Breaking News
  • తెలంగాణ నీటిపారుదల రంగంలో వచ్చిన విప్లవాత్మక మార్పులు. జల వనరుల శాఖను పునర్వ్యవస్థీకరించాలని నిర్ణయించిన సీఎం. ప్రాజెక్టులు, కాల్వలు, రిజర్వాయర్లు, పంపు హౌజులు, ఆయకట్టు పెరిగినందున పనిభారం పెరిగింది. మారిన పరిస్థితికి అనుగుణంగా జల వనరుల శాఖలో సిఇలు బాధ్యులుగా అధిక ప్రాదేశిక ప్రాంతాలను ఏర్పాటు చేస్తున్నట్లు ప్రకటించిన పీఎం.
  • తెలంగాణకు మరో భారీ పెట్టుబడి: మెడికల్ డివైస్ తయారీలో ప్రపంచ ప్రఖ్యాత సంస్థ మెడ్ ట్రానిక్స్ 1200 కోట్ల పెట్టుబడి. ఇప్పుడున్న తన అర్ అండ్ డి సెంటర్ ను 1200 కోట్లతో విస్తరించనున్న మెడ్ ట్రానిక్స్. అమెరికా అవతల మెడ్ ట్రానిక్ అతిపెద్ద అర్ అండ్ డి సెంటర్ ఇదే ఈ పెట్టుబడికి తెలంగాణ అనకూలమన్న కంపెనీ చైర్మన్ ఒమర్ ఇస్రాక్ రెండేళ్లుగా నిరంతరం కంపెనీతో చర్చిస్తున్న తెలంగాణ రాష్ర్టం. ఈ పెట్టుబడితో భారతదేశ మెడ్ టెక్ హబ్ గా హైదరాబాద్ మారుతుందన్న మంత్రి కెటియార్.
  • తెలంగాణకు మరో భారీ పెట్టుబడి: మెడికల్ డివైస్ తయారీలో ప్రపంచ ప్రఖ్యాత సంస్థ మెడ్ ట్రానిక్స్ 1200 కోట్ల పెట్టుబడి. ఇప్పుడున్న తన అర్ అండ్ డి సెంటర్ ను 1200 కోట్లతో విస్తరించనున్న మెడ్ ట్రానిక్స్. అమెరికా అవతల మెడ్ ట్రానిక్ అతిపెద్ద అర్ అండ్ డి సెంటర్ ఇదే ఈ పెట్టుబడికి తెలంగాణ అనకూలమన్న కంపెనీ చైర్మన్ ఒమర్ ఇస్రాక్ రెండేళ్లుగా నిరంతరం కంపెనీతో చర్చిస్తున్న తెలంగాణ రాష్ర్టం. ఈ పెట్టుబడితో భారతదేశ మెడ్ టెక్ హబ్ గా హైదరాబాద్ మారుతుందన్న మంత్రి కెటియార్.
  • తెలంగాణ నీటిపారుదల రంగంలో వచ్చిన విప్లవాత్మక మార్పులు. జల వనరుల శాఖను పునర్వ్యవస్థీకరించాలని నిర్ణయించిన సీఎం. ప్రాజెక్టులు, కాల్వలు, రిజర్వాయర్లు, పంపు హౌజులు, ఆయకట్టు పెరిగినందున పనిభారం పెరిగింది. మారిన పరిస్థితికి అనుగుణంగా జల వనరుల శాఖలో సిఇలు బాధ్యులుగా అధిక ప్రాదేశిక ప్రాంతాలను ఏర్పాటు చేస్తున్నట్లు ప్రకటించిన పీఎం.
  • కేరళ : కేరళ రాష్ట్రం లోని మున్నారు లో విరిగిపడ్డ కొండ చరియలు కారణం గా ఇప్పటివరకు 52 మంది మృతి ,20 మంది గల్లంతు . గల్లంతయిన వారిలో 20 మంది కోసం కొనసాగుతున్న రెస్క్యూ . మృతి చెందినవారిలో ఎక్కువశాతం తమిళనాడుకి చెందిన వారే.
  • రాజధాని వికేంద్రీకరణ మరియు సిఆర్డిఏ రద్దు బిల్లుల పై కోర్టు లో కౌంటర్ అఫిడవిట్ దాఖలు బాధ్యతలు మునిపల్ శాఖ కార్యదర్శి శ్యామల రావు కి అప్పగింత . అనేక డిపార్ట్మెంట్ లను ప్రతివాదులుగా చేరుస్తున్న నేపధ్యంలో కౌంటర్ అఫిడవిట్ కోసం శ్యామల రావును నామినేట్ చేసిన సర్కార్ . చీఫ్ సెక్రటరీ తో సహా మిగిలిన అధికారుల బదులు కౌంటర్ అఫిడవిట్ లో శ్యామల రావు సంతకం చేసేలా ఆదేశం. శ్యామల రావు అందుబాటులో లేని పక్షంలో మునిసిపల్ శాఖ ప్రత్యేక కార్యదర్శి రామ్ మనోహర్ రావు కు ఆ బాధ్యతలు . ఈ మేరకు ఉత్తర్వులు జారీ చేసిన ఏపీ ప్రభుత్వం.
  • కడప జిల్లా: మాజీ మంత్రి సీనియర్ నేత ఖలీల్ బాష కన్నుమూత. గత కొంతకాలంగా అనారోగ్యంతో బాధపడుతున్న ఖలీల్ బాష. హైదరాబాద్ లోని ఓ ప్రైవేట్ ఆసుపత్రిలో చికిత్స పొందుతూ మృతి చెందిన మాజీ మంత్రి.
  • ట్విట్టర్లో దూసుకెళ్తోన్న గ్రీన్ ఇండియా ఛాలెంజ్. ట్విట్టర్ ఇండియా ట్రెండ్స్ లో 2 వ స్థానంలో గ్రీన్ ఇండియా ఛాలెంజ్. ఇవాళ ఒక్కరోజే 70 వేలా ట్వీట్లతో దూసుకెళ్తోన్న గ్రీన్ ఇండియా ఛాలెంజ్. ఫలించిన రాజ్యసభ సభ్యుడు జోగినపల్లి సంతోష్ కుమార్ మూడేళ్ళ కృషి. సెలబ్రిటీలు, వివిధ వర్గాల ప్రజల్లో గ్రీనరీ ఆవశ్యకతపై విశేష అవగాహన తీసుకొస్తున్న గ్రీన్ ఇండియా ఛాలెంజ్. గ్రీన్ ఇండియా ఛాలెంజ్ విజనరీ ఎంపీ జోగినపల్లి సంతోష్ కుమార్ పై నెటిజెన్ల ప్రశంసల ఝల్లు.

