Breaking News
  • నల్గొండ: చండూరు డాన్‌బాస్కో కాలేజీలో విద్యార్థి ఆత్మహత్య. ఉరివేసుకొని ఆత్మహత్య చేసుకున్న ఫస్టియర్‌ విద్యార్థి ప్రకాష్‌. ప్రకాష్‌ ఆత్మహత్యకు ప్రేమ వ్యవహారమే కారణమని అనుమానం. ప్రకాష్‌ స్వస్థలం గుంటూరు జిల్లా .
  • ప.గో: సంజీవయ్య నగర్‌లో కొండచిలువ కలకలం. నివాసాల మధ్యకు వచ్చిన 8 అడుగుల కొండచిలువ. భయబ్రాంతులకు గురైన స్థానికులు కొండచిలువను కొట్టి చంపిన స్థానికులు.
  • ప.గో: పెనుమంట్ర మండలం మార్టేరులో కిసాన్‌ మేళా. కిసాన్‌ మేళాలో పాల్గొన్న వ్యవసాయ మంత్రి కన్నబాబు. మాది రైతు పక్షపాత ప్రభుత్వం-మంత్రి కన్నబాబు. 44 లక్షల రైతు కుటుంబాలకు రైతుభరోసా వర్తింపు. రూ.3లక్షల రుణం తీసుకున్న రైతులకు వడ్డీ లేదు-కన్నబాబు. చిరుధాన్యాలు పండించే రైతులను ప్రోత్సహించేందుకు. త్వరలోనే విధివిధానాలు ప్రకటిస్తాం-మంత్రి కన్నబాబు
  • సంగారెడ్డి: జిల్లాలో పలు అభివృద్ధి పనులకు హరీష్‌రావు శంకుస్థాపన. జోగిపేట, ఆందోల్‌లో రూ.10కోట్ల పనులకు శంకుస్థాపన చేసిన హరీష్‌. మున్సిపాల్టీ ఎన్నికల్లో టీఆర్ఎస్‌ విజయం ఖాయం-మంత్రి హరీష్‌రావు. కాళేశ్వరం, మల్లన్న సాగర్‌ నీళ్లతో సింగూర్‌ను నింపుతాం-హరీష్‌. సాగుకోసం సింగూర్‌ నీరు మెదక్ జిల్లాకు దక్కేలా ప్రణాళికలు రచిస్తాం. సింగూర్‌లో నీళ్లు లేకపోవడంతో ప్రత్యామ్నాయ ఏర్పాటు చేస్తాం. అదనంగా నిధులు ఇవ్వాలని సీఎం అధికారులను ఆదేశించారు-హరీష్‌రావు.
  • తెలంగాణ భవన్‌లో ముగిసిన టీఆర్‌ఎస్‌పీపీ సమావేశం కాళేశ్వరం ప్రాజెక్ట్‌కు జాతీయహోదాపై పోరాడుతాం-ఎంపీ నామా. రాష్ట్రంలో అన్ని ప్రాజెక్ట్‌లకు నిధులు కోరుతాం-ఎంపీ నామా. కాళేశ్వరంపై సుప్రీంకోర్టులో ఏపీ అఫిడవిట్‌ దాఖలు చేయడంపై సీఎం కేసీఆర్‌ స్పందించారు-ఎంపీ నామా నాగేశ్వరరావు. బయ్యారం స్టీల్‌ప్లాంట్‌తో పాటు 30 అంశాలపై చర్చించాం . హామీల సాధన కోసం కేంద్రంపై ఒత్తిడి తెస్తాం-నామా నాగేశ్వరరావు. మిషన్‌ భగీరథ పథకానికి కేంద్రాన్ని నిధులు కోరుతాం-ఎంపీ నామా.
  • హైదరాబాద్‌: టీఆర్‌ఎస్‌ ఎంపీలకు కేటీఆర్‌ దిశానిర్దేశం. పార్లమెంట్ సమావేశాల్లో విభజన హామీలు పెండింగ్‌ సమస్యలను లేవనెత్తాలని కేటీఆర్‌ ఆదేశం. బడ్జెట్‌లో తెలంగాణకు దక్కాల్సిన అంశాలు, ప్రాజెక్టులు నిధులపై ఇప్పటి నుంచే పనిచేయాలని ఎంపీలకు సూచన. గణాంకాలతో ఎంపీలకు సమగ్ర సమాచారం అందించాలన్న కేటీఆర్‌. దేశ రాజధానిలో అన్ని హంగులతో పార్టీ కార్యాలయం నిర్మిస్తాం. పార్టీ ఆఫీస్‌ నిర్మాణ ప్రక్రియను వేగవంతం చేస్తామన్న కేటీఆర్‌.
  • తిరుమలలో పెరిగిన భక్తుల రద్దీ శ్రీవారి ఉచిత దర్శనానికి 12 గంటల సమయం ఈరోజు శ్రీవారి హుండీ ఆదాయం రూ.2.88కోట్లు

