సినిమా చాలా బాగుంది.. సింపుల్‌గా తీశారు: తలసాని
సినిమా లవర్స్‌ ఎంతగానో ఎదురు చూస్తున్న భానుమతి అండ్‌ రామకృష్ణ సినిమా వచ్చేసింది. 'ఆహా' ఓటీటీ ప్లాట్‌ఫామ్‌ పైన భానుమతి అండ్‌ రామకృష్ణ మూవీ ఇవాళ విడుదలైంది. కొద్ది సేపట్లోనే భానుమతి అండ్‌ రామకృష్ణ సినిమా మంచి ప్రశంసలు అందుకుంది. న్యూ ఏజ్‌ లవ్‌ స్టోరీ, పర్ఫెక్ట్‌ సినిమా...
సినిమా లవర్స్‌ ఎంతగానో ఎదురు చూస్తున్న భానుమతి అండ్‌ రామకృష్ణ సినిమా వచ్చేసింది. ‘ఆహా’ ఓటీటీ ప్లాట్‌ఫామ్‌ పైన భానుమతి అండ్‌ రామకృష్ణ మూవీ ఇవాళ విడుదలైంది. కొద్ది సేపట్లోనే భానుమతి అండ్‌ రామకృష్ణ సినిమా మంచి ప్రశంసలు అందుకుంది. న్యూ ఏజ్‌ లవ్‌ స్టోరీ, పర్ఫెక్ట్‌ సినిమా, కూల్‌ సినిమా అంటూ ప్రశంసలు దక్కాయి. యశ్వంత్‌ ములుకుట్ల నిర్మించిన ఈ సినిమాకు శ్రీకాంత్‌ నాగోతి దర్శకత్వం వహించారు. నవీన్‌ చంద్ర, సలోని లూత్రా హీరో హీరోయిన్లుగా నటించారు.
భానుమతి అండ్‌ రామకృష్ణ సినిమా విడుదల సందర్భంగా చిత్ర యూనిట్‌ తెలంగాణ మంత్రి తలసాని శ్రీనివాస్‌యాదవ్‌తో భేటీ అయ్యింది. హీరో నవీన్‌ చంద్ర, దర్శకుడు శ్రీకాంత్‌ నాగోతి, నిర్మాత యశ్వంత్‌ ములుకుట్ల, సమర్పకుడు శరత్‌ మరార్‌ మంత్రితో భేటీ అయిన వాళ్లలో ఉన్నారు. సినిమా చాలా బాగుందని, చాలా సింపుల్‌గా తీశారని మంత్రి తలసాని సినిమా యూనిట్‌ని మెచ్చుకున్నారు. ఓటీటీ ప్లాట్‌పామ్‌ మీద విడుదలైన ఈ సినిమాను తెలుగు ప్రేక్షకులు ఆదరిస్తారని ఆయన తెలిపారు. అంతేకాదు, కరోనా కష్టాల్లో ఉన్న తెలుగు సినిమా ఇండస్ట్రీకి తెలంగాణ సర్కార్‌ పూర్తి సహకారం అందిస్తుందని తెలిపారు తలసాని.
