Breaking News
  • ఆల్ టైమ్ రికార్డ్సు స`ష్టిస్తున్న గోల్డ్ , సిల్వర్ . 10 గ్రాముల బంగారం రూ 58,330 . కేజీ వెండి రూ 78,300. ఈ వారంలోనే మూడు సార్లు పెరిగిన బంగారం ధర . ప్రతిసారీ 8వందల నుంచి వేయి పెరిగిన గోల్డు. 65 వేలకు చేరుకుంటుందంటున్న మార్కెట్ అంచనాలు.
  • ప్రముఖ మాజీ క్రికెటర్ సచిన్ టెండూల్కర్ పై అసభ్యకరంగా సోషల్ మీడియాలో పోస్ట్ పెట్టిన వ్యక్తి అరెస్ట్.. పిడుగురాళ్ల మండలం చెందిన వందనపు నాగారాజు ఈ నెల 2వ తారీఖున క్రికెటర్ సచిన్ టెండూల్కర్ పై సోషల్ మీడియాలో అసభ్యకరంగా పోస్ట్ ముంబైలో కేసు నమోదు. ఐపీ అడ్రస్ పిడుగురాళ్ల గా గుర్తింపు. పోస్ట్ పెట్టిన వ్యక్తి ని అదుపులోకి తీసుకున్న ముంబై పోలీసులు.
  • టీవీ9 తో ఎ పి జైళ్ల శాఖ ఐ జి జయవర్ధన్.. ఆంధ్రప్రదేశ్ రాష్ట్ర వ్యాప్తంగా అన్ని జైళ్లలో ఉన్న ఖైదీలకు కరోనా టెస్టులు చేయిస్తున్నాం. ఇప్పటివరకు రాష్ట్రవ్యాప్తంగా 420 మంది ఖైదీలకు, 60 మంది స్టాఫ్ కు కరోనా పాజిటివ్ వచ్చింది. నిన్న ఒక్కరోజే రాజమండ్రి సెంట్రల్ జైలు లో 245 మందికి పాజిటివ్ వచ్చింది. రాజమండ్రి సెంట్రల్ జైల్ లోనే ఐసోలేషన్ సెంటర్ ని ఏర్పాటు చేశాం. పాజిటివ్ వచ్చినవాళ్ళల్లో ఎక్కువశాతం మైల్డ్ కేసులు ఉన్నాయి. రాష్ట్ర వ్యాప్తంగా ఉన్న అన్ని జైళ్లకు అప్రమత్తత చేశాం. ఐసోలేషన్ సెంటర్ నుంచి ఖైదీల పారిపోవడానికి ప్రయత్నిస్తే శిక్షలు కఠినంగా ఉంటాయి. ఖైదీలకు నాణ్యమైన ఆహారాన్ని వైద్య సౌకర్యాన్ని అందిస్తూ డాక్టర్ల పర్యవేక్షణ చేస్తున్నాం. పాజిటివ్ వచ్చిన ఖైదీల వివరాలు కుటుంబ సభ్యులకు సమాచారం అందిస్తున్నాము. ఖైదీల కుటుంబ సభ్యులు ఆందోళన చెందాల్సిన అవసరం లేదు.
  • అనంతపురం కన్సెప్ట్ సిటీ కన్సల్టెంట్ గా CBRE సౌత్ ఆసియా ప్రైవేట్ లిమిటెడ్ . భవిష్యత్ వ్యాపార అవసరాల కోసం రాష్ట్రం లో 3 కాన్సెప్ట్ సిటీలు ప్లాన్ చేసిన సర్కార్ . అనంతపురం కాన్సెప్ట్ సిటీకి కాన్సెప్టువల్ ప్లాన్, ఫీజబిలిటి రిపోర్ట్, బిజినెస్ స్ట్రాటజీ, ఫైనాన్సియల్ మోడల్ ప్రణాళిక సిద్దం చేసి అమలు చేయనున్న CBRE. ఇందుకోసం దాదాపు 85 లక్షల రూపాయలకు పరిపాలన అనుమతులు మంజూరు.
