Breaking News
  • తెలుగు రాష్ట్రాలకు రూ.10లక్షలు విరాళం. మలికిపురం మండలం మట్టపర్రు సొంత గ్రామానికి తనవంతు సహాయంగా 5లక్షలు అందజేత.. తన కుటుంబ సభ్యుల ద్వారా తన గ్రామంలో రేషన్ కార్డులు ఉన్న ప్రతి ఒక్కరికీ వెయ్యి రూపాయల చొప్పున పంపిణీ.. కరోనా వైరస్ బారిన పడకుండా జాగ్రత్తగా ఉండాలని పిలుపు..
  • న్యూఢిల్లీ: కరోనా వైరస్ పై జరుగుతున్న యుద్ధంలో విజయం సాధించాలంటే ప్రజల సహకారం మరింత అవసరమని కేంద్ర హోం శాఖ సహాయ మంత్రి కిషన్ రెడ్డి.
  • కాశ్మీర్ లోయలో ఒక్కరోజులోనే 7 కొత్త కరోనా కేసుల నమోదు. శ్రీనగర్‌లో విదేశాలకు వెళ్లొచ్చిన ముగ్గురికి, మతపరమైన ప్రార్థనలకు హాజరైన నలుగురికి కరోనా పాజిటివ్. పాజిటివ్ కేసుల కాంటాక్ట్ ట్రేసింగ్ మొదలు పెట్టిన అధికారులు.
  • విజయనగరం : టివి9 సమచారంతో స్పందించిన విశాఖ రీజియన్ డిఐజి కాళిదాసు రంగారావు ఏపి చెన్నై బోర్డర్ అధికారులతో పాటు చైన్నై కి చెందిన పోలీస్ ఉన్నతాధికారులతో మాట్లాడిన డిఐజి విజయనగరం జిల్లాకు చెందిన వారికి మౌలిక సదుపాయాలు కల్పించాలని విన్నపం బాధితులతో మాట్లాడిన రంగారావు.
  • సూర్యాపేట: మోతె మండలం రాఘవ పురం,నామవరం గ్రామాల్లో దళిత కాలనిలో ఇంటి ఇంటికి తిరిగి కూరగాయలు పంపిణీ చేసిన ఎంపీపీ మీ ఆశా శ్రీకాంత్ రెడ్డి. పంచిన ఎంపీపీ ఆశశ్రీకాంత్ రెడ్డి, పాల్గొన్న సర్పంచ్ లు,ఆశా వర్కర్లు, పోలీస్ సిబ్బంది.
  • కరోనా మహమ్మారి ప్రభావం వివిధ రంగాలపై తీవ్రంగా పడింది. దీని బారి నుంచి ప్రజలను కాపాడటానికి ఇప్పటికే హీరోల నుంచి సినీ నిర్మాతల నుంచి , దర్శకుల నుంచి విరాళాలు వెల్లువెత్తిన సంగతి తెలిసిందే. ఈ సంక్షోభం నుంచి సినిమా రంగాన్ని బయటపడేయటానికి సినీ ప్రముఖులు కంకణం కట్టుకున్నారు.
  • తెలంగాణలో లాక్‌డౌన్‌ ఉన్నా కొంతమంది ఖాతరు చేయడం లేదు. అడ్డదారుల్లో రాష్ట్ర సరిహద్దులు దాటేందుకు ప్రయత్నిస్తున్నారు. కంటైనర్‌లో వందల మంది ఇతర రాష్ట్రాలకు వెళ్లే ప్రయత్నం చేయగా.. పోలీసులు అడ్డుకున్నారు.
  • కరోనా పిశాచి అంతకంతకూ కోరలు చాస్తూ విలయతాండవం చేస్తోంది.. అగ్రరాజ్యం అమెరికా సైతం కరోనా మహమ్మారికి అడ్డుకట్ట వేయలేకపోతోంది. అక్కడ ఒక్కరోజే 18 వేల కొత్త కేసులు నమోదయ్యాయి.

Notice to Sujana Chowdary: పార్టీ మారినా ఫలితం దక్కలేదు.. పాపం సుజనా!

మాజీ కేంద్ర మంత్రి, ప్రస్తుతం బీజేపీ రాజ్యసభ సభ్యుడు సుజనాచౌదరికి కాలం కలిసి రావడం లేదు. అధికారపార్టీలో వుంటే అండాదండా వుంటుందనుకున్న సుజనాచౌదరి కలలు కల్లలయ్యాయి.
bank serves notice to sujana, Notice to Sujana Chowdary: పార్టీ మారినా ఫలితం దక్కలేదు.. పాపం సుజనా!

