Breaking News
  • విజయవాడ: టీడీపీ ప్రభుత్వం ఆర్టీసీ, విద్యుత్‌ చార్జీలు పెంచలేదు. ఆర్టీసీ చార్జీల పెంపుతో ప్రజలపై రూ.3,500 కోట్ల భారం పడుతుంది. వైసీపీ చేతగాని తనంతోనే ప్రజలపై భారం మోపారు -మాజీ మంత్రి దేవినేని ఉమ. ఐదు నెలలు ఇసుక దొరకకుండా దోచుకున్నారు. ఇప్పుడు ఆర్టీసీ చార్జీల పెంపుతో ప్రజలపై భారం మోపారు -మాజీ మంత్రి కొల్లు రవీంద్ర.
  • విజయవాడ: భవానీ దీక్ష విరమణల కోసం అన్ని ఏర్పాట్లు చేశాం. ఈ నెల 18 నుంచి 22 వరకు ఇంద్రకీలాద్రిపై భవానీ దీక్షా విరమణలు. కనకదుర్గానగర్‌ మీదుగా భక్తులను ఆహ్వానిస్తున్నాం. భవానీల కోసం ఘాట్‌ రోడ్డు మీదుగా క్యూలైన్‌లు ఏర్పాటు చేశాం. ఇంద్రకీలాద్రిపై ప్లాస్టిక్‌ను నిషేధించాం-ఈవో సురేష్‌ బాబు.
  • చెన్నై: స్థానిక సంస్థల ఎన్నికలకు రజినీ మక్కల్‌ మండ్రం దూరం. ఏ పార్టీకి మద్దతు ప్రకటించని మండ్రం. రజినీ మద్దతు ఇస్తున్నట్టు ఎవరైనా ప్రచారం చేసుకుంటే.. కఠిన చర్యలు తీసుకుంటామని హెచ్చరిక.
  • నెల్లూరు: వైసీపీ ప్రభుత్వం మాట తప్పింది-కోటంరెడ్డి . ప్రజలపై ఏ భారం వేయబోము అని నమ్మించి అధికారంలోకి వచ్చారు. ఆర్టీసీ చార్జీల పెంపుతో ఏటా రూ.700 కోట్ల భారం ప్రజలపై పడింది. మాట తప్పని జగన్‌ ఆర్టీసీ చార్జీల పెంపుపై సమాధానం చెప్పాలి. తెలంగాణ సీఎం కేసీఆర్‌ను కాపీ కొడుతూ జగన్‌ కాపీ సీఎంగా మారారు -నూడా మాజీ చైర్మన్‌ కోటంరెడ్డి శ్రీనివాసులు రెడ్డి.
  • భవానీని కన్న తల్లిదండ్రులకు అప్పగించిన పోలీసులు. కన్న తల్లిదండ్రులకు ఎలాంటి డీఎన్‌ఏ అక్కర్లేదన్న పోలీసులు. కన్న తల్లిదండ్రుల దగ్గర అన్ని ఆధారాలున్నాయి. ఇరు కుటుంబాలు తమ అనుమానాలను మా దృష్టికి తీసుకొచ్చారు. వాళ్ల అనుమానాలను నివృత్తి చేశాం-పోలీసులు. భవానీ కన్న తల్లిదండ్రుల వద్దకు వెళ్లేందుకు అంగీకరించింది. ఇరువురు ఒప్పుకోవడంతో కన్నవారికే అప్పగించాం-పోలీసులు.
  • తిరుమల శ్రీవారి ఆలయం దగ్గర అగ్నిప్రమాదం. శ్రీవారి ఆలయం వెలుపల ఉన్న బూందీ తయారీ పోటులో మంటలు. మంటలార్పుతున్న ఫైర్‌ సిబ్బంది.
  • అమరావతి: రేపటి నుంచి ఏపీ అసెంబ్లీ సమావేశాలు. వాడీవేడిగా జరగనున్న సమావేశాలు. ఉల్లి, నిత్యావసరాల ధరల పెరుగుదలపై.. రేపు అసెంబ్లీలో వాయిదా తీర్మానం ఇవ్వనున్న టీడీపీ. ఉల్లి ధరల పెరుగుదలపై టీడీపీ నిరసన. అసెంబ్లీ గేట్‌ నుంచి ఉల్లిపాయల దండలతో.. అసెంబ్లీకి వెళ్లనున్న టీడీపీ ఎమ్మెల్యేలు, ఎమ్మెల్సీలు.

