క్రికెట్ ఫ్యాన్స్‌కు గుడ్ న్యూస్.. సరికొత్త హంగులతో రాబోతున్న ఐపీఎల్!
ఐపీఎల్… ఈ లీగ్ ఎప్పుడు వచ్చిందో గానీ.. ప్రపంచవ్యాప్తంగా ఉన్న క్రికెట్ లవర్స్‌కు సరికొత్త అనుభూతిని ఇచ్చింది. వచ్చిన రెండు సీజన్లలోనే ఈ ఐపీఎల్ జెట్ స్పీడ్‌లో విపరీతమైన క్రేజ్ సంపాదించింది. ధనాధన్ క్రికెట్‌గా.. ఒక పక్క సిక్స్‌లు జోరు.. మరో పక్క వికెట్ల హోరుతో ఫ్యాన్స్‌ను ఆకట్టుకుంది ఈ మినీ క్రికెట్. ఐపీఎల్‌లో ప్రతీ మ్యాచ్ ఖచ్చితంగా హౌస్‌ఫుల్ కావాల్సిందే. ఇదంతా ఒక ఎత్తయితే.. ఈ లీగ్ ద్వారా ఎందరో మేటి క్రికెటర్లు సీనియర్ల సారధ్యంలో వెలుగులోకి […]
ఐపీఎల్… ఈ లీగ్ ఎప్పుడు వచ్చిందో గానీ.. ప్రపంచవ్యాప్తంగా ఉన్న క్రికెట్ లవర్స్‌కు సరికొత్త అనుభూతిని ఇచ్చింది. వచ్చిన రెండు సీజన్లలోనే ఈ ఐపీఎల్ జెట్ స్పీడ్‌లో విపరీతమైన క్రేజ్ సంపాదించింది. ధనాధన్ క్రికెట్‌గా.. ఒక పక్క సిక్స్‌లు జోరు.. మరో పక్క వికెట్ల హోరుతో ఫ్యాన్స్‌ను ఆకట్టుకుంది ఈ మినీ క్రికెట్. ఐపీఎల్‌లో ప్రతీ మ్యాచ్ ఖచ్చితంగా హౌస్‌ఫుల్ కావాల్సిందే. ఇదంతా ఒక ఎత్తయితే.. ఈ లీగ్ ద్వారా ఎందరో మేటి క్రికెటర్లు సీనియర్ల సారధ్యంలో వెలుగులోకి రావడం గొప్ప విశేషం.
ఇదిలా ఉంటే వచ్చే ఏడాది ఐపీఎల్‌లో బీసీసీఐ సరికొత్త ప్రయోగానికి రంగం సిద్ధం చేస్తోంది. అదే ‘పవర్ ప్లేయర్’ నిబంధన. ఆటగాళ్ల సబ్సిట్యూషన్ కోసం ఈ రూల్‌ను ప్రవేశపెట్టడానికి నిర్ణయం తీసుకుంది. ఇప్పటికే కమిటీ ఈ మేరకు తీర్మానం చేయగా.. బీసీసీఐ అధ్యక్షుడు సౌరవ్ గంగూలీ దీనిపై తుది నిర్ణయం తీసుకోవాల్సి ఉంది.
పవర్ ప్లేయర్ రూల్ అంటే ఏంటి..?
వికెట్ పడిన అనంతరం తుది జట్టులోకి ఏ ఆటగాడైనా బ్యాటింగ్‌కు దిగొచ్చు.. అలాగే ఏ తరుణంలోనైనా బౌలర్ ఫీల్డ్‌లోకి వచ్చి బౌలింగ్ చేయొచ్చు. ఇక వీరిని ఎప్పుడు దించాలన్నది తుది నిర్ణయం జట్ల కెప్టెన్లకే వదిలేశారు. దీనికి ఉదాహరణ ఏంటంటే.. ఒక మ్యాచ్‌లో జట్టుకి చివరి ఓవర్‌లో 20 పరుగులు కావాల్సి ఉంది. ఇక ఆ సమయంలో టైయిలండర్లు క్రీజులో ఉన్నారు. ఇక ఈ పవర్ ప్లేయర్ నిబంధన ప్రకారం.. డాషింగ్ బ్యాట్స్‌మెన్ రస్సెల్ లాంటి వారిని దింపి.. భారీ షాట్స్‌తో జట్టును గెలిపించవచ్చు. అలాగే బెంచ్‌కు పరిమితమైన బుమ్రా లేదా రబడా లాంటి బౌలర్లను.. చివరి ఓవర్లలో వికెట్లు పొందటానికి రంగంలోకి దింపొచ్చు.
ఇక ఈ రూల్ ఒకవేళ ఐపీఎల్‌లో వస్తే.. గేమ్ స్వభావమే వేరే రకంగా ఉంటుంది. అటు మొదట ఈ ప్రయోగాన్ని ముస్తాక్ అలీ దేశవాళీ టీ20 టోర్నీలో అమలు చేసి.. ఆ తర్వాత ఐపీఎల్‌లో అమలు చేయనున్నారని తెలుస్తోంది.
