Breaking News
  • కరీంనగర్‌: హుజూరాబాద్‌ ప్రభుత్వ ఆస్పత్రిలో టిక్‌టాక్‌ కలకలం. ఆపరేషన్‌ థియేటర్‌లో టిక్‌టాక్‌ చేసిన వైద్యులు. రోగికి ఆపరేషన్‌ చేస్తూ టిక్‌టాక్‌ చేసిన వైద్యుడు శ్రీకాంత్, బృందం. సోషల్‌మీడియాలో వైరలైన వీడియో. వైద్యుల తీరుపై మండిపడుతున్న స్థానికులు.
  • సికింద్రాబాద్‌లో అఖిల భారత పోలీస్‌ బ్యాండ్‌ పోటీల ముగింపు వేడుకలు. హాజరైన ఉపరాష్ట్రపతి వెంకయ్యనాయుడు.
  • యాదాద్రి:సర్నేనిగూడెం సర్పంచ్ కుటుంబాన్నిపరామర్శించిన కోమటిరెడ్డి. రూ.50 వేలు ఆర్థిక సాయాన్ని అందజేసిన ఎంపీ కోమటిరెడ్డి. సర్పంచ్‌ కుటుంబానికి నా ప్రగాఢ నానుభూతి తెలియజేస్తున్నా. సర్పంచ్‌ కుటుంబానికి రూ.25 లక్షల ఆర్థిక సాయం ప్రకటించాలి. నావంతుగా సర్పంచ్‌ కుటుంబాన్ని ఆదుకుంటా. ఈ విషయాన్ని సీఎం దృష్టికి తీసుకెళ్తా-ఎంపీ కోమటిరెడ్డి వెంకట్‌రెడ్డి.
  • నిజామాబాద్‌: ఎడపల్లిలో ప్రేమజంట ఆత్మహత్యాయత్నం. పురుగుల మందుతాగి ఆత్మహత్యకు యత్నించిన ప్రేమజంట. పరిస్థితి విషమం, ఆస్పత్రికి తరలింపు.
  • ఢిల్లీ: జస్టిస్ ధర్మాధికారి నేతృత్వంలో ఏపీ, టీఎస్ అధికారుల భేటీ. విద్యుత్‌ ఉద్యోగుల విభజన సమస్యలపై సమావేశమైన అధికారులు. ఉదయం అధికారులు, ఉద్యోగుల అభ్యంతరాలు స్వీకరించిన ధర్మాధికారి. ధర్మాధికారి నివేదిక ప్రకారం 655 మంది ఉద్యోగులు.. తమకు భారమవుతున్నారని చెప్పిన ఏపీ డిస్కంలు. కమిటీ నివేదికతో సమస్యలున్నాయన్న టీఎస్ జెన్‌కో, ట్రాన్స్‌కో సీఎండీ. ఉద్యోగుల సమస్య శాంతియుతంగా పరిష్కారమయ్యేందుకే.. నివేదికను అంగీకరిచామన్న తెలంగాణ సీఎండీ ప్రభాకర్‌రావు. విధుల్లోకి చేర్చుకోనందు వల్ల ఇబ్బందులు పడుతున్నట్టు.. ధర్మాధికారికి తెలిపిన ఏపీకి కేటాయించిన ఉద్యోగులు. సమస్యకుపరిష్కారం నివేదిక నుంచి తెచ్చేలా ప్రయత్నిద్ధాం-ధర్మాధికారి. సమస్యను మొదటికితెచ్చి ఉద్యోగుల విభజనను జఠిలం చేయొద్దు-ధర్మాధికారి.

ఏపీ పాలిటిక్స్‌పై బండ్ల వ్యాఖ్యలు.. జెండా, ఎజెండా లేని నాయకులెవరబ్బా..!

Bandla Ganesh sensational comments on Andhra Pradesh Politics, ఏపీ పాలిటిక్స్‌పై బండ్ల వ్యాఖ్యలు.. జెండా, ఎజెండా లేని నాయకులెవరబ్బా..!

