Breaking News
  • భారత్‌లో కరోనా వైరస్ స్వైరవిహారం చేస్తోంది. రోజురోజుకూ రికార్డు స్థాయిలో కరోనా కేసులు నమోదవుతుండటం ప్రజలను ఆందోళన కలిగిస్తోంది. గడిచిన 24 గంటల్లో దేశంలో అత్యధికంగా 28,637 కరోనా కేసులు నమోదైనట్లు కేంద్ర ఆరోగ్య మంత్రిత్వ శాఖ తాజాగా హెల్త్ బులిటెన్ విడుదల చేసింది.
  • అమరావతి మండలం ముత్తాయపాలెం బ్యాంక్ ని మోసం చేసిన కేసులో ఉన్నతాధికారులు సీరియస్. బ్యాంకుకు తనఖా పెట్టిన భూమిని ఏవిధంగా ప్రభుత్వానికి విక్రయించారంటూ ఆరా తీస్తున్న అధికారులు. ఇప్పటికే ప్రారంభమయిన పోలీసు దర్యాప్తు.
  • విజయవాడ: ఆత్రేయపురం ప్రేమకథ సినిమా పేరుతో మోసం. చైతన్య క్రియేషన్ బ్యానర్ పై సినిమా అంటూ యువతులకు వల. అమరావతి శివక్షేత్రంలో సినిమా ప్రారంభం అంటూ రిబ్బన్ కటింగ్ చేసిన గుంటూరు జిల్లాకు చెందిన రెంవత్ బిక్షా . విజయవాడ, గుంటూరు జిల్లాకు చెందిన యువతులను హీరోయిన్లుగా చేస్తానంటూ చీటింగ్.
  • తిరుపతి.... డయిల్ యువర్ ఈఓ కార్యక్రమంలో టీటీడీ ఈఓ అనిల్ కుమార్ సింఘాల్.... శ్రీవారికి భక్తులు కానుకగా ఇచ్చే ప్రతి రూపాయి సద్వినియోగం చేసుకుంటాం. నిధులు దుర్వినియోగం కానీయం. నెలరోజుల్లో 16.73 కోట్లు శ్రీవారికి హుండీ ద్వారా ఆదాయం లభించింది.
  • ఆత్రేయపురం ప్రేమకథ దర్శకుడు దేవరాయ రమేష్ అలియాస్ రవితేజ అలియాస్ రావణ్ బిక్షూ. నేను ఎవరి దగ్గర డబ్బులు తీసుకోలేదు. డబ్బులు తీసుకున్నట్లు నిరూపించాలి. ఆధారాలు టివి9 కే అందించాలి. ఎటువంటి కేసులు ఎదుర్కోవటానికైనా సిద్దంగా ఉన్నా. నా దగ్గర స్ర్కిప్టు తీసుకెళ్ళిన కో డైరెక్టర్ భార్గవి నాపైనే ఆరోపణలు చేస్తోంది. హీరో, ఇతర ఆర్టిస్ట్ లతో ఫోన్ లో మాట్లాడిన రావణ్ భిక్షూ.
  • హైదరాబాద్ లో మాయమైన సండే సందడి. చాలా ఏరియా లలో కనిపిస్తున్న కర్ఫ్యూ వాతావరణం . షాపులు...మాల్స్ ..రెస్టారెంట్లు..తెరిచి ఉన్నా కన్పిపించని పబ్లిక్. ఆదివారం మార్కెట్ లలో సైతం అనంతం మాత్రం గానే కొనుగోలుదారు. కళ్లకు కట్టినట్టు కనిపిస్తున్న కరోనా భయం. ఇళ్లకే పరిమితం అవుతున్న జనం. హైదరాబాద్ లో పెరుగుతున్న అధిక కేసులతో ... అలర్ట్ అయిన పబ్లిక్.
  • నగరంలో మరొకసారి ఆక్సిజన్ సిలిండర్ల పట్టివేత. ముషీరాబాద్ లో 34 సిలెండర్లని ఆక్సిజన్ సిలిండర్ ను సీజ్ చేసిన అధికారులు. అనుమతులు లేకుండా సిలిండర్ విక్రయిస్తున్న బాబా ట్రేడర్స్. అధిక ధరకు సిలిండర్లను అమ్ముతున్న సర్దార్ ఖాన్ ను అరెస్టు చేసిన నార్త్ జోన్ టాస్క్ ఫోర్స్ అధికారులు.

