Breaking News
  • చెన్నై, రజనీకాంత్ అల్లుడు, నటుడు ధనుష్ కు మదురై హైకోర్టు షాక్. దనుష్ జనన, విద్య, ఇంటికి సంబందించిన ఒరిజినల్ సర్టిపికెట్లు ఎక్కడ. ఇంత జరుగుతున్నా దనుష్ జనన సర్టిఫికేట్ ఎందుకు సబ్మిట్ చేయలేదు దనుష్ తమ కుమారుడంటూ పిటిషన్ వేసిన కదిరేశన్ కేసులో మదురై హైకోర్టు ఆగ్రహం. తక్షణమే అన్ని ఒరిజినల్ సర్టిపికెట్టు న్యాయస్థానంలో పొందుపర్చండి. చెన్నై కార్పోరేషన్ కు మదురై హైకోర్టు ఆదేశం.
  • ఫ్యాన్సీ నెంబర్లతో కాసుల పంట పండిస్తున్న రవాణాశాఖ. నిన్న ఆన్లైన్ బిడ్డింగ్లో 31,43,887 లక్షల ఆదాయం. ఖైరతాబాద్ లో అత్యధిక ఆదాయం పలికిన మూడు ఫ్యాన్సీ నెంబర్లు. టీఎస్ 09 ఎఫ్ కె 9999 నెం.కు ఆర్ఎస్ బ్రదర్స్ సంస్థ 9.14 లక్షలు. లహరి ఇన్ఫ్రా ప్రైవేట్ లిమిటెడ్ టీఎస్ 09ఎఫ్ ఎల్ 0001 నెంబర్కు 3,81,111 లక్షలు. టీఎస్ 09 ఎఫ్ ఎల్ 279 నెంబర్ అస్మిత పద్మనాభన్ 3.33 లక్షలు. ఖైరతాబాద్లో విఐపి జోన్ ఎక్కువగా ఉండడం కలిసొస్తుంది. 9999 కు ఎక్కువ క్రేజ్. ప్రతి సంవత్సరము ఈ నెంబర్ దాదాపు 10 లక్షలు పలుకుతోంది. ఫిబ్రవరి 10 నుండి ఆన్లైన్ రిజర్వేషన్లు అమలు . ఈ ఆన్లైన్ విధానం రాష్ట్రంలోని అన్ని జిల్లాలకు విస్తరిస్తాము. హైదరాబాద్ జాయింట్ ట్రాన్స్పోర్ట్ కమిషనర్ పాండు రంగ నాయక్.
  • టిటిడి చైర్మన్ వైవి సుబ్బారెడ్డి కామెంట్స్. గరుడ వారధి పిల్లర్లపై శ్రీవారి నామాలు ముద్రణ నిలిపివేశాము. శ్రీవారి నామాలు పై నుంచి వాహనాలు వెళ్లడం మంచిది కాదని భక్తులు కొంతమంది అభ్యంతరం వ్యక్తం చేశారు. పిల్లర్లపై శ్రీవారి నామాలు ముద్రణ అనేది గత ప్రభుత్వం తీసుకున్న నిర్ణయం.
  • తాడేపల్లి నివాసం సీఎం జగన్ తో రిలయన్స్ అధినేత ముఖేష్ అంబానీ భేటీ. రాష్ట్రంలో పరిశ్రమల ఏర్పాటు అంశాలపై సీఎం జగన్ తో చర్చినచనున్న ముఖేష్ అంబానీ. అంబానీతో పాటుగా కుమారుడు అనంత్ అంబానీ, రాజ్యసభ సభ్యుడు, పారిశ్రామికవేత్త పరిమల్ నత్వాని.
  • చెన్నై పోలీసులు ఖాకీ సినిమా చూపించిన రాజస్థాన్ ఒఎల్ ఎక్స్ దొంగల ముఠా. OLX పోర్టల్ ఉపయోగించి వంద కోట్లకు పైగా మోసం చేసిన ముఠా అరెస్టు . రాజస్థాన్ లోని దునావల్,భరత్ పూర్ గ్రామంలో చెన్నై పోలీసులకు చుక్కలు చూపించిన గ్రామస్థులు . ముఠా సభ్యులను అరెస్టు చేయకుండా అడ్డుకున్న గ్రామస్థులు. గ్రామస్థులతో గొడవలు పడి చివరకు నరేష్ పాల్ సింగ్, బాచు సింగ్ లను అరెస్ట్ చేసినా చెన్నై క్రైం పోలీసులు. సైనిక వాహనాలైన కారు,బైకులు ,ఇతర ప్రైవేట్ బైక్స్,కార్లు తక్కువ ధరకు తీసిఇస్తామని వందకోట్లపైనే మోసం. తమిళనాడు,కర్నాటక కేరళ,ఎపి,తెలంగాణాలో వేల సంఖ్యలో మోసాలు పాల్పడిన ముఠా. ఊరులోని మూడు వందలకు పైగా కుటుంబాలు olx మోసాలు పాల్పపడుతున్నట్లు గుర్తింపు . వచ్చిన డబ్బుతో జల్సాలు చేస్తున్న గ్రామస్థులు .
  • చంద్రబాబు కాన్వాయ్ అడ్డగింపు వ్యవహారం. 47 మందికి పైగా నిరసనకారులపై కేసులు. 35 మందికి పైగా వైసీపీ మద్దతుదారులు, 11 మంది టీడీపీ కార్యకర్తలు, మద్దతుదారులపై కేసులు పెట్టిన ఎయిర్ పోర్ట్ పోలీసులు . జెటి రామారావు సహా పలువురినిఅదుపులోకి తీసుకున్న పోలీసులు . మరికాసేపట్లో పలువురిని అరెస్ట్ చేసే అవకాశం.