నటుడు, నిర్మాత బండ్ల గణేష్ మళ్లీ లైన్‌లోకి వచ్చారు. గత ఏడాది తెలంగాణలో జరిగిన అసెంబ్లీ ఎన్నికల సమయంలో కాంగ్రెస్‌లో చేరి.. ప్రత్యర్థి పార్టీలపై ఘాటు వ్యాఖ్యలు చేసి.. తన ఫన్నీ వ్యాఖ్యలు, చేష్టలతో తెలుగు ప్రజలను తెగ నవ్వించి.. ఆ తరువాత రాజకీయాలకు గుడ్‌బై చెప్పిన ఈయన.. మళ్లీ రాజకీయాలు మొదలుపెట్టారు. ఈ సారి ఏపీలోని ప్రస్తుత పరిస్థితులపై స్పందించారు బండ్ల. అంతేనా.. అధికార, ప్రతిపక్షాలపై ఓరేంజ్‌లో విరుచుకుపడ్డారు.

పల్నాటి గొడవలతో ఏపీ పరువు గంగలో కలిసిపోయిందని, ఆంధ్రా మరో బీహార్‌లా తయారైందని బండ్ల ఘాటు వ్యాఖ్యలు చేశారు. పోలవరం, రాజధాని అమరావతి నిర్మాణాలను అటకెక్కించారని.. రాజధానిగా అమరావతి ఉంటుందో ఊడుతుందో తెలియక ప్రజలు జుట్టు పీక్కుంటున్నారని మండిపడ్డారు. అంతేకాదు వైసీపీ పాలనపైనా ఘాటు విమర్శలు చేశారు. వంద రోజుల పాలనలో ఏమీ చేయని సీఎం జగన్ నిద్రలేవాలి అని సూచించారు. ఇక ప్రజల తిరస్కారానికి గురైన చంద్రబాబు కొత్త ప్రభుత్వానికి అవకాశం ఇవ్వాలని అన్నారు. అలాగే జెండా, ఎజెండా లేని నాయకులు కొంతకాలం రెస్ట్ తీసుకుంటే మంచిదని సూచించారు.  జనాన్ని కాసేపు మనశాంతిగా ఉండనివ్వండి అంటూ విన్నవించారు. ‘‘దగాపడ్డ తెలుగు ప్రజలారా! ఏ నాయకుడినీ నమ్మొద్దు, మీకు సాయం చేసే స్థితిలో నేను లేను, మనందరినీ ఆ భగవంతుడే కాపాడాలని. భావితరాలకు ఆయనే (భగవంతుడే) దిక్కు’’ అని బండ్ల వ్యాఖ్యానించారు.

అయితే ఏపీలో రాజకీయాలు హాట్ హాట్‌గా ఉన్న నేపథ్యంలో ఆయన తాజా వ్యాఖ్యలు ప్రాధాన్యతను సంతరించుకున్నాయి. జగన్, చంద్రబాబు‌పై ప్రత్యక్షంగానే విమర్శించిన బండ్ల.. జెండా, ఎజెండా లేని నాయకులు అంటూ ఎవరిని ఉద్దేశించి అన్నాడా..? అన్న చర్చ రాజకీయ విశ్లేషకుల మధ్య జరుగుతోంది. ఇదిలా ఉంటే బండ్ల గణేష్ మళ్లీ టాలీవుడ్‌లో బిజీ అయ్యేందుకు ప్రయత్నాలు చేస్తున్నారు. ఈ క్రమంలో మహేష్ హీరోగా అనిల్ రావిపూడి తెరకెక్కిస్తోన్న ‘సరిలేరు నీకెవ్వరు’లో ఓ కీలక పాత్రలో నటిస్తున్నాడు. అలాగే నిర్మాతగానూ సినిమాలు తీసేందుకు ఆయన ప్రణాళికలు సిద్ధం చేసుకున్నట్లు తెలుస్తోంది.

Related Tags