Breaking News
  • ఈ ప్రభుత్వానికి ఇంకా పురిటి వాసన పోలేదు. వర్షాలతో ఇసుక కొరత ఏర్పడింది. అప్పుడే దీక్షలు ఎందుకు. ఏ ప్రభుత్వానికైనా కొంత సమయం ఇవ్వాలి. చంద్రబాబు ప్రతిపక్ష నేత పాత్ర కూడా పోషించలేకపోతున్నారు-వంశీ
  • తిరుమల: ఈ నెల 23 నుంచి డిసెంబర్‌ 2 వరకు తిరుచానూరు పద్మావతి అమ్మవారి వార్షిక బ్రహ్మోత్సవాలు. ఈ నెల 23న చిన్నశేష వాహనం, 27న గజవాహనం. 28న గరుడ వాహనం, డిసెంబర్‌ 1న పంచమి తీర్థం. డిసెంబర్‌ 2న పుష్పయాగ కార్యక్రమం-టీటీడీ.
  • రాఫెల్‌పై రాహుల్‌ గాంధీ ఆరోపణలు అవాస్తవమని.సుప్రీం తీర్పుతో తేటతెల్లమైంది-బీజేపీ రాష్ట్రఅధ్యక్షుడు లక్ష్మణ్‌. మోదీ ప్రభుత్వానికి క్లీన్‌ చిట్‌ ఇచ్చింది. జఠిల సమస్యలను సామరస్య పూర్వకంగా మోదీ పరిష్కరించారు. తెలంగాణలో అశాంతి, అసంతృప్తి నెలకొంది. అధికార పార్టీలో చాలా మంది అసంతృప్తితో ఉన్నారు. తెలంగాణలో ప్రత్యామ్నాయ పార్టీ బీజేపీనే. అందుకే అందరూ బీజేపీలో చేరుతున్నారు-లక్ష్మణ్‌
  • ముగిసిన ఆర్టీసీ, పొలిటికల్‌ జేఏసీ సమావేశం.
  • ఇసుక కొరతపై 12 గంటల పాటు దీక్ష చేసిన చంద్రబాబు రాష్ట్రంలో ఇసుక కృత్రిమ కొరత సృష్టిస్తున్నారు. రాష్ట్రంలో జె-ట్యాక్స్‌ వసూలు చేస్తున్నారు. ముఖ్యమంత్రి నీరో చక్రవర్తిలా వ్యవహరిస్తున్నారు బాధితులకు అండగా నిలిస్తే దాడులు చేస్తున్నారు. ఇసుక లేక అన్ని వర్గాలు ఇబ్బందులు పడుతున్నాయి. నాపై కోపంతో అన్న క్యాంటీన్లు మూసేశారు-చంద్రబాబు
  • తిరుమల: ఈ నెల 23 నుంచి డిసెంబర్‌ 2 వరకు తిరుచానూరు పద్మావతి అమ్మవారి వార్షిక బ్రహ్మోత్సవాలు. ఈ నెల 23న చిన్నశేష వాహనం, 27న గజవాహనం. 28న గరుడ వాహనం, డిసెంబర్‌ 1న పంచమి తీర్థం. డిసెంబర్‌ 2న పుష్పయాగ కార్యక్రమం-టీటీడీ.
  • ఇసుక కొరత వల్ల ప్రత్యక్షంగా, పరోక్షంగా లక్షల మంది నష్టపోయారు. చంద్రబాబు మీద కక్షతోనే భవన నిర్మాణ కార్మికుల పొట్టగొట్టారు. వైసీపీ ప్రభుత్వం జాతీయ పతాకాన్ని అవహేళన చేసింది.సచివాలయాలకు వైసీపీ రంగులేసే జగన్‌కు గాంధీ గురించి మాట్లాడే అర్హత లేదు-ఎంపీ రామ్మోహన్‌నాయుడు

దేశంలో పెరుగుతున్న ఆర్ధిక మాంద్యం… మోదీ విధానాలే కారణమా?

