Breaking News
  • ఆదిలాబాద్‌: నేటి నుంచి నాగోబా జాతర. ఇంద్రవెళ్లి మండలం కేస్లాపూర్‌లో ప్రారంభంకానున్న జాతర. జాతరకు రానున్న తెలంగాణ, మహారాష్ట్ర, ఒడిశా.. మధ్యప్రదేశ్‌ రాష్ట్రాల ఆదివాసీలు, గిరిజనులు.
  • అవినీతి సూచిలో భారత్‌కు 80వ స్థానం. ప్రభుత్వ కార్యాలయాల్లో అవినీతిపై వ్యాపారవర్గాలు నుంచి.. వివరాలు సేకరించిన ట్రాన్స్‌పరెన్సీ ఇంటర్నేషనల్‌ సంస్థ. అవినీతి కట్టడిలో తొలిస్థానంలో నిలిచిన డెన్మార్క్‌, న్యూజిలాండ్‌.
  • వలసల నియంత్రణకు ట్రంప్‌ సర్కార్‌ మరో కీలక చర్య. అమెరికా వచ్చే విదేశీ గర్భిణులపై ఆంక్షలు విధింపు. కాన్పు కోసమే అమెరికా వచ్చేవారికి పర్యాటక వీసా నిరాకరణ.
  • రోహింగ్యాల ఊచకోతపై అంతర్జాతీయ న్యాయస్థానం సంచలన తీర్పు. మయన్మార్‌లో రోహింగ్యాల నరమేధం జరిగింది. సైన్యం అండతో రోహింగ్యాలను ఊచకోత కోశారన్న న్యాయస్థానం. రోహింగ్యాలను రక్షించడానికి వెంటనే చర్యలు తీసుకోవాలని ఆదేశం.
  • కరోనా వైరస్‌కు కారణం పాములే. చైనా అధ్యయనంలో వెల్లడి. ఐదు నగరాలకు రాకపోకలన్నీ నిలిపివేసిన చైనా. వుహాన్‌, హుయాంగ్‌గాంగ్‌, ఎఝౌ, ఝిజియాంగ్‌.. ఖియాన్‌జింగ్‌ నగరాలపై రవాణా ఆంక్షలు విధింపు.

బ్యాంక్ ఖాతా ఉందా..? జాగ్రత్త.. మీ ఫోన్‌లో ఈ పనులు చేస్తే.. డబ్బు గల్లంతే..!

Bank account holder? Alert! Top 10 things that you absolutely must never do on your mobile phone!, బ్యాంక్ ఖాతా ఉందా..? జాగ్రత్త.. మీ ఫోన్‌లో ఈ పనులు చేస్తే.. డబ్బు గల్లంతే..!

టెక్నాలజీ.. ఇది ఎందరికో విజ్ఞానాన్ని అందిస్తే.. అదే సమయంలో కేటుగాళ్లకి మోసాలు చేయడానికి కేరాఫ్ అడ్రస్‌గా మారింది. ప్రస్తుత కాలంలో సైబర్ నేరాలు విపరీతంగా జరుగుతున్నాయి. అందులో ముఖ్యంగా ఆర్థిక లావాదేవీల విషయంలో విపరీతమైన మోసాలు జరుగుతున్నాయి.

ముఖ్యంగా బ్యాంకు ఖాతాలు ఉన్న వారిని టార్గెట్ చేస్తూ.. ఈ కేటుగాళ్లు రెచ్చిపోతున్నారు. స్మార్ట్‌ఫోన్‌ వినియోగిస్తున్న కస్టమర్లు జాగ్రత్తగా లేకపోతే.. వారి అకౌంట్‌లో ఉన్న డబ్బు కోల్పోవాల్సి వస్తుంది. ఈ విషయంలో మీరు తగు జాగ్రత్తలు తీసుకోవాల్సిందే. అందులో భాగంగా బ్యాంక్‌ అకౌంట్‌లో ఇచ్చిన ఫోన్ నంబర్‌ను ఉపయోగిస్తున్న ఫోన్‌తో జాగ్రత్తగా ఉండాలి. అందులో ముఖ్యంగా కొన్ని పనులకు దూరంగా ఉండాల్సిందే. లేదంటే అకౌంట్‌లో డబ్బు గల్లంతే.

