Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 20 వేల 903 మంది వైరస్​ సోకింది. మరో 379 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,25,544. ప్ర‌స్తుతం యాక్టీవ్ కేసులు 2,27,439. వ్యాధి బారి నుంచి కోలుకున్న‌వారు 3,79,892. క‌రోనాతో మొత్తం ప్రాణాలు విడిచినవారి సంఖ్య 18,213.
  • భారత్ బయోటెక్‌కు ఐసీఎంఆర్ డీజీ బలరాం భార్గవ లేఖ. భారత కరోనా వ్యాక్సిన్ క్లినికల్ ట్రయల్స్ వేగవంతం చేయాలని సూచన. ఫాస్ట్-ట్రాక్ పద్ధతిలో క్లినికల్ ట్రయల్స్ చేస్తే ఆగస్ట్ 15 నాటికి అందుబాటులోకి వ్యాక్సిన్. పంద్రాగస్టు సందర్భంగా వ్యాక్సిన్ లాంఛ్ చేసే అవకాశం.
  • అమరావతి: మంత్రివర్గ విస్తరణ 22న? రాష్ట్ర మంత్రివర్గ విస్తరణ చేయడానికి రంగం సిద్దం చేస్తునట్టు సమాచారం. ఇద్దరు మంత్రులు.. మోపిదేవి వెంకటరమణారావు, పిల్లి సుభాష్‌చంద్రబోస్‌లు రాజ్యసభకు ఎన్నికైన నేపథ్యంలో తమ పదవులకు రాజీనామా ఖాళీ అయిన మంత్రి పదవులను భర్తీ చేయడానికి వీలుగా విస్తరణ చేపట్టనున్నట్లు సమాచారం 22వ తేదీన కొత్త మంత్రుల ప్రమాణ స్వీకార కార్యక్రమం నిర్వహించే అవకాశం. ప్రస్తుతం మంత్రి పదవులకు రాజీనామా చేసిన ఇద్దరు నేతలు బీసీ వర్గానికి చెందినవారు. కొత్త మంత్రులను కూడా బీసీ వర్గం నుంచే ముఖ్యమంత్రి వైఎస్‌ జగన్‌మోహన్‌రెడ్డి ఎంపిక పై కసరత్తు?
  • తల్లితండ్రుల పిల్ పై హైకోర్టులో విచారణ వాయిదా. 13వ తారీఖున సమగ్ర నివేదికతో రమ్మని ప్రభుత్వానికి చెప్పిన హైకోర్టు. ఇంకా విద్యా సంవత్సరం ప్రారంభం కాలేదని కోర్టుకు తెలిపిన ఏజీ. ఏ నిర్ణయం తీసుకోకుండా ఆన్లైన్ క్లాసులు ఎందుకు నిర్వహిస్తున్నారని ప్రశ్నించిన హైకోర్టు. కేసులో ఇంప్లీడ్ అయిన ఇండిపెండెంట్ స్కూల్ మేనేజ్మెంట్ అసోసియేషన్. రెండు నెలల క్రితమే సీబీఎస్ఈ సిలబస్ ప్రారంభమైందని తెలిపిన isma తరపు సీనియర్ న్యాయవాది. ఆన్లైన్ తరగతులపై తల్లిదండ్రులకు పై ఎలాంటి ఒత్తిడి లేదు. ఆన్లైన్ క్లాసెస్ ఆప్షన్ మాత్రమే అని తెలిపిన ఇస్మా తరపు న్యాయవాది.
  • ఎయిమ్స్ నిర్వహించిన సూపర్ స్పెషాలిటీ ఎంట్రన్స్ పరీక్షల్లో జాతీయ స్థాయిలో ప్రధమ స్థానం సాధించిన చిలకలూరిపేటకు చెందిన ప్రతాప్ కుమార్. వంద మార్కులకు గాను 91 మార్కులు సాధించిన ప్రతాప్ కుమార్.
  • ఈరోజు దక్షిణ తెలంగాణ జిల్లాల్లో భారీ వర్షాలు. రాగల మూడు రోజులు తేలికపాటి నుండి ఓ మోస్తరు వర్షాలు. ఉపరితల ఆవర్తనం తో పాటు షీర్ జోన్ ఏర్పడింది. ఆంధ్ర తీరానికి సమీపంలో కేంద్రీక`తమైన ఆవర్తనం. పశ్చిమ బంగాళాఖాతం లో 3.1 కి.మీ ఎత్తు వద్ద కొనసాగుతున్న ఉపరితల ఆవర్తనం. - వాతావరణ శాఖ సీనియర్ సైంటిస్టు రాజారావు.
  • జ్యూడిషయల్ లోకరోనా కలకలం . సికింద్రాబద్ జ్యుడీషయల్ అకాడమీ లో కరోనాతో అటెండర్ మృతి . జ్యుడిషయల్ అకాడమీ కేంద్రం గా జరుగుతున్న వీడియో కాన్ఫరెన్స్. ఆందోళనలో న్యాయవాదులు.