ప్రభుత్వం పిలుపు కోసం కార్మికుల ఎదురుచూపు.. మరి కేసీఆర్ మాటేంటి.?

TSRTC Strike TV9 Big News Big Debate, ప్రభుత్వం పిలుపు కోసం కార్మికుల ఎదురుచూపు.. మరి కేసీఆర్ మాటేంటి.?

టీఎస్ఆర్టీసీ కార్మికులు చేపట్టిన సమ్మె 46వ రోజుకు చేరింది. ఈ సమ్మెకు ఎండ్ కార్డు ఎప్పుడు పడుతుందనే అంశం ఇప్పటికీ ఎడతెగని సమస్యలా మారింది. ఆర్టీసీని ప్రభుత్వంలో విలీనం చేయాలన్న డిమాండ్‌ను జేఏసీ పక్కన బెట్టినా.. ప్రభుత్వం నుంచి ఎటువంటి ప్రతిస్పందన రాలేదు. అలాగే రూట్ల ప్రైవేటీకరణ చేయొద్దని ఏ చట్టం చెప్పిదంటూ పిటిషనర్‌ తరపు న్యాయవాదిపై హైకోర్టు ప్రశ్నల వర్షం కురిపించడంతో.. సమ్మెను కొనసాగించాలా..? లేక విరమించాలా.? అనే అంశంపై కార్మికులు తర్జనభర్జన పడుతున్నారు. కాగా, దీక్ష విరమించి, సడక్ బంద్‌ను వాయిదావేసిన ఆర్టీసీ జేఏసీ కన్వీనర్ అశ్వత్థామరెడ్డి..లేబర్ కోర్టు తేల్చే వరకు సమ్మె కొనసాగించాలని నిర్ణయించారు. ఇకపోతే ఒకవేళ కార్మికులు సమ్మెను విరమిస్తే.. ప్రభుత్వం వారిని విధుల్లోకి తీసుకుంటుందా.? అసలు ఆర్టీసీ స్ట్రైక్ ముగింపు దారెటు.? అనే అంశాలపై టీవీ9 బిగ్ న్యూస్ బిగ్ డిబేట్ వేదికగా చర్చ జరిగింది.

ఈ నేపథ్యంలో హైకోర్టు కాపీను మేనేజింగ్ ఎడిటర్ రజనీకాంత్ చదివి వినిపించగా.. ఆర్టీసీ జేఏసీ లీడర్ థామస్ రెడ్డి ఫోన్ లైన్ ద్వారా అందుబాటులోకి వచ్చి.. పలు కీలక వ్యాఖ్యలను చేశారు. కార్మికులను ఉద్యోగాల్లో చేరాలని ప్రభుత్వమే పిలవాలని ఆయన అన్నారు.కండిషన్స్ పెట్టి.. కార్మికులను ఉద్యోగాల్లో చేరాలని నిర్ణయించే అధికారం ప్రభుత్వానికి లేదని.. చట్టాలను వక్రీకరించకుండా నాన్- కండీషనల్‌గా కార్మికులను విధుల్లోకి చేరమని చెబితే.. తప్పకుండా కోర్టు తీర్పును గౌరవించి ముందుకు సాగుతామన్నారు. అంతేకాక గత రెండు నెలలుగా రాని జీతభత్యాలను ఇవ్వడమే కాకుండా సమస్యలన్నీ పరిష్కరిస్తే.. ఈ 46 రోజుల సమ్మెకాలాన్ని పక్కనపెడతామని థామస్ రెడ్డి చెప్పుకొచ్చారు. ఇలా ఆర్టీసీ సమ్మె విషయం గురించి అయన ఏమన్నారో దిగువ వీడియోలో చూడండి…