Breaking News
  • తెలుగు రాష్ట్రాలకు రూ.10లక్షలు విరాళం. మలికిపురం మండలం మట్టపర్రు సొంత గ్రామానికి తనవంతు సహాయంగా 5లక్షలు అందజేత.. తన కుటుంబ సభ్యుల ద్వారా తన గ్రామంలో రేషన్ కార్డులు ఉన్న ప్రతి ఒక్కరికీ వెయ్యి రూపాయల చొప్పున పంపిణీ.. కరోనా వైరస్ బారిన పడకుండా జాగ్రత్తగా ఉండాలని పిలుపు..
  • న్యూఢిల్లీ: కరోనా వైరస్ పై జరుగుతున్న యుద్ధంలో విజయం సాధించాలంటే ప్రజల సహకారం మరింత అవసరమని కేంద్ర హోం శాఖ సహాయ మంత్రి కిషన్ రెడ్డి.
  • కాశ్మీర్ లోయలో ఒక్కరోజులోనే 7 కొత్త కరోనా కేసుల నమోదు. శ్రీనగర్‌లో విదేశాలకు వెళ్లొచ్చిన ముగ్గురికి, మతపరమైన ప్రార్థనలకు హాజరైన నలుగురికి కరోనా పాజిటివ్. పాజిటివ్ కేసుల కాంటాక్ట్ ట్రేసింగ్ మొదలు పెట్టిన అధికారులు.
  • విజయనగరం : టివి9 సమచారంతో స్పందించిన విశాఖ రీజియన్ డిఐజి కాళిదాసు రంగారావు ఏపి చెన్నై బోర్డర్ అధికారులతో పాటు చైన్నై కి చెందిన పోలీస్ ఉన్నతాధికారులతో మాట్లాడిన డిఐజి విజయనగరం జిల్లాకు చెందిన వారికి మౌలిక సదుపాయాలు కల్పించాలని విన్నపం బాధితులతో మాట్లాడిన రంగారావు.
  • సూర్యాపేట: మోతె మండలం రాఘవ పురం,నామవరం గ్రామాల్లో దళిత కాలనిలో ఇంటి ఇంటికి తిరిగి కూరగాయలు పంపిణీ చేసిన ఎంపీపీ మీ ఆశా శ్రీకాంత్ రెడ్డి. పంచిన ఎంపీపీ ఆశశ్రీకాంత్ రెడ్డి, పాల్గొన్న సర్పంచ్ లు,ఆశా వర్కర్లు, పోలీస్ సిబ్బంది.
  • కరోనా మహమ్మారి ప్రభావం వివిధ రంగాలపై తీవ్రంగా పడింది. దీని బారి నుంచి ప్రజలను కాపాడటానికి ఇప్పటికే హీరోల నుంచి సినీ నిర్మాతల నుంచి , దర్శకుల నుంచి విరాళాలు వెల్లువెత్తిన సంగతి తెలిసిందే. ఈ సంక్షోభం నుంచి సినిమా రంగాన్ని బయటపడేయటానికి సినీ ప్రముఖులు కంకణం కట్టుకున్నారు.
  • తెలంగాణలో లాక్‌డౌన్‌ ఉన్నా కొంతమంది ఖాతరు చేయడం లేదు. అడ్డదారుల్లో రాష్ట్ర సరిహద్దులు దాటేందుకు ప్రయత్నిస్తున్నారు. కంటైనర్‌లో వందల మంది ఇతర రాష్ట్రాలకు వెళ్లే ప్రయత్నం చేయగా.. పోలీసులు అడ్డుకున్నారు.
  • కరోనా పిశాచి అంతకంతకూ కోరలు చాస్తూ విలయతాండవం చేస్తోంది.. అగ్రరాజ్యం అమెరికా సైతం కరోనా మహమ్మారికి అడ్డుకట్ట వేయలేకపోతోంది. అక్కడ ఒక్కరోజే 18 వేల కొత్త కేసులు నమోదయ్యాయి.