వందేళ్లుగా గబ్బిలాలతోనే సావాసం

Bats Play Crucial Role in this Village, వందేళ్లుగా గబ్బిలాలతోనే సావాసం

గబ్బిలాలకు ఆ ఊరితో వందేండ్ల అనుబంధం ఉన్నది…అన్నిఊళ్లలో కోడికూతతో ప్రజలు మేల్కొంటే ఆ గ్రామస్తులు మాత్రం గబ్బిలాల కిచకిచలతో నిద్రలేస్తారు. పగటి పూట ఆహారం కోసం వెళ్లి రాత్రుల్లో వందల సంఖ్యలో గ్రామానికి చేరుకుంటాయి. పంచాయతీ పక్కనున్న చింత చెట్టుపై చేరుకొని వేలాడుతూ కనిపిస్తాయి. పరమశివుడి కటాక్షం వల్లే తమ గ్రామంలో గబ్బిలాలు ఉంటున్నాయన్నది ఆ ఊరి ప్రజల నమ్మకం. అలా గబ్బిలాల మోతకు కేరాఫ్ గా మారింది రుద్రారం గ్రామం. గబ్బిలాల వల్ల ఎబోల వంటి భయంకరమైన రోగాలు వస్తున్నాయంటున్న ప్రస్తుత రోజుల్లో అవి తమకు అదృష్టమని చెబుతున్నారు గ్రామస్తులు.
మహూబూబ్ నగర్ జిల్లా నవాబుపేట మండలం రుద్రారంలో గబ్బిలాలు శతాబ్ద కాలానికి పైగా నివాసముంటున్నాయి.. గ్రామ శివారులోని కూచూర్ రోడ్డు పక్కనే కొన్ని దశాబ్దాల క్రితం పాటిగుట్ట ఉండేదని.. ఆ గుట్టలో అప్పట్లో పరమశివుడితో పాటు వివిధ రకాల దేవుళ్లు ఉండేవారని చెబుతుంటారు. అప్పట్లో గ్రామస్తులు అక్కడ మొక్కులు తీర్చుకునేవారని అంటున్నారు. అప్పటి నుంచే గ్రామంలోని చెట్లపైనే దేవుడి కటాక్షంతో గబ్బిలాలు నివసిస్తున్నాయని గ్రామస్తులు చెబుతున్నారు. గ్రామంలో గబ్బిలాలు ఉండడం తమ గ్రామానికి శుభప్రదమంటున్నారు.
గ్రామంలోని చింతచెట్లపై వేలాది గబ్బిలాలు నివసిస్తున్నాయి. గ్రామపంచాయతీ పక్కన ఉన్న చింతచెట్లపై తలకిందులుగా వేలాడుతూ జీవిస్తున్నాయి. గబ్బిలాలు నిశాచర జీవులు..కాబట్టి అవి రాత్రి వేళ చెట్ల పై నుంచి వివిధ ప్రాంతాకు వెళ్లి ఆహారం సేకరించుకొని తిరిగి తెల్లవారకముందే చింతచెట్లపైకి చేరుకుంటున్నాయి. పగటి పూట వాటికి కళ్లు కనిపించకపోవడంతో రాత్రి వేళల్లో మాత్రమే సంచరిస్తుంటాయి. గబ్బిలాలతో పాటు వాటి పిల్లలను కూడా ఆహారం కోసం తీసుకెళతాయి. కాశీలో ఆఘోరాలు ఎలా ఉంటారో…అలాగే రుద్రారంలోనూ శివుడి దయ వల్ల గబ్బిలాలు ఉంటున్నాయని గ్రామ పెద్దలు చెబుతున్నారు. రుద్రారం పక్కనే ఉన్న గ్రామాల్లో దట్టమై అడవులు, చెట్లు, దట్టమైన పొదలు ఉన్నప్పటికీ ఎక్కడికీ వెళ్లకుండా రుద్రారంలోనే జీవిస్తుండటంతో ఆ గ్రామానికి గబ్బిలాలకు విడదీయరాని బంధం ఉందని గ్రామస్తులు భావిస్తున్నారు.
గబ్బిలాలను తీసుకెళ్లేందుకు కొంతమంది ప్రయత్నించినప్పిటికీ గ్రామస్తులు అడ్డుకున్నారు. అవి తమకు ఎలాంటి హాని కల్గించకపోగా తమ గ్రామానికి అదృష్టమని, వాటి వల్లనే తమ గ్రామంలో శివుని చల్లని చూపు ఉందని గ్రామస్తులు భావిస్తున్నారు. ఈ పక్షుల కిలకిలలే తమ గ్రామానికి అందమని..వాటితో సహవాసం తమకు అలవాటైపోయిందంటున్నారు రుద్రారం గ్రామస్తులు. ఎన్నో సంవత్సరాల నుంచి అవి గ్రామ శివారులో ఉన్నప్పటికీ వాటి వళ్ల గ్రామానికి..గ్రామస్తుల వల్ల గబ్బిలాలకు ఎలాంటి హాని కలగలేదు. అందుకే గబ్బిలాలకు రుద్రారం గ్రామానికి విడదీయరాని బంధం ఉందంటున్నారు స్థానికులు.

 

Bats Play Crucial Role in this Village, వందేళ్లుగా గబ్బిలాలతోనే సావాసం

Related Tags