Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

ఉన్నతాధికారుల వేధింపులు.. బీహెచ్ఈఎల్ ఉద్యోగిని ఆత్మహత్య

BHEL's Woman Officer Ends Life Due To

కాలేజీల్లోనే కాదు.. ఉద్యోగాలు చేసే చోట కూడా మహిళలపై వేధింపులు ఆగడం లేదు. ఉన్నతాధికారులు చేస్తున్న వేధింపులతో అమాయక మహిళలు ఎవరికీ చెప్పుకోలేక ప్రాణాలు విడుస్తున్నారు. ఈ సమస్య చిన్న స్థాయి ఉద్యోగినుల నుంచి ఉన్నత స్థాయి ఉద్యోగినుల వరకు ఎదుర్కొంటున్నారు. తాజాగా హైదరాబాద్‌లోని బీహెచ్ఈఎల్‌కి చెందిన ఉద్యోగిని నేహ ఆత్మహత్య కలకలం రేపుతోంది. ఆఫీస్‌లో తన ఉన్నతాధికారుల వేధింపులు భరించలేక ఫ్యాన్‌కు ఉరివేసుకుని తన ప్రాణాలను విడిచింది. ఈ ఘటన మియాపూర్ బీహెచ్‌ఈఎల్ కాలనీలో చోటు చేసుకుంది. ఆత్మహత్యకు ముందు తనను వేధింపులకు గురి చేసిన ఉన్నతాధికారి, తోటి ఉద్యోగుల పేర్లను సూసైడ్ నోట్‌లో పేర్కొంది. సమాచారం అందుకున్న పోలీసులు కేసు నమోదు చేసుకొని దర్యాప్తు చేస్తున్నారు.

పోలీసులు తెలిపిన వివరాల ప్రకారం.. రాజస్థాన్‌కు చెందిన నేహా చౌక్సే అనే మహిళ.. హైదరాబాద్‌లోని బీహెచ్ఈఎల్‌ అకౌంట్స్ విభాగంలో పని చేస్తోంది. ఇటీవల 6 నెలల కిందటే బదిలీపై భూపాల్ నుండి బదిలీపై హైదరాబాద్‌ నగరానికి వచ్చింది. అయితే గత కొద్ది రోజులు తనను ఆఫీసులోని పై స్థాయి అధికారు వేధింపులకు పాల్పుడుతున్నారని.. సూసైడ్ లేఖ రాసి.. ఇంట్లోని ఫ్యాన్‌కు ఉరివేసుకుని ఆత్మహత్యకు పాల్పడింది. ఉన్నతాధికారి (డీజీఎం) కిషోర్ తనను వేధించాడంటూ సూసైడ్ లేఖలో పేర్కొంది. అంతేకాదు మరో 10మంది సహచర ఉద్యోగుల పేర్లు కూడా లేఖలో పేర్కొంది. గతంలో భూపాల్‌లో పనిచేస్తున్న సమయంలో కూడా కొందరు ఇబ్బందులకు గురిచేశారంటూ లేఖలో రాసింది. నేహ భర్త ఇచ్చిన పిర్యాదుతో కేసు నమోదు చేసుకున్న పోలీసులు.. సూసైడ్ లేఖ ఆధారంగా దర్యాప్తు చేపడుతున్నారు. తన భార్యను వేధింపులకు గురిచేసిన వారిపై కఠిన చర్యలు తీసుకోవాలని పోలీసులను కోరారు.