Breaking News
  • దేశవ్యాప్త కోవిడ్-19 గణాంకాలు: 24 గంటల వ్యవధిలో నమోదైన కొత్త కేసులు: 93,337. దేశవ్యాప్త మొత్తం కేసుల సంఖ్య: 53,08,015. 24 గంటల వ్యవధిలో దేశవ్యాప్త మరణాలు: 1,247. దేశవ్యాప్తంగా మొత్తం మరణాల సంఖ్య: 85,619. 24 గంటల్లో డిశ్చార్జయినవారి సంఖ్య: 95,880. దేశవ్యాప్తంగా డిశ్చార్జయిన మొత్తం కేసులు: 42,08,431. దేశవ్యాప్తంగా మొత్తం యాక్టివ్ కేసుల సంఖ్య: 10,13,964.
  • దేశంలో అల్-ఖైదా ఉగ్రవాదుల కుట్ర భగ్నం. కుట్రను భగ్నం చేసిన నేషనల్ ఇన్వెస్టిగేషన్ ఏజెన్సీ. కేరళ, బెంగాల్ సహా దేశవ్యాప్తంగా 11 ప్రదేశాల్లో ఎన్ఐఏ దాడులు. దాడుల్లో 9 మంది ఉగ్రవాదులు అరెస్ట్. బెంగాల్‌లో 6గురు, కేరళలో ముగ్గురు అరెస్ట్. మారణాయుధాలు, డిజిటల్ పరికరాలు, డాక్యుమెంట్లు, జిహాదీ సాహిత్యం లభ్యం. ఇంట్లో తయారుచేయగలిగే బాంబులు, వాటికి సంబంధించిన సమాచారం స్వాధీనం. భారీగా ప్రాణనష్టం కల్గించే ఉగ్రవాద చర్యలకు కుట్ర. దేశ రాజధాని సహా ఏకకాలంలో పలు ప్రాంతాల్లో దాడులు జరపాలని పన్నాగం.
  • ఆరోగ్య శాఖ మంత్రి ఇ ఈటెల రాజేందర్ పేషీలో ఏడుగురికి సోకిన కరోనా. మంత్రి చుట్టూ ఉండే సిబ్బంది మొత్తానికి సోకిన వైరస్. ఇద్దరు పీఏ లు, ముగ్గురు గన్మెన్లు, ఇద్దరు డ్రైవర్లకు కరోనా. ప్రతి రెండు వారాలకు తన సిబ్బందికి టెస్టు చేయిస్తున్న మంత్రి. BRK భవన్ లో ఒక్కరోజే 13 మందికి పాజిటివ్.
  • తెలంగాణ కరోనా కేసుల అప్డేట్స్: తెలంగాణ లో వేయి దాటినా కరోనా మరణాలు. తెలంగాణలో ఒకరోజు టెస్ట్ లో సంఖ్య 54459. తెలంగాణ లో కరోనా టెస్టింగ్స్ :2445409. రాష్ట్రంలో ఈరోజు పాజిటివ్ కేసులు : 2123. తెలంగాణ రాష్ట్రంలో మొత్తం కరోనా కేసులు : 169169. జిహెచ్ఎంసి లో కరోనా కేసులు సంఖ్య : 305. జిహెచ్ఎంసి లో మొత్తం కరోనా కేసులు సంఖ్య : 56982. కరోనా తో ఈరోజు మరణాలు : 10. ఇప్పటి వరకూ మరణాలు మొత్తం : 1025. చికిత్స పొందుతున్న కేసులు : 30636. ఈరోజు ఆసుపత్రి నుంచి డిశ్చార్చి అయిన వారు: 2151. ఇప్పటి వరకూ డిశ్చార్జి అయిన సంఖ్య: 137508.
  • అమరావతి : టీడీపీకి విశాఖ సౌత్ ఎమ్మెల్యే వాసుపల్లి గణేష్ గుడ్ బై. నేడు ముఖ్యమంత్రి వైఎస్ జగన్ ను కలవనున్న వాసుపల్లి. మధ్యాహ్నం 12:30 కి సీఎం తో అపాయింట్మెంట్ . వల్లభనేని వంశీ, మద్దాలి గిరి, కరణం బాటలో వైసీపీ కి మద్దతు తెలిపే అవకాశం.
  • సుమేధ కేసులో పోలీసులకు అందిన పోస్టుమార్టం రిపోర్ట్: సైకిల్ పై తొక్కుతూ నాల లో పడిపోయిన సుమేధ. కింద పడిపోగానే తలకు బలమైన గాయం. తలకు బలమైన గాయం కావడంతో అపస్మారక స్థితిలో కి వెళ్ళింది. నాల లో పడి పోవడంతో నీళ్లు తాగింది. దీంతో శరీరంలో మొత్తం నీరు చేరి ఉబ్బిపోయింది. ఊపిరితిత్తులలోకి నీరు చేరడంతో శ్వాస ఆడక చనిపోయింది సుమేధ.