అప్పు చేసి తప్పు చేస్తే కేసు ఎందుకు పెట్టరు? బిగ్ న్యూస్ బిగ్ డిబేట్‌లో బీజేపీ నేత

ఏపీ ఆర్థికపరిస్థితిపై టీడీపీ, వైసీపీ శ్రేణుల మధ్య మాటల యుద్ధం తారా స్థాయికి చేరింది. టీవీ9 బిగ్ న్యూస్- బిగ్ డిబేట్ వేధికగా జరిగిన చర్చా కార్యక్రమంలో బీజేపీ నేత రఘురామ్ వైసీపీ, టీడీపీపై తీవ్ర స్థాయిలో విమర్శలు గుప్పించారు. ఇరు పార్టీలు ప్రజల్ని మోసం చేస్తున్నాయని. రాష్ట్రానికి చేసిన అప్పుల విషయంలో ఒకరిపై ఒకరు ఆరోపణలు చేసుకుంటున్నారని.. కానీ నిజాలు ఎంటో ప్రజలకు వివరించడం లేదని మండిపడ్డారు. గతంలో కాంగ్రెస్ ప్రభుత్వంపై చంద్రబాబు ఆరోపణలు చేశారని.. ఆ తర్వాత చంద్రబాబుపై వైసీపీ ఆరోపణలు చేసిందని.. కానీ ఇరు పార్టీలు అధికారంలో ఉన్నప్పుడు.. నిజంగా అప్పు చేసి తప్పు చేస్తే వారిపై కేసులు ఎందుకు నమోదు చేయడం లేదని ప్రశ్నించారు. బిగ్ న్యూస్ బిగ్ డిబేట్ వేదికలో వైసీపీ నుంచి ఈద రాజశేఖర్, టీడీపీ నుంచి మాల్యాద్రిలు పాల్గొన్నారు.

ఇవాళ ఉదయం టీడీపీని టార్గెట్ చేస్తూ.. ఏపీ ఆర్థిక శాఖ మంత్రి బుగ్గన రాజేంద్రనాథ్ రెడ్డి తీవ్ర స్థాయిలో మండిపడ్డారు. చంద్రబాబు చేసిన అప్పులతో.. రాష్ట్రానికి అప్పులు తీసుకురాలేని పరిస్థితిని తెచ్చారని మండిపడ్డారు. గత ఐదేళ్లలో మాజీ సీఎం చంద్రబాబు ప్రభుత్వం చేసిన అప్పుల తప్పుల్ని.. మూడు నెలల్లోనే ఎలా సరిదితద్దుతామంటూ ప్రశ్నించారు. రూ. 38వేల కోట్లు సప్లిమెంటరీ గ్రాంట్లు, 40వేల కోట్ల పెండింగ్‌ బిల్స్‌, 65 వేల కోట్ల చెల్లించాల్సిన అప్పులు ఇచ్చి వెళ్లారని విమర్శింంచారు. ఎన్నికలకు ముందు ఆర్నెల్లలో కాంట్రాక్టర్లకు 7వేల కోట్లకు పైగా బిల్లులు చెల్లించారని విమర్శించారు. టీడీపీ హయాంలో డిస్కమ్‌లకు 14,857 కోట్ల రూపాయల నిధులు పెండింగ్‌లో పెట్టారని అన్నారు. టీడీపీ హయాంలో ఐదేళ్లలో కనీసం 165 శాతం పెరగాల్సిన తలసరి ఆదాయం, కేవలం 70 శాతమే పెరిగిందని విమర్శించారు.

ఇక టీడీపీ నేతలే ఎన్నికల ముందు అప్పు పుట్టదని ప్రచారంలో యనమల అన్నారని డిబేట్‌లో వైసీపీ నేత ఆరోపించారు. దీన్ని బట్టి చూస్తే చంద్రబాబు ఆర్థిక వ్యవస్థ ఎలా ఉందో అర్థమవుతుందని ఈద రాజశేఖర్ అన్నారు. ప్రస్తుతం చంద్రబాబు చేసిన అప్పులకు అప్పు కూడా పుట్టకుండా పరిపాలించి వెళ్లారంటూ ఆరోపించారు. దీనిపై టీడీపీ నేత మాల్యాద్రి కౌంటర్ అటాక్ చేశారు. బుగ్గన రాజేంద్ర ఇచ్చిన శ్వేత పత్రంలోనే టీడీపీ అప్పుల రేషియో 2014 కంటే 2018-19లో తగ్గిందన్నారు. 2014లో టీడీపీ హయాంలో 28.25గా ఉన్న అప్పుల రేషియో.. 2018-19లో 28.12కు తగ్గిందని అన్నారు.