Breaking News
  • అమరావతి : బోస్టన్ కన్సల్టింగ్ గ్రూప్ నకు ఫీజు చెల్లించేందుకు పాలనా అనుమతులు ఇచ్చిన ప్రభుత్వం . బీసీజీకి 3 కోట్ల 51 లక్షల 5 వేల రూపాయల ఫీజును చెల్లించేందుకు ప్రణాళికా విభాగానికి అనుమతి మంజూరు . పాలనా వికేంద్రీకరణ, రాష్ట్రంలో అభివృద్ధి ప్రాజెక్టులపై మూడు విడతలుగా నివేదిక ఇచ్చిన బోస్టన్ కన్సల్టింగ్ గ్రూప్. బీసీజీకి ప్రోఫెషనల్ ఫీజు కింద గతంలోనే 7 కోట్ల 2 లక్షల 10 వేలను మంజూరు చేసిన ఆర్ధిక శాఖ.
  • కీసర మాజీ తహసీల్దార్ నాగరాజు కేసులో ముగ్గురికి బెయిల్. ఎమ్మార్వో నాగరాజు పై మరో కేసు నమోదు కావడంతో బెయిల్ నిరాకరించిన ఏసీబీ కోర్ట్. రియల్ ఎస్టేట్ వ్యాపారులు ఆంజిరెడ్డి, శ్రీనాథ్, విఆర్ఏ సాయి రాజ్ లకు బెయిల్ మంజూరు చేసిన ఏసీబీ కోర్ట్.
  • ఏసీపీ నర్సింహారెడ్డి ఏసీబీ కస్టడీ పిటిషన్ విచారణ రేపటికి వాయిదా. ఏసీపీ నర్సింహారెడ్డి ని 5 రోజుల కస్టడీ కోరుతూ ఏసీబీ కోర్టులో పిటిషన్ దాఖలు చేసిన ఏసీబీ అధికారులు. ఏసీబీ కస్టడీ పిటిషన్ పై కౌంటర్ దాఖలు చేసిన ఏసీపీ నర్సింహారెడ్డి తరపు న్యాయవాది. వాదనలు విన్న ఏసీబీ కోర్ట్ విచారణకు ను రేపటికి వాయిదా.
  • కరోనా బారినపడ్డ గోవా డీజీపీ ముకేశ్ కుమార్ మీనా. వెల్లడించిన గోవా ఆరోగ్య శాఖ.
  • వైఎస్ఆర్ జలకళ కార్యక్రమాన్ని వీడియో కాన్ఫరెన్స్ ద్వారా ప్రారంభించిన సీఎం జగన్. జిల్లా కలెక్టరేట్ నుంచి పాల్గొన్న మంత్రి శంకరనారాయణ, ఎమ్మెల్యేలు, ఎమ్మెల్సీలు, ఎంపీ మాధవ్. ప్రభుత్వ ఆర్ట్స్ కళాశాల వద్ద బోరు బావులను తవ్వే రిగ్గు వాహనాలను జెండా ఊపి ప్రారంభించిన ప్రజా ప్రతినిధులు. రింగు వాహనాలతో నగరంలో భారీ ర్యాలీ.
  • చెన్నై: ఎస్పీ బాలు హాస్పిటల బిల్లుల వివాదంపై ఎంజీఎం ఆసుపత్రి యాజమాన్యం, ఎస్పీ చరణ్ సంయుక్త ప్రెస్ మీట్. మా ఆసుపత్రి మీద రూమర్లు సృష్టించవద్దు. బిల్లుల విషయంలో ఎలాంటి వివాదం లేదు. మేము ప్రతివారం బిల్లులు చెల్లిస్తూనే ఉన్నాము. చివర్లో బిల్లు కట్టవలసిన అవసరం లేదని ఆసుపత్రి యాజమాన్యం చెప్పింది. కానీ మూడు కోట్ల బిల్లు అయిందని ఇంకా కోటిన్నర పెండింగ్ ఉందని అందుకనే నాన్నగారి భౌతిక కాయాన్ని అప్పగించలేదని కట్టు కథలు అల్లారు. ఉపరాష్ట్రపతి వెంకయ్యనాయుడు గారు ఆయన కుమార్తె దీపా వెంకట్ బిల్లు చెల్లించారంటూ ప్రచారం చేశారు. మేము నాన్నని కోల్పోయి బాధలో ఉంటే మమ్మల్ని ఇలాంటి తప్పుడు ప్రచారాలతో ఇంకా బాధ పెడుతున్నారు. తామరై పక్యం లో నాన్నగారి స్మృతి వనం నిర్మిస్తాము. నాన్నగారి కి భారత రత్న వస్తే సంతోషమే.. వాళ్ళు ఇచ్చినా ఇవ్వకపోయినా మాకు ఎప్పుడూ ఆయన భారతరత్నే. ఆయన ఏ ప్రోగ్రామ్ కి హాజరైనప్పుడు కరోనా సోకిందనేది ఇప్పుడు అప్రస్తుతం.. జరగాల్సిన నష్టం జరిగిపోయింది..మేము నాన్నగారిని కోల్పోయాము. ఇప్పటికైనా నాన్నగారి మీద దుష్ప్రచారాలు ఆపండి.