BJP MP Sujana Chowdary in bank fraud case: మాజీ కేంద్ర మంత్రి, ప్రస్తుతం బీజేపీ రాజ్యసభ సభ్యుడు సుజనాచౌదరికి కాలం కలిసి రావడం లేదు. అధికారపార్టీలో వుంటే అండాదండా వుంటుందనుకున్న సుజనాచౌదరి కలలు కల్లలయ్యాయి. టీడీపీలో చంద్రబాబుకు అత్యంత సన్నిహితునిగా పేరుగాంచిన సుజనా చౌదరి తన మిత్ర బంధాన్ని కూడా కాదనుకుని బీజేపీ తీర్థం పుచ్చుకున్నా.. బ్యాంకుల నుంచి నోటీసులు ఆగడం లేదు. రుణాలు ఎగ్గొట్టిన కేసుల్లో ఆస్తుల వేలం దాకా పరిస్థితి వచ్చిందంటే ఆయన టైమ్ బాగాలేకపోవడమేనని చెప్పుకుంటున్నారు.

కార్పొరేట్లు పొలిటీషియన్లుగా మారుతున్న జమానా ఇది. దాంతో రెండు దశాబ్దాల క్రితమే టీడీపీకి సన్నిహితంగా మారిన సుజనా చౌదరి అనతికాలంలోనే చంద్రబాబుకు దగ్గరయ్యారు. అదే క్రమంలో రెండు విడతలుగా రాజ్యసభ సభ్యత్వం పొందారు. 2014లో ఏర్పాటైన మోదీ-01 ప్రభుత్వంలో మంత్రిగా వ్యవహరించారు. చంద్రబాబు వ్యూహం మార్చి బీజేపీకి దూరమయ్యే దాకా సుజనా కేంద్రంలో మంత్రిగా కొనసాగారు.

అయితే, 2019 ఎన్నికల తర్వాత టీడీపీ ఘోరపరాజయం పాలవడం.. కేంద్రంలో మోదీ ప్రభుత్వం టీడీపీపై ప్రతీకారం తీర్చుకునే దిశగా సాగే పరిస్థితి కనిపించడంతో ఏకంగా టీడీపీ రాజ్యసభాపక్షాన్ని చీల్చి మరీ బీజేపీ పంచన చేరారు సుజనా చౌదరి. ఆయనతోపాటు గరికపాటి మోహన్ రావు, సీఎం రమేశ్, టీజీ వెంకటేశ్ కూడా బీజేపీలో విలీనమయ్యారు. ఇక్కడి దాకా కథ బాగానే వున్నా.. ఇటీవల కాలంలో సుజనాకు పరిస్థితులు ప్రతికూలంగా మారాయి.

సుజనా యూనివర్సల్ ఇండస్ట్రీస్‌ గతంలో తీసుకున్న సుమారు 400 కోట్ల రూపాయల రుణం తాలూకు బకాయిలను సక్రమంగా చెల్లించకపోవడంతో ఆ రుణం తీసుకున్నప్పుడు తనఖా పెట్టిన ఆస్తులను వేలం వేసేందుకు బ్యాంక్ ఆఫ్ ఇండియా సిద్దమైంది. బ్యాంక్ ఆఫ్ ఇండియా చెన్నై కార్పొరేట్ బ్రాంచి పేరిట వచ్చిన నోటీసుతో సుజనా తీసుకున్న రుణానికి గ్యారెంటీ ఇచ్చిన వారికి షాక్ తగిలినట్లయ్యింది. ముగ్గురు గ్యారెంటీర్లతోపాటు.. సుజనాకు చెందిన మరిన్ని కంపెనీల పేర్లను బ్యాంక్ ఆఫ్ ఇండియా తమ నోటీసులో ప్రస్తావించింది.

బ్యాంకులు తనపట్ల కఠినంగా వ్యవహరించకుండా వుండేందుకే సుజనా బీజేపీలో చేరారని గతంలో ప్రచారం జరిగింది. అయితే.. అప్పట్లోనే బీజేపీ అధికార ప్రతినిధి జీవిఎల్ నరసింహారావు పార్టీ మారినంత మాత్రాన విచారణల నుంచి తప్పించుకోలేరంటూ కామెంట్ చేసి, సుజనాకు బీజేపీలో చేరినా ఊరట కష్టమేనన్న సంకేతమిచ్చారు. తాజాగా బ్యాంక్ ఆఫ్ ఇండియా నోటీసుతో సుజనాకు క్లారిటీ వచ్చి వుంటుందన్న కామెంట్లు వినిపిస్తున్నాయి. అయితే.. మార్చి 23వ తేదీన ఆస్తుల వేలం జరగనుండగా.. ఎంతో కొంత మొత్తం బ్యాంకుకు చెల్లించడం ద్వారా వేలం నుంచి తప్పించుకునే వెలుసుబాటు సుజనాకు వుండడం గుడ్డిలో మెల్లగా చెప్పుకోవచ్చు.

Related Tags