పోలవరంపై కొత్త పంచాయితీ.. పీపీఏ తప్పుచేసిందా..?

Big News Big Debate : Polavaram Controversy - Rajinikanth TV9, పోలవరంపై కొత్త పంచాయితీ.. పీపీఏ తప్పుచేసిందా..?

ఏపీ రాజకీయాల్లో పోలవరం ప్రాజెక్ట్ మరోసారి హాట్ టాపిక్‌గా మారింది. గత ప్రభుత్వ హయాంలో వేలకోట్ల రూపాయల నిధులు దుర్వినియోగం, అవినీతి జరిగిందని అధికార వైసీపీ ఆరోపిస్తూ.. రివర్స్ టెండరింగ్ ప్రక్రియను వైసీపీ ప్రభుత్వం విజయవంతంగా పూర్తి చేసిన విషయం తెలిసిందే. అయితే ఇదిలా ఉంటే.. ప్రముఖ ఆర్ధిక రంగ నిపుణులు పెంటపాటి పుల్లారావు పోలవరం ప్రాజెక్ట్‌లో భారీ అవినీతి జరిగిందంటూ.. ఢిల్లీ హైకోర్టులో ఓ పిటిషన్ దాఖలు చేశారు. దీనిపై విచారణ చేపట్టిన ఢిల్లీ హైకోర్టు.. ప్రాజెక్టులో అవినీతిపై విచారణ జరపాలని కేంద్రాన్ని ఆదేశించడం చర్చనీయాంశంగా మారింది. ఇదే అంశంపై టీవీ9 బిగ్ న్యూస్ బిగ్ డిబేట్‌లో సుదీర్ఘ చర్చ జరిగింది. ఈ చర్చలో టీడీపీ అధికార ప్రతినిధి పట్టాభి, వైసీపీ నేత రవిచంద్ర మధ్య తీవ్ర స్థాయిలో ఆరోపణలు చేసుకున్నారు. టీడీపీ హయాంలో భారీ అవకతవకలు జరిగాయని వైసీపీ నేత పట్టాభి ఆరోపించారు.