ప్రస్తుతం ప్రతిచోట డిజిటర్ ట్రాన్సాక్షన్స్‌ చేస్తూ.. టెక్నాలజీని ఉపయోగిస్తున్నాం. దీంతో రోజురోజుకు డిజిటల్ బ్యాంకింగ్ కూడా పెరిగిపోతోంది. దీంతో టెలికాం సంస్థలు నెట్‌వర్క్ కవరేజ్‌తో పాటుగా.. ఇంటర్నెట్ వేగాన్ని కూడా పెంచేశాయి. ఈ ట్రాన్సాక్షన్స్ నేపథ్యంలో ఇంటర్నెట్ వినియోగం కూడా విపరీతంగా పెరిగిపోయింది. అంతేకాదు.. ఆన్‌లైన్‌ బ్యాంకింగ్ సర్వీసుల వినియోగం కూడా పెరిగిపోయింది. అయితే ఇదే అదనుగా.. సైబర్ నేరగాళ్లు వారి మైండ్‌కు పదును పెట్టి.. మోసాలకు పాల్పడుతున్నారు. ఇందులో ముఖ్యంగా బ్యాంక్ కస్టమర్లే ఎక్కువగా మోసపోతున్నారు. ఈ సైబర్ నేరగాళ్ల వలలో పడకుండా ఉండాలంటే.. బ్యాంక్ అకౌంట్ కలిగినవారు ఇంటర్నెట్ ఉపయోగించేటప్పుడు పలు జాగ్రత్తలు పాటించాలి. ఇలా చేయడం ద్వారా సైబర్ నేరగాళ్ల వలల చిక్కకుండా బయటపడతారు.

వినియోగదారులు చేయకూడని పనులు ఏంటంటే…

* మీ ఇంటర్నెట్ బ్యాంకింగ్ పాస్‌వర్డ్స్ ఎట్టిపరిస్థితుల్లో ఎవ్వరికీ చెప్పొద్దు.
* పాస్‌వర్డ్స్‌కు సంబంధించిన సమాచారాన్ని ఫోన్‌లో కూడా నిక్షిప్తం చేయవద్దు
* డెబిట్ కార్డ్, క్రెడిట్ కార్డ్, యూపీఐ పిన్, ఎంపిన్, కార్డుల సమాచారాన్ని ఎవ్వరికీ చెప్పొద్దు. (బ్యాంకు వాళ్లు ఎవరు కూడా ఈ సమాచారాన్ని అడగరు)
* అంతేకాదు.. ఫోన్‌కు ఓటీపీ వచ్చిందంటూ ఎవరు ఫోన్ చేసి అడిగిన తిరస్కరించాలి.
* బ్యాంక్ అకౌంట్ వివరాలు వంటి వాటిని ఎవరైనా కాల్ చేసి అడిగితే ఎట్టిపరిస్థితుల్లోనూ చెప్పొద్దు.
* ఎవరైనా కొత్త వ్యక్తి మీ ఫోన్‌లో.. కొత్త యాప్ డౌన్‌లోడ్ చేసుకొని ఇన్‌స్టాల్ చేసుకోమని చెబితే అస్సలు నమ్మొద్దు.
* అంతేకాదు.. ఎవరైనా మీ ఫోన్ సెట్టింగ్స్ మార్చమని కోరితే తిరస్కరించండి.
* గూగుల్ సెర్చ్‌‌లో వెతికితే వచ్చే బ్యాంక్, మర్చంట్, కంపెనీల కస్టమర్ కేర్ నెంబర్లతో జాగ్రత్త..అందులో కొన్నిఫేక్ నెంబర్లు కూడా ఉండే అవకాశం ఉంది.
* మీకు వచ్చిన ఎస్ఎంఎస్‌ను పంపమంటే కూడా.. పంపొద్దు.
* మొబైల్ నెంబర్, అడ్రస్, పుట్టిన తేదీ, ఆధార్ వంటి వివరాలను సోషల్ మీడియాలో పెట్టకపోవడం ఎంతో మంచిది
* పేమెంట్ గేట్‌ వేస్ యాప్‌లు.. మొబైల్ బ్యాంకింగ్ సంబంధిత యాప్స్‌కు యాప్ లాక్ పెట్టుకోవడం బెటర్
* ముఖ్యంగా మీ బ్యాంక్ అకౌంట్‌లో.. మీకు తెలియకుండా ఏమైనా మోసపూరిత ట్రాన్సాక్షన్స్ జరిగితే.. వెంటనే బ్యాంక్‌లో ఫిర్యాదు చేయండి