దేశంలో ఆర్ధిక మాంద్యం పెరిగిపోయిందని ఆర్ధిక రంగ నిపుణులు చెబుతుంటే.. ప్రధాని మోదీ పాలనలో దేశంలో ఎన్నో రకాల సంస్కరణలు జరిగాయని బీజేపీ మంత్రులు, నేతలు చెబుతున్నారు. ఇలాంటి పరిస్థితిలో ఇటీవల నోబెల్ పురస్కార గ్రహీత అభిజిత్ బెనర్జీ స్వయంగా చెబుతున్న బీజేపీ మాత్రం ససేమిరా అంటోంది. ఇంతకీ దేశంలో నిజంగా ఆర్ధిక మాంద్యం పెరిగిపోయిందా? ఇదే అంశంపై టీవీ9 ఎగ్జిక్యూటివ్ ఎడిటర్ రజనీకాంత్ నిర్వహించిన బిగ్ న్యూస్ బిగ్‌ డిబేట్‌ లైవ్‌లో చర్చ జరిగింది. ప్రపంచ వ్యాప్తంగా ఆర్ధిక మాంద్యం ఉన్న నేపథ్యంలో ప్రధాని మోదీ దాన్ని తగ్గించడానికి ఎన్నో చర్యలు తీసుకుంటున్నారని బీజేపీ నేత సత్యమూర్తి చెప్పుకొచ్చారు. ప్రస్తుతం అభిజిత్ బెనర్జీ మాత్రమే కాకుండా గతంలో అమర్త్య సేన్ కూడా చెప్పారని.. వీరంతా కుహనా మేధావులని విమర్శించారు. 2008లో కూడా ఆర్దిక మాంద్యం వచ్చిందని, అప్పడు యూపీఏ ప్రభుత్వం తమ మద్దతుతో మాంద్యాన్ని తగ్గించారని సీపీఐ జాతీయ నేత నారాయణ తెలిపారు. దేశంలో కార్మికులంతా ఉద్యమాలు చేస్తున్నారని, స్వయంగా ఆర్ధిక మంత్రి నిర్మలా సీతారామన్ భర్త పరకాల ప్రభాకర్ చెప్పిన విషయాలు వాస్తవమేనన్నారు. మోదీ ప్రభుత్వం ప్రైవేటు సెక్టార్, కార్పొరేట్ కంపెనీలను పెంచి పోషిస్తూ.. ప్రభుత్వ రంగ సంస్థలను నిర్వీర్యం చేస్తోందని నారాయణ విమర్శించారు. ప్రభుత్వ విధానాలు కాకులను కొట్టి గద్దలకు వేస్తూ.. కార్పొరేట్ కంపెనీలకు దోచిపెడుతున్నారంటూ ఆయన దుయ్యబట్టారు. ఈ దేశానికి ప్రమాదం ఏదైనా వచ్చిందంటే అది కేవలం మోదీ వల్ల మాత్రమేనంటూ ఆరోపించారు సీపీఐ నేత నారాయణ. దేశంలో ప్రస్తుతం ఆర్ధిక మాంద్యం ఉన్నవిషయాన్ని స్వయంగా 20 రోజుల క్రితం ఆర్ధిక మంత్రి నిర్మలా సీతారామన్ వెల్లడించారని, దీనికి జీఎస్టీ వసూళ్లకు సంబంధించిన పట్టికను గమనిస్తే దీన్ని అర్ధం చేసుకోచ్చన్నారు. అత్యధికంగా ఏప్రిల్‌లో వసూలు కాగా.. అది సెప్టెంబర్ వచ్చే సరికి 20 శాతం తగ్గిపోయిందన్నారు ఆర్ధిక రంగ నిపుణులు సాయిబాబా. ఇలా తగ్గిపోడానికి ప్రధాన కారణం ప్రజల్లో కొనుగోలుశక్తి తగ్గిపోవడమేనన్నారు. దేశంలో మొత్తం ఆర్ధిక మాంద్యం పెరిగిపోవడంపై ఆర్టిక వేత్తలు హెచ్చరికలు చేస్తున్నారు. ఈ విధంగా ఆర్ధిక మాంధ్యం పెరగడం వల్ల నిత్యావసరాల ధరలు ఆకాశాన్నితాకడం సామన్యుడికి పెనుభారంగా మారింది. అయితే కార్పొరేట్ సెక్టార్‌కు బలాన్నిస్తున్న ప్రభుత్వం సామాన్యుడిని కూడా పట్టించుకోవాలని ఆర్ధిక వేత్తలు కోరుతున్నారు.