Breaking News
  • విజయవాడ: టీడీపీ ప్రభుత్వం ఆర్టీసీ, విద్యుత్‌ చార్జీలు పెంచలేదు. ఆర్టీసీ చార్జీల పెంపుతో ప్రజలపై రూ.3,500 కోట్ల భారం పడుతుంది. వైసీపీ చేతగాని తనంతోనే ప్రజలపై భారం మోపారు -మాజీ మంత్రి దేవినేని ఉమ. ఐదు నెలలు ఇసుక దొరకకుండా దోచుకున్నారు. ఇప్పుడు ఆర్టీసీ చార్జీల పెంపుతో ప్రజలపై భారం మోపారు -మాజీ మంత్రి కొల్లు రవీంద్ర.
  • విజయవాడ: భవానీ దీక్ష విరమణల కోసం అన్ని ఏర్పాట్లు చేశాం. ఈ నెల 18 నుంచి 22 వరకు ఇంద్రకీలాద్రిపై భవానీ దీక్షా విరమణలు. కనకదుర్గానగర్‌ మీదుగా భక్తులను ఆహ్వానిస్తున్నాం. భవానీల కోసం ఘాట్‌ రోడ్డు మీదుగా క్యూలైన్‌లు ఏర్పాటు చేశాం. ఇంద్రకీలాద్రిపై ప్లాస్టిక్‌ను నిషేధించాం-ఈవో సురేష్‌ బాబు.
  • చెన్నై: స్థానిక సంస్థల ఎన్నికలకు రజినీ మక్కల్‌ మండ్రం దూరం. ఏ పార్టీకి మద్దతు ప్రకటించని మండ్రం. రజినీ మద్దతు ఇస్తున్నట్టు ఎవరైనా ప్రచారం చేసుకుంటే.. కఠిన చర్యలు తీసుకుంటామని హెచ్చరిక.
  • నెల్లూరు: వైసీపీ ప్రభుత్వం మాట తప్పింది-కోటంరెడ్డి . ప్రజలపై ఏ భారం వేయబోము అని నమ్మించి అధికారంలోకి వచ్చారు. ఆర్టీసీ చార్జీల పెంపుతో ఏటా రూ.700 కోట్ల భారం ప్రజలపై పడింది. మాట తప్పని జగన్‌ ఆర్టీసీ చార్జీల పెంపుపై సమాధానం చెప్పాలి. తెలంగాణ సీఎం కేసీఆర్‌ను కాపీ కొడుతూ జగన్‌ కాపీ సీఎంగా మారారు -నూడా మాజీ చైర్మన్‌ కోటంరెడ్డి శ్రీనివాసులు రెడ్డి.
  • భవానీని కన్న తల్లిదండ్రులకు అప్పగించిన పోలీసులు. కన్న తల్లిదండ్రులకు ఎలాంటి డీఎన్‌ఏ అక్కర్లేదన్న పోలీసులు. కన్న తల్లిదండ్రుల దగ్గర అన్ని ఆధారాలున్నాయి. ఇరు కుటుంబాలు తమ అనుమానాలను మా దృష్టికి తీసుకొచ్చారు. వాళ్ల అనుమానాలను నివృత్తి చేశాం-పోలీసులు. భవానీ కన్న తల్లిదండ్రుల వద్దకు వెళ్లేందుకు అంగీకరించింది. ఇరువురు ఒప్పుకోవడంతో కన్నవారికే అప్పగించాం-పోలీసులు.
  • తిరుమల శ్రీవారి ఆలయం దగ్గర అగ్నిప్రమాదం. శ్రీవారి ఆలయం వెలుపల ఉన్న బూందీ తయారీ పోటులో మంటలు. మంటలార్పుతున్న ఫైర్‌ సిబ్బంది.
  • అమరావతి: రేపటి నుంచి ఏపీ అసెంబ్లీ సమావేశాలు. వాడీవేడిగా జరగనున్న సమావేశాలు. ఉల్లి, నిత్యావసరాల ధరల పెరుగుదలపై.. రేపు అసెంబ్లీలో వాయిదా తీర్మానం ఇవ్వనున్న టీడీపీ. ఉల్లి ధరల పెరుగుదలపై టీడీపీ నిరసన. అసెంబ్లీ గేట్‌ నుంచి ఉల్లిపాయల దండలతో.. అసెంబ్లీకి వెళ్లనున్న టీడీపీ ఎమ్మెల్యేలు, ఎమ్మెల్సీలు.