ఉత్తమ్ కాల్ డేటా లోగుట్టు..! బీజేపీ, కాంగ్రెస్ కుమ్మక్కు అయ్యాయా?

Big news big debate on Huzurnagar bypoll, ఉత్తమ్ కాల్ డేటా లోగుట్టు..!  బీజేపీ, కాంగ్రెస్ కుమ్మక్కు అయ్యాయా?

హుజూర్‌నగర్‌ ఉపఎన్నికలో గెలుపు మాదంటే మాదంటూ ఇటు అధికార టీఆర్ఎస్, అటు కాంగ్రెస్ పార్టీలు ధీమాతో ఉన్నాయి. మూడు పార్టీల నేతలు గెలుపుపై ఎవరి ధీమా వారు వ్యక్తం చేస్తుండగా ..టీఆర్ఎస్ పార్టీ. ఆసక్తికరమైన ఆరోపణ చేసింది. కాంగ్రెస్, బీజేపీల నేతలు కుమ్మక్కు రాజకీయాలు చేస్తున్నారంటూ గులాబీ నేతలు ఆరోపిస్తున్నారు. ఇది కేవలం రాజకీయంగా చేస్తున్న ఆరోపణా? లేక టీఆర్ఎస్ నేతలు ఆడుతున్న మైండ్ గేమ్‌లో భాగమా? ఇదే అంశంపై టీవీ9 బిగ్ న్యూస్ బిగ్ డిబేట్‌ లైవ్ షో లో ఆసక్తికరమైన చర్చ జరిగింది. టీవీ9 మేనేజింగ్ ఎడిటర్ రజనీకాంత్ నిర్వహించిన ఈ లైవ్ షోలో టీపీసీసీ చీఫ్ ఉత్తమ్ కుమార్‌రెడ్డి, బీజేపీ రాష్ట్ర అధ్యక్షుడు డాక్టర్ లక్ష్మణ్, టీఆర్ఎస్ పార్టీ నుంచి మంత్రి జగదీశ్‌రెడ్డి పాల్గొన్నారు.

టీఆర్ఎస్ పార్టీ ఆరోపిస్తున్నట్టుగా తమకు బీజేపీతో కుమ్మక్కు కావాల్సిన అవసరం లేదన్నారు ఉత్తమ్‌కుమార్‌రెడ్డి. పైగా పార్లమెంట్‌లో ట్రిపుల్ తలాక్, ఆర్టికల్ 370 వంటి బిల్లులు ప్రవేశపెట్టిన సందర్భంలో టీఆర్ఎస్ ఎంపీలు బీజేపీతో కలిసిపోయిన విషయం అందరికీ తెలిసిందేనని ప్రత్యారోపణ చేశారు. తమకు బీజేపీకి సైంద్ధాంతిక విభేదాలున్నాయని తెలిపారు ఉత్తమ్.

ఇక ఇదే విషయంపై బీజేపీ రాష్ట్ర అధ్యక్షుడు లక్ష్మణ్ మాట్లాడుతూ.. రాష్ట్రంలో కాంగ్రెస్ పార్టీ ఎమ్మెల్యేలు టీఆర్ఎస్ పార్టీలోకి జంప్ అవుతుంటే ఉత్తమ్ కనీసం ఆపలేకపోయారని విమర్శించారు. ప్రస్తుతం జరుగుతున్న ఉపఎన్నికకు కాంగ్రెస్ పార్టీయే కారణమన్నారు. తాము నాలుగు పార్లమెంట్ సీట్లలో ఒంటరిగానే పోటీచేసి గెలిచామని, తమకు ఎవరి సపోర్టు లేదన్నారు లక్ష్మణ్. పైగా కాంగ్రెస్, టీఆర్ఎస్ పార్టీలు వేరు కాదని, ఒకవేళ కాంగ్రెస్ గెలిచినా అది టీఆర్ఎస్‌కే లాభం అనే విషయం ప్రజలకు అర్ధమైందని ఆయన ఆరోపించారు. ఇదిలా ఉంటే టీఆర్ఎస్ పార్టీ ఖచ్చితంగా హుజూర్‌నగర్‌లో విజయం సాధించబోతుందని, తమ గెలుపును అడ్డుకునేందుకు ఉత్తమ్, లక్ష్మణ్‌లు ప్రయత్నిస్తున్నారని మంత్రి జగదీశ్‌రెడ్డి ఆరోపించారు. ప్రతిరోజు ఇద్దరూ ఫోన్‌లో మాట్లాడుకుంటూనే ఉన్నారనే సమాచారముందన్నారు. ఉత్తమ్ కుమార్ అధికారులపై ఫిర్యాదు చేసిన చేసిన ప్రతి కాపీ లక్ష్మణ్ దగ్గర ఉంటుందన్నారు. కాంగ్రెస్, బీజేపీ నేతలిద్దరూ కలిసి కుమ్మక్కయ్యారనడానికి ఎన్నో ఉదాహరణలున్నాయంటూ ఆరోపించారు జగదీశ్‌రెడ్డి. వీరిద్దరి కాల్ డేటా బయటపెడితే అన్ని విషయాలు బయటికొస్తాయంటూ సవాల్ చేశారు.

మరో 48 గంటల్లో హుజూర్‌నగర్ ఉపఎన్నికల ప్రచారం ముగియనుండగా ప్రధాన పార్టీలైన టీఆర్ఎస్, కాంగ్రెస్, బీజేపీలు ఒకరిపై ఒకరు ఆరోపణలు ప్రత్యారోపణలు చేసుకోవడంలో బిజీగా మారిపోయారు. ఇక 21తేదీన పోలింగ్ జరగనుండగా ఏపార్టీకి ఓటర్లు పట్టం కడతారో అని అనేది ఆసక్తిగా మారింది.

Related Tags