బీరూట్ లో పేలుడు బాంబు దాడి కావచ్చు, ట్రంప్

లెబనాన్ రాజధాని బీరూట్ లో పేలుళ్లు జరిగి 100 మందికి పైగా మరణించగా దాదాపు  నాలుగు వేల మంది గాయపడ్డారు. ఇళ్ళు కోల్పోయి సుమారు 3 లక్షల మంది నిరాశ్రయులయ్యారు. ఈ ఘటనపై స్పందించిన..

Bom Attack Says Trump, బీరూట్ లో పేలుడు బాంబు దాడి కావచ్చు, ట్రంప్

లెబనాన్ రాజధాని బీరూట్ లో పేలుళ్లు జరిగి 100 మందికి పైగా మరణించగా దాదాపు  నాలుగు వేల మంది గాయపడ్డారు. ఇళ్ళు కోల్పోయి సుమారు 3 లక్షల మంది నిరాశ్రయులయ్యారు. ఈ ఘటనపై స్పందించిన అమెరికా అధ్యక్షుడు డొనాల్డ్ ట్రంప్.. ఇది బహుశా బాంబు దాడి కావచ్చునన్నారు. తమ సైనికాధికారులు కూడా ఇదే అభిప్రాయాన్ని వెలిబుచ్చారన్నారు. ఈ దారుణంలో మృతి చెందినవారి కుటుంబాలకు, గాయపడినవారికి సంతాపం తెలుపుతున్నామని, లెబనాన్ కి పూర్తి సహాయ సహకారాలు అందిస్తామని ఆయన చెప్పారు. ఆ దేశ ప్రజలను ఆదుకుంటామన్నారు. ఆ దేశంతో తమ దేశానికి మంచి సంబంధాలు ఉన్నట్టు ట్రంప్ పేర్కొన్నారు.

పేలుడు కారణంగా విష వాయువులు వెలువడవచ్చునని, అందువల్ల తమ దేశ ప్రజలు తమ ఇళ్లలోనే ఉండాలని, మాస్కులు తప్పనిసరిగా ధరించాలని బీరూట్ లోని అమెరికన్ ఎంబసీ కోరింది. కాగా-ఫర్టిలైజర్ బాంబుల తయారీలో వినియోగించే వేల టన్నుల అమోనియం నైట్రేట్ కి అత్యధిక పేలుడు శక్తి ఉందని నిపుణులు చెబుతున్నారు. దగ్గరలో ఉన్న వెల్డింగ్ షాపు నుంచి రేగిన మంటల కారణంగా అమోనియం నైట్రేట్ పేలిపోయి ఉండవచ్చు అని వీరు అంటున్నారు. పేలుడు దృశ్యాలు, ప్రజలు తమ బిడ్డలతో ఇళ్లలో భయంతో పరుగులు తీస్తున్న వీడియోలు వైరల్ అవుతున్నాయి.

 

 

Video Courtesy: Mail Online

Related Tags