దేవినేని ఉమా ఉంటే టీడీపీ బ్రతకదు : వల్లభనేని వంశీ

Big News Big Debate: Vallabhaneni Vamsi Slams Devineni Uma, దేవినేని ఉమా ఉంటే టీడీపీ బ్రతకదు : వల్లభనేని వంశీ

కృష్ణాతీరంలో ఒక్కసారి రాజకీయ కలకలం రేగింది. క్షణాల వ్యవధిలోనే ఇద్దరు నేతలు తెలుగుదేశానికి షాకిచ్చారు. ఒకరు విమర్శలు జోలికి పోకుండా వైసీపీ కండువా కప్పేసుకున్నారు. మరొకరు మాత్రం అధినేతను, ఆయన తనయుడిని ఓ రేంజ్‌లో తిట్టి మరీ… అధికార పార్టీకి జై కొట్టారు. వల్లభనేని వంశీ నిర్ణయంతో ఏపీ రాజకీయంలో ఎలాంటి మార్పు రాబోతోంది అన్నది ఇప్పుడు ఆసక్తికరంగా మారింది.

ఇన్నాళ్లు సైలెన్స్‌ మెయింటేన్‌ చేసిన గన్నవరం ఎమ్మెల్యే వల్లభనేని వంశీ తన డైలాగులతో పొలిటికల్‌ బ్లాస్ట్‌ చేశారు. టీడీపీ అధినేత చంద్రబాబును, ఆయన తనయుడు, జాతీయ ప్రధాన కార్యదర్శి లోకేష్‌ను ఓ రేంజ్‌లో టార్గెట్‌ చేశారు. టీడీపీపై ప్రజల్లో విశ్వాసం పోయిందన్నారు. వర్థంతికి, జయంతికి తేడా తెలియని వాళ్లు పార్టీని నడుపుతున్నారని లోకేష్‌పై సెటైర్లు వేశారు. ఇబ్బంది ఉన్నా పార్టీ న్యాయం చేయలేదని, సీఎంగా ఉన్నప్పుడు చంద్రబాబు ఏ రోజూ ఎమ్మెల్యేలను పట్టించుకోలేదని, జూనియర్‌ ఎన్టీఆర్‌ను ఎదగనీయకుండా తొక్కేశారని తీవ్ర ఆరోపణలే చేశారు వంశీ. ప్రభుత్వం మంచి చేస్తుంటే ఆరు నెలలు ఆగలేరా? అంటూ చంద్రబాబు తీరును తప్పుబట్టారు. వరదల్లో ఇసుక తీసే టెక్నాలజీ మీ దగ్గర ఉందా? అంటూ ప్రశ్నించారు. స్కూళ్లల్లో ఇంగ్లీషు మీడియాన్ని సమర్థించారు. తన నియోజకవర్గ ప్రజల కోసం వైసీపీలో చేరతానని ప్రకటించారు వంశీ.

ఇక ఇదే అంశంలో బిగ్ న్యూస్-బిగ్ డిబేట్ వేదికగా టీవీ9 మేనేజింగ్ ఎడిటర్ రజినీకాంత్ ఆధ్వర్యంలో కీలక చర్య జరిగింది. ఈ డిష్కషన్‌లో ఎమ్మెల్యే వల్లభనేని వంశీమోహన్, టీడీపీ నేత రాజేంద్రప్రసాద్ పాల్గొన్నారు. ఈ సందర్భంగా వంశీ టీడీపీ సీనియర్ నేత, మాజీ మంత్రి దేవినేని ఉమాపై తీవ్ర విమర్శలు చేశారు. అతను ఉన్నంతకాలం టీడీపీ పార్టీ బ్రతకదని పేర్కొన్నారు. తన నియోజకవర్గ అభివృద్దిని..ఉమా అడ్డుకున్నారని వంశీ ఆరోపించారు.