మరోసారి రికార్డులను బ్రేక్ చేసిన బాలాపూర్ లడ్డు

Balapur Ganesh Laddu Breaks Record, మరోసారి రికార్డులను బ్రేక్ చేసిన బాలాపూర్ లడ్డు

బాలాపూర్ లడ్డూ మరోసారి రికార్డు స్థాయిలో ధర పలికింది. గతేడాది కంటే ఈ సారి మరో లక్ష రూపాయలు ఎక్కువ పలికింది. 17.60 లక్షలకు కొలను రాంరెడ్డి సోంతం చేసుకున్నారు. ఈ సారి లడ్డూను దక్కించుకునేందుకు 28 మంది పోటీ పడ్డారు. గతేడాది.. బాలాపూర్ మండలం ఆర్యవైశ్య సంఘం అధ్యక్షుడు శ్రీనివాస్ గుప్తా రూ.16.60 లక్షలకు దక్కించుకున్నారు. ఈ సారి లడ్డూను దక్కించుకున్న కొలను రాంరెడ్డికి ఉత్సవ కమిటీ శాలువతో సత్కరించి లడ్డూను అందజేసింది. అనంతరం శోభాయాత్ర ప్రారంభమైంది. ఈ శోభాయాత్ర చార్మినార్ పాతబస్తి మీదుగా వినాయక్ సాగర్‌కు చేరుకుంటుంది.

తొలిసారి 1994లో బాలాపూర్ లడ్డూ వేలం పాటను ప్రారంభమైంది. మొదట రూ. 450తో ప్రారంభమైన వేలం.. ప్రతి ఏడాది వందల.. వేలు.. లక్షలకు చేరుకుంది. బాలాపూర్ లడ్డూ దక్కించుకున్న వారి ఇంట్లో సిరిసంపదలు విరజిల్లుతాయని.. పసిడి పంటలు పండుతాయని స్థానికుల విశ్వాసం. అంతేకాదు వేలంపాటలో లడ్డూను దక్కించుకున్న వారు కూడా ఇదే చెబుతుంటారు.
అయితే ఈ లడ్డూను తాపేశ్వరం హనీఫుడ్స్ తయారు చేస్తుంది. 21 కిలోల బరువు ఉండే ఈ లడ్డూను 2010 నుంచి బాలాపూర్ గణేష్‌డికి తాపేశ్వరం హనీఫుడ్స్ యజమాని నైవేద్యంగా సమర్పిస్తున్నారు.

గణేష్ నవరాత్రులు ప్రారంభం నుంచి పోటీ పడుతున్న వారి నుంచి నిర్వాహకులు దరఖాస్తులు తీసుకుంటారు. మొదట వేలం పాట రూ. 1116తో స్టార్ట్ అవుతుంది. లడ్డూను దక్కించుకున్న వారు బాండ్‌పై సంతకం చేయాల్సి ఉంటుంది. అయితే ఈ లడ్డూ ద్వారా వచ్చిన ధనాన్ని.. ఉత్సవ కమిటీ గ్రామాభివృద్ధికి, సేవా కార్యక్రమాలకు ఉపయోగిస్తుంది.

ఇక 1994 – 1995లో లడ్డును కోలన్ మోహన్ రెడ్డి దక్కించుకోగా.. 1996-1997లో కోలన్ కృష్ణారెడ్డి సొంతం చేసుకున్నారు. 1998లో కోలన్ మోహన్ రెడ్డి.. 1999లో కల్లెం ప్రతాప్ రెడ్డి, 2000లో కల్లెం అంజిరెడ్డి, 2001 రఘునందన్ చారి, 2002లో కందాడ మాధవ రెడ్డి 2003లో చిగిరింత బాల్ రెడ్డి, 2004లో కోలన్ మోహన్ రెడ్డి, 2005లో ఇబ్రహీం శేఖర్, 2006లో చిగిరింత తిరుపతి రెడ్డి, 2007లో రఘునందన్ చారి, 2008లో కోలన్ మోహన్ రెడ్డి, 2009లో సరిత, 2010లో కొడాలి శ్రీధర్ బాబు, 2011లో కోలన్ బ్రదర్స్ సొంతం చేసుకున్నారు.

2012లో పన్నాల గోవర్ధన్ రెడ్డి, 2013లో తీగల కృష్ణారెడ్డి, 2014లో సింగిరెడ్డి జైహింద్ రెడ్డి, 2015లో కోలన్ మదన్ మోహన్ రెడ్డి, 2016లో స్కైలాబ్ రెడ్డి, 2017 నాగం తిరుపతిరెడ్డి, 2018లో శ్రీనివాస్ గుప్తా బాలాపూర్ లడ్డూను కైవసం చేసుకున్నారు.

Related Tags