15 జూలై 2019 విజయసాయి రెడ్డి అడిగిన ప్రశ్నకి రాజ్యసభలో కేంద్ర జల శక్తి మంత్రి గజేంద్ర సింగ్ షకావత్ స్పష్టంగా సమాధానం ఇచ్చారని పట్టాభి చెప్పారు. ప్రాజెక్ట‌లో ఎలాంటి అవకతవకలు జరగలేదని తేల్చిచెప్పారు. 2013 నూతన భూసేకరణ చట్టం వచ్చిన తర్వాత ఎస్టిమేట్స్ 16 వేల కోట్ల నుంచి 56వేల కోట్లకు పెరిగిన విషయం అందరికీ తెలిసిందేనని పట్టాభి అన్నారు. అంతేకాదు పోలవరం ప్రాజెక్ట్ అథారిటీ (పీపీఏ) అనేక సందర్భాల్లో ఎలాంటి అవకతవకలు జరగలేదని తేల్చిచెప్పిందన్నారు. అయితే 2014లో టీడీపీ అధికారంలోకి వచ్చాక 35 నెలల పాటు కేవలం రూ. 232 కోట్లు మాత్రమే ఖర్చు చేసిందని వైసీపీ నేత రవిచంద్ర అన్నారు. అయితే పోలవంర ప్రాజెక్ట్ పెంపుకు పూర్తిగా టీడీపీనే కారణమని.. దీనికి ఏ ఒక్క అధికారి కూడా బాధ్యుడు కాదంటూ వైసీపీ నేత రవిచంద్ర ఆరోపించారు. అయితే పోలవరం ప్రాజెక్ట్ పెంపు విషయంలో అధికారులపై ఒత్తిడి తెచ్చి.. మంత్రి వర్గంతో ఆమోధించుకున్నారని ఆరోపించారు. హెడ్ వర్క్స్ పనిలో భాగంగా 2016 జనవరి 25న జీవో నంబర్ 13తో.. అప్పటి వరకు రూ. 4054 ఉన్న అంచనాను రూ. 6960 కోట్లకు గతంలో ఉన్న ట్రాన్స్ ట్రాయ్ కంపెనీకే మళ్లీ ఇచ్చారని ఆరోపించారు. ఇక లెఫ్ట్ కెనాల్‌లో హెడ్ వర్క్స్‌ 189 కిలోమీటర్ల ఉంటే 135 కిలో మీటర్లు వైఎస్ఆర్ సమయంలోనే పూర్తయ్యాయని.. దీనికి రూ.1954 కోట్లు ఉన్న అంచనాను రూ.3465 కోట్లకు పెంచి.. మంత్రి వర్గం ఆమోధించిందని ఆరోపించారు. అంతేకాదు.. డిసెంబర్ 2016లో జీవో నంబర్ 117ను విడుదల చేశారని.. అందులో రైట్ కెనాల్‌కు సంబంధించి 177 కిలో మీటర్లు ఉండగా.. ఇందులో 144.3 కిలో మీటర్లు వైఎస్ఆర్ హయాంలోనే పూర్తయ్యిందని.. దీనికి రూ.2240 కోట్ల అంచనాను రూ.4375 కోట్లు పెంచారని దీనికి మంత్రి వర్గం ఆమోదం తెలిపిందని అన్నారు. అంతేకాదు పీపీఏ అనుమతి లేకుండానే 2017 ఫిబ్రవరి 6వ తేదీన జీవో నంబర్.41 ద్వారా రూ.6000 కోట్ల నామినేటెడ్ వర్క్స్ ఇచ్చారని.. వీటికి పీపీఏ అప్రూవ్ లేదని ఆరోపించారు. పోలవరం ప్రాజెక్ట అథారిటీ అనుమతి లేనిదే ఒక్క పైసా కూడా ఎవ్వరికీ ఇవ్వలేమని.. పెంచిన అంచనాలను పీపీఏ కూడా అనుమతులిచ్చిందని తేల్చిచెప్పారు. 2018 జనవరి 11వ తేదీన అన్నింటికీ పీపీఏ అనుమతులు ఇచ్చిందని.. వైసీపీ చేసేవన్నీ ఆరోపణలేనని.. పట్టాభి స్పష్టం చేశారు.

Related Tags