  • కర్నూలు: నంద్యాలకు చెందిన బ్యాంక్ ఉద్యోగి కరోనాతో మృతి. మృతి చెందిన వ్యక్తి శిరివెళ్ళ మండలం యర్రగుంట్ల స్టేట్ బ్యాంక్ లో ఉద్యోగం . మృతి చెందిన వ్యక్తి కరోనా టెస్ట్ చేయించుకో గా కరోనా నిర్దారణ. పరిస్థితి విషమంగా ఉండగా కర్నూలు తరలిస్తూండగా కోలుకోలేక మృతి.
  • వరంగల్: నేడు సంపూర్ణ శాకాంబరీగా దర్శనమిస్తున్న భద్రకాళి అమ్మవారు. కరోనా వైరస్ వ్యాప్తి నేపథ్యంలో పలు ఆంక్షల మధ్య ఉత్సవాలు. భక్తులు ఎవరూ అమ్మవారికి కూరగాయలు తీసుకురావద్దని విజ్ఞప్తి. నిరాడంబరంగా ఉత్సవాలు.. నేరుగా తోట నుండి కూరగాయలు సేకరించి అమ్మవారిని సంపూర్ణ శాకాంబరీగా అలంకరించిన ఆలయ పూజారులు. సాయంత్రం 8గంటల వరకే దర్శనాలు.
  • చెన్నై మహానగరాన్ని కుదిపేస్తున్న కరోనా మహమ్మారి ,వెయ్యి మందికి పైగా మృతి . రాష్ట్రవ్యాప్తం గా 13 జిల్లాలో చెన్నై లోనే కరోనా బాధితుల సంఖ్య వేగం గా పెరుగుతుంది . రోజు వేల సంఖ్యలో కేసులు నమోదుకావడం తో ఇప్పటివరకు 66 వేల 538 మంది కి కరోనా నిర్ధారణ . చెన్నైనగరం లో కరోనా మహమ్మారికి 1 ,033 మంది మృతి చెందినట్టు అధికారులు వెల్లడి .
  • తెలంగాణ కరోనా కేసుల అప్డేట్స్: 17వేల మార్క్ కు చేరువలో జిహెచ్ఎంసి కేసులు. రాష్ట్రంలో ఈరోజు కరోనా పాజిటివ్ కేసులు 1850. తెలంగాణ రాష్ట్రంలో మొత్తం కేసులు- 22312. జిహెచ్ఎంసి పరిధిలో - 1572. ఈరోజు కరోనా తో చనిపోయిన వారు - 5. టోటల్ డెత్స్ - 288 చికిత్స పొందుతున్న వారు- 10487. డిశ్చార్జి అయిన వారు -11537.

ఉగ్రవాదులకు షాక్.. భద్రతా దళాలకు భారీ విజయం..

బుధవారం తెల్లవారుజామున పుల్వామా ప్రాంతంలో భారీ ఎన్‌కౌంటర్‌ చోటుచేసుకుంది. ఈ సంఘటనలో ఉగ్రవాదులకు భారీ షాక్‌ తగిలింది.
'Big Win': Forces Neutralise three Jaish-e-Mohammed Terrorists... Including IED Expert Ismail, ఉగ్రవాదులకు షాక్.. భద్రతా దళాలకు భారీ విజయం..

ప్రపంచ దేశాలన్నీ కరోనా మహమ్మారితో యుద్ధం చేస్తుంటే.. మన భారత సైన్యం మాత్రం.. ఓ వైపు కరోనాతో పోరాడుతూ.. మరోవైపు పాక్ ప్రేరేపిత ఉగ్రవాదులతో కూడా యుద్ధం చేస్తున్నారు. తాజాగా బుధవారం తెల్లవారుజామున పుల్వామా ప్రాంతంలో భారీ ఎన్‌కౌంటర్‌ చోటుచేసుకుంది. ఈ సంఘటనలో ఉగ్రవాదులకు భారీ షాక్‌ తగిలింది. ఈ సంఘటనలో జైషే మహ్మద్‌ చీఫ్ మసూద్‌ అజహర్‌ బంధువు ఒకరు హతమయ్యాడు. ఈ విషయాన్ని జమ్మూకశ్మీర్ పోలీస్ ఐజీ విజయ్ కుమార్ తెలిపారు. బుధవారం పుల్వామా ప్రాంతంలోని కంగన్‌ ప్రాంతంలో జరిగిన ఎన్కౌంటర్‌లో జైషే టాప్ కమాండర్‌ ఫౌజీ బాబాను మట్టుబెట్టినట్లు స్పష్టం చేశారు. ఫౌజీ బాబా పాక్‌లోని ముల్తాన్‌కు చెందిన వాడు. ఇతడు ఐఈడీ మందుపాతరలు పెట్టి పేల్చడంలో స్పెషలిస్ట్‌ అన్నారు. ఇక ఇతడితో పాటు మరో ఇద్దరు ఉగ్రవాదులు కూడా హతమయ్యారు. వీరిలో వలీద్ అనే వాంటెడ్ ఉగ్రవాది కూడా ఉన్నట్లు పేర్కొన్నారు.

కాగా, గతేడాది పుల్వామాలో జరిపినట్లుగా మరోసారి ఐఈడీ బ్లాస్ట్‌ చేద్దామనుకున్న ఉగ్రవాదుల ప్లాన్‌ను భారత సైన్యం తిప్పికొట్టింది. వారం రోజుల క్రితం ఓ కారులో 45 కిలోల పేలుడు పదార్ధాలతో సైన్యాన్ని టార్గెట్‌ చేసిన సంగతి తెలిసిందే. అయితే ఈ విషయాన్ని ట్రేస్ చేసిన సైన్యం.. భారీ పేలుడు పదార్ధాలతో వెళ్తున్న కారును సైన్యం వెంబడించింది. అంతేకాదు.. వారిపై కాల్పులు జరపడంతో.. ఆ ఉగ్రవాదులు కారును వదిలి పారిపోయారు. దీంతో ఆ కారును నిర్మానుష్య ప్రదేశానికి తీసుకెళ్లి పేల్చేసింది సైన్యం. ఈ క్రమంలో తప్పించుకున్న ఉగ్రవాదుల కోసం.. సైన్యం లోయలో జల్లెడ పడుతుండగా.. బుధవారం నాడు ముగ్గురు హతమయ్యారు. వీరిలోనే మోస్ట్ వాంటెడ్‌ టెర్రరిస్టులు హతమవ్వడంతో.. భారత సైన్యం భారీ విజయం సాధించినట్లైంది.

Related Tags