రైతు చట్టాలకు మేమూ వ్యతిరేకం, తీర్మానాన్ని ఆమోదించిన బెంగాల్ అసెంబ్లీ, బీజేపీ నిరసన

కేంద్రం తెచ్చిన మూడు వివాదాస్పద చట్టాలను వ్యతిరేకిస్తూ బెంగాల్ అసెంబ్లీ గురువారం తీర్మానాన్ని ఆమోదించింది. ఈ చర్య తీసుకున్న  నాన్ బీజేపీ పాలిత రాష్ట్రాల్లో ఆరోదయింది. ఈ తీర్మానాన్ని ప్రభుత్వం సభలో ప్రవేశపెడుతున్నప్పుడు బీజేపీ ఎమ్మెల్యేలు రభసకు  దిగారు. నినాదాలు చేస్తూ తమ నేత మనోజ్ టిగ్గా ఆధ్వర్యంలో వారు వెల్ లోకి దూసుకుపోయారు. ఆ తరువాత సభ నుంచి వాకౌట్ చేశారు. ఈ చట్టాలురైతులకు వ్యతిరేకమైనవని, కార్పొరేట్లకు అనుకూలమని అంటూ రాష్ట్ర పార్లమెంటరీ వ్యవహారాల శాఖ మంత్రి పార్థా ఛటర్జీ దీన్ని ప్రవేశపెట్టారు. కాగా లెఫ్ట్, కాంగ్రెస్ ఎమ్మెల్యేల మద్దతుతో తీర్మానం సభ ఆమోదం పొందింది.

కేంద్రం బలప్రయోగంతో ఈ చట్టాలను తెచ్చిందని సీఎం మమతా బెనర్జీ ఈ సందర్భంగా ఆరోపించారు. రైతులను దేశ ద్రోహులుగా అభివర్ణించడాన్ని తాము సహించబోమన్నారు. పంజాబ్,  చత్తీస్ గఢ్,   రాజస్తాన్, కేరళ, ఢిల్లీ రాష్ట్రాల అసెంబ్లీలు ఇదివరకే ఈ చట్టాలను వ్యతిరేకిస్తూ తీర్మానాలను ఆమోదించాయి. Read More:#AmitShah : దక్షిణాదిపై బీజేపీ స్పెషల్ ఫోకస్.. అమిత్ షాకు తమిళుల ఘన స్వాగతం.. Read More:భాగ్యనగర్‌ బస్తీల్లో ప్రచార జోరు.. కారుకు ధీటుగా కమలనాథుల రోడ్ షోలు.. రంగంలోకి బీజేపీ అగ్రనేత అమిత్ షా..!