బాబు ఇంటి చుట్టూ వరద రాజకీయం

Rising Krishna Waters Threaten To Flood Chandrababu Naidus house, బాబు ఇంటి చుట్టూ వరద రాజకీయం

అమరావతిలో కృష్ణానది ఉగ్రరూపం దాల్చింది. ముంపు ప్రాంతాల వాసులు భయంతో వణికిపోతున్నారు. వరద ఉధృతి పెరగడంతో.. ముప్పును ఎదర్కొక తప్పదనే భయంతో కంటి మీద కునుకు లేకుండా గడుపుతున్నారు. ప్రకాశం బ్యారేజీ నుంచి ఇప్పటికే నీళ్లను వదులుతున్నారు. దీంతో దివిసీమాలో గంటగంటకు వరద ఉదృతి పెరుగుతోంది. పులిగడ్డ అక్విడేట్‌ వద్ద ఇప్పటికే వరద నీరు 18 అడుగులకు చేరుకుంది. పరిస్థతి ప్రమాదకరంగా మారడంతో అక్విడెక్ట్‌ పై రాకపోకలను అధికారులు నిలిపేశారు. ఇప్పటికే అధికారులు లోతట్టు ప్రాంతాల వారిని అలెర్ట్‌ చేశారు. కృష్ణా నదిలో మరింత వరద పెరగుతోంది. పదేళ్ల తర్వాత కృష్ణా నదిలో వరద ఉధృతి కనిపిస్తుండటంతో నీళ్లను చూడటానికి జనం భారీ ఎత్తున తరలి వస్తున్నారు.

ఇదిలా వుంటే.. కరకట్టను కృషానీరు తాకింది. కరకట్ట సమీపంలోని ఇళ్లు, పంటపొలాలు, అరటి తోటల్లోకి వరద నీరు చేరింది. దీంతో రైతులు భయాందోళనకు గురవుతున్నారు. కరకట్ట వద్ద చంద్రబాబు నివాసం ఉంటున్న లింగమనేని గెస్ట్ హౌస్‌ ఇంటి మెట్ల దగ్గరకు వరద నీరు చేసింది. గుంటూరు కలెక్టర్‌ చంద్రబాబు గెస్ట్ హౌస్‌ను పరిశీలించారు. వరద ఉధృతిని రెవెన్యూ అధికారులతో కలిసి అంచనా వేశారు. మరోవైపు వరద ఉధృతి కారణంగా అమరావతి, క్రోసూరు, అచ్చంపేట మధ్య రాకపోకలు నిలిచిపోయాయి.

మరోవైపు కృష్ణావరదపై మాజీ మంత్రి దేవినేని ఉమ సంచలన కామెంట్లు చేశారు. ఇది ప్రభుత్వం కావాలని సృష్టించిన వరద అని.. ఒక ప్రణాళిక లేకుండా నీటి విడుదల చేయడం వలనే వరద ఉధృతి ఈ స్థాయిలో పెరిగిందని ఆయన మండిపడ్డారు. చంద్రబాబు నివాసం, రాజధాని రైతుల భూములను ముంచాలనే ప్రభుత్వం ఈ ఆలోచన చేస్తోందని ఆయన ఆరోపించారు. రాజధాని కడపకు తరలించుకుపోవాలని సీఎం జగన్ కుట్ర పన్నుతున్నారని విమర్శించారు. గతంలో 11 లక్షల క్యూసెక్కుల నీరు వచ్చినప్పుడే ఎలాంటి నష్టం జరగలేదని.. ఇప్పుడు 7 లక్షల క్యూసెక్కులకే విజయవాడ పరిసర ప్రాంతాలను ముంచేసిందని దేవినేని ఉమ ఆగ్రహం వ్యక్తం చేశారు. మొత్తానికి కృష్ణానది వరద ప్రభావం రాజకీయ నేతలపై పడింది.

Related Tags