Breaking News
  • సికింద్రాబాద్‌-మచిలీపట్నం మధ్య ప్రత్యేక రైళ్లు. డిసెంబర్‌ 1,8,15,22,29 తేదీల్లో నడవనున్న ప్రత్యేక రైళ్లు. మచిలీపట్నంలో మధ్యాహ్నం 2:25కి బయల్దేరి.. రాత్రి 10:10కి సికింద్రాబాద్‌కు చేరుకోనున్న ప్రత్యేక రైలు. అదేరోజు సికింద్రాబాద్‌ నుంచి రాత్రి 11:55కి బయల్దేరి.. మరుసటి రోజు ఉ.8:55కి మచిలీపట్నం చేరుకోనున్న ప్రత్యేక రైలు.
  • ఏపీకి నెంబర్లు కేటాయించిన కేంద్రం. అక్రమ మైనింగ్‌, అనధికార మద్యం అమ్మకాలపై.. ఫిర్యాదులకు నెంబర్లు కేటాయించిన కేంద్ర సర్కార్‌. అక్రమ మైనింగ్‌పై ఫిర్యాదు కోసం 14400 నెంబర్‌.. అనధికార మద్యంపై ఫిర్యాదుకు 14500 నెంబర్‌ కేటాయింపు.
  • మళ్లీ పెరిగిన బంగారం ధరలు. పెళ్లిళ్ల సీజన్‌ కొనుగోళ్లతో పెరిగిన పసిడి ధరలు. 10గ్రాముల 24క్యారెట్ల బంగారంపై రూ.225 పెంపు. రూ.38,715 పలుకుతున్న 10గ్రాముల బంగారం. రూ.440 పెరిగి రూ.45,480కి చేరిన కిలో వెండి ధర.
  • ఛండీగడ్‌: 2019 ప్రపంచ కబడ్డీ కప్‌కు పంజాబ్ ఆతిథ్యం. డిసెంబర్‌ 1 నుంచి 9 వరకు మ్యాచ్‌ల నిర్వహణ. సుల్తాన్‌పూర్‌ లోధిలోని గురునానక్‌ స్టేడియంలో ప్రారంభ వేడుక. ప్రపంచ కబడ్డీ టోర్నీలో పాల్గొననున్న భారత్, అమెరికా, శ్రీలంక.. ఆస్ట్రేలియా, ఇంగ్లాండ్, కెన్యా, న్యూజిలాండ్‌, పాకిస్తాన్‌, కెనడా జట్లు.
  • ఓటర్ల జాబితా సవరణకు కొత్త షెడ్యూల్‌ విడుదల. జనవరి 1, 2020 అర్హత తేదీతో ఓటర్ల జాబితా సవరణ. ఓటర్ల వివరాల పరిశీలనకు ఈనెల 30 తుది గడువు. డిసెంబర్‌ 16న ఓటర్ల జాబితా ముసాయిదా ప్రచురణ. 2020, జనవరి 15న అభ్యంతరాలు, వినతుల స్వీకరణ.
  • టిక్‌టాక్‌కు పోటీగా త్వరలో ఇన్‌స్టాగ్రామ్‌ కొత్త ఫీచర్‌. రీల్స్‌ పేరిట ఓ కొత్త ఫీచర్‌ అందుబాటులోకి. ఇన్‌స్టాగ్రామ్‌లోని ఎక్స్‌ప్లోర్‌ సెక్షన్‌లో కొత్త ఫీచర్. కొత్త ఫీచర్‌లో టిక్‌టాక్ మాదిరిగా వీడియోలు క్రియేట్‌ చేసే సౌకర్యం.

కేసీఆర్, జగన్ భేటీ.. ఏయే అంశాలపై చర్చించారంటే..?

ఏపీ, తెలంగాణ సీఎంల భేటీ ప్రాధాన్యత సంతరించుకుంది. అయితే తెలుగు రాష్ట్రాల పట్ల కేంద్రం వ్యవహరిస్తున్న తీరు, రాష్ట్రాల అభివృద్ధికి సంబంధించి పలు అంశాలపై చర్చించినట్లు తెలుస్తోంది.

రాజకీయ కారణాలతో కేంద్ర ప్రభుత్వం తెలుగు రాష్ట్రాలకు చేయూత ఇవ్వడం లేదని ఇరు రాష్ట్రాల సీఎంలు కేసీఆర్, జగన్ అభిప్రాయపడుతున్నారు. అంతేకాదు రాష్ట్రాల బాగు కోసం తాము తీసుకునే నిర్ణయాల్లో కేంద్రం జోక్యం చేసుకోవడం పై అసంతృప్తిగా ఉన్నట్లు తెలుస్తోంది. నరేంద్రమోదీని కలిసి ఈ అంశాలపై చర్చించాలని ఇరువురు అభిప్రాయపడుతున్నారు. ముఖ్యంగా ఆర్థిక మాంద్యం ప్రమాదకరంగా మారిందని, ఇప్పటికే పలు రంగాలపై ప్రభావం చూపుతోందని తెలంగాణ సీఎం తెలిపారు. ఇక జగన్ కూడా ఏపీలోని పరిస్థితులను వివరించారు.

ఇక తెలంగాణ, ఏపీ రాష్ట్రాలు బాగుపడేలా గోదావరి-కృష్ణా నదులను లింక్ చేయాలని సమావేశంలో నిర్ణయించారు. అంతేకాదు గోదావరి నీటిని కృష్ణాకు ఎక్కడ నుంచి, ఎలా తరలించాలి, అలైన్ మెంట్ ఎలా ఉండాలి అనే దానిపై కొంత స్పష్టత వచ్చింది. దీంతోపాటు వివిధ అంశాలపై ఇద్దరు సీఎంలు 4 గంటల పాటు చర్చించి ఏకాభిప్రాయానికి వచ్చినట్లు తెలుస్తోంది. విద్యుత్, పోలీస్ ఉద్యోగులకు సంబంధించి సమస్యల పరిష్కారానికి ఇరువురు అంగీకరించారు. ఇక వచ్చే నెలలో మరోసారి ఇద్దరూ భేటీ కావాలని నిర్ణయించినట్లు సమాచారం.