మళ్లీ పొలిటికల్ సీన్‌లోకి బండ్ల.. ఏం చేశాడంటే..?

Bandla ganesh support to pawan kalyan with his tweet, మళ్లీ పొలిటికల్ సీన్‌లోకి బండ్ల.. ఏం చేశాడంటే..?

బండ్ల గణేశ్..ఈ పేరుకు పెద్దగా పరిచయం అక్కర్లేదు. నటుడిగా, నిర్మాతగా, రాజకీయ నాయకుడిగా  7’O’ క్లాక్‌ బ్లేడ్‌కి ఫేమ్ తెచ్చిన వ్యక్తిగా అందరికి సుపరిచితుడే. 2019 ఎన్నికల్లో కాంగ్రెస్ పార్టీ తరుఫున ప్రచారం చేసిన ఆయన..పంచ్ డైలాగ్స్‌తో రెచ్చిపోయారు. కాంగ్రెస్ పార్టీ అంటే చిన్నప్పటి నుంచి తనకు వల్లమాలిన ప్రేమ అని, ఎన్నికల్లో ఆ పార్టీనే ఘంటాపథంగా గెలబోతుందని జోస్యం చెప్పాారు. అయితే సీన్ రివర్సయ్యింది. కారు జోరుకు హస్తం పార్టీ బ్రేకులెయ్యలేకపోయింది. కాంగ్రెస్ దారుణ ఓటమితో కొన్నాళ్లు సైలెంటైపోయాడు బండ్ల. ఆ తర్వాత రాజకీయాల జోలికి వెళ్లని ప్రకటించారు. ఇటీవలే ‘సరిలేరు నీకెవ్వరు’ సినిమాతో సిల్వర్ స్రీన్‌పై నటుడిగా రీ ఎంట్రీ ఇచ్చి నవ్వులు కురిపించారు.

అయితే జనసేన అధినేత పవన్ కళ్యాణ్‌కు, బండ్ల గణేశ్‌ ఎటువంటి  స్పెష‌ల్ భక్తుడో ప్రత్యేకంగా చెప్పాల్సిన పనిలేదు. పవన్ అంటే తనకు వ్యసనం అని కూడా చెబుతుంటాడు ఈ కమెడియన్ కమ్ నిర్మాత. అయితే రాజకీయాల జోలికి వెళ్లనన్న బండ్ల.. మళ్లీ పొలిటికల్ స్టంట్‌తో సీన్‌లోకి వచ్చారు. కాంగ్రెస్ పార్టీ తరుఫున ప్రచారం చేసినప్పుడు పెద్దగా పవన్ గురించి మాట్లాడానికి ఇష్టపడని ఆయన..ఇప్పుడు ఆయనపై ఏకంగా ట్వీట్ వేశారు. “నేను భయంతో రాలేదు – బాధ్యతతో వచ్చాను” అనే ట్యాగ్‌ లైన్ ఉన్న పవన్ ఫోటోను “ఇది నిజం” అంటూ ఫోస్ట్ చేశారు బండ్ల గణేశ్. ఆ ట్వీట్‌కి జనసేనానిని కూడా ట్యాగ్ చేశారు. సడన్‌గా పవన్‌పై ఈ భక్తుడు ప్రేమను కురిపించడం వెనుక మతలబేమిటా అని చర్చించికుంటున్నారు నెటిజన్లు.

Related Tags