  • తమిళనాడు లో ఘోర రోడ్డు ప్రమాదం. కోయిఅంబత్తూర్ లోని ఆనకట్ట రహదారిలో చెట్టుని డీ కొట్టిన కారు . కారులో ప్రయాణిస్తున్న యువకులలో నలుగురు మృతి , ఒకరి పరిస్థితి విషమం . కారు అతివేగం గా నడపడం ప్రమాదానికి కారణం . ఫ్రెండ్స్ పుట్టినరోజు వేడుకలు వెళ్లివస్తుండగా జరిగిన ఘటన.
  • దేశవ్యాప్తంగా పాజిటివిటీ రేటు 8.87శాతం, రాష్ట్రంలో పాజిటివిటీ రేటు 8.56శాతం, కర్ణాటకలో 9.88శాతం, తమిళనాడులో 9.26శాతం, మహారాష్ట్రలో 19.36శాతం, ఢిల్లీలో 12.75శాతం. మరణాల రేటు దేశంలో 2.07శాతం, ఏపీలో 0.89శాతం. కర్ణాటకలో 1.85శాతం, కర్ణాటకలో 1.85శాతం, తమిళనాడులో 1.63శాతం, మహారాష్ట్రలో 3.52శాతం. ప్రతి పదిలక్షల మందిలో 43,059 మందికి పరీక్షలు. శ్రీకాకుళం, కర్నూలు, కడప, కృష్ణా, నెల్లూరు, పశ్చిమగోదావరి, చిత్తూరులో రాష్ట్రం సగటుకన్నా ఎక్కువ పరీక్షలు.
  • ఈఎస్ఐ స్కామ్ లో అరెస్టైన ఏపీ సచివాలయ ఉద్యోగి మురళీ మోహన్ ను సస్పెండ్ చేసిన ప్రభుత్వం . గత నెల 10 తేదీన సచివాలయంలో మురళీ మోహన్ ను అరెస్ట్ చేసిన ఏసీబీ. కార్మిక శాఖ మాజీ మంత్రికి వ్యక్తిగత కార్యదర్శిగా పనిచేసిన కాలంలో ఈఎస్ఐ కుంభకోణంలో మురళీ పాత్ర ఉందని ఏసీబీ అభియోగం. అరెస్టైన నాటి నుంచి సస్పెన్షన్ ఉత్తర్వులు అమల్లోకి వస్తాయని ఆదేశాలు. ప్రస్తుతం పట్టణాభివృద్ధి శాఖలో సెక్షన్ ఆఫీసరుగా విధులు నిర్వహిస్తోన్న మురళీ మోహన్.
  • భూముల విలువలు భారీగా పెరుగుతున్న నేపథ్యంలో జిల్లాలోని సబ్ రిజిస్ట్రార్ కార్యాలయాల్లో రిజిస్ట్రేషన్ల సందడి . భుాముల విలువ పె౦పు అమలులోకి వస్తే భార౦ పడుతుందని ము౦దుగానే రిజిస్ట్రేషన్ లు వెలుతోన్న జిల్లా వాసులు.

అతడే శ్రీమన్నారాయణ : రివ్యూ

Athade Srimannarayana telugu movie reivew, అతడే శ్రీమన్నారాయణ : రివ్యూ

చిత్రం: అతడే శ్రీమన్నారాయణ
దర్శకత్వం: సచిన్‌ రవి
ప్రొడ్యూసర్‌: హె.కె.ప్రకాష్‌, పుష్కర మల్లికార్జునయ్య
నటీనటులు: రక్షిత్‌ శెట్టి, శాన్వి శ్రీవాస్తవ, అచ్యుత్‌ కుమార్‌, బాలాజీ మనోహర్‌, ప్రమోద్‌ శెట్టి, మధుసూదన్‌ రావు తదితరులు
సంగీతం: చరణ్‌రాజ్‌, బి.అజనీష్‌ లోక్‌నాథ్‌
నేపథ్య సంగీతం: బి.అజనీష్‌ లోక్‌నాథ్‌
కెమెరా: కార్మ్ చావ్లా
ఎడిటింగ్‌: సచిన్‌ రవి
విడుదల: 01.01.2020

కథ, కథనాలు ప్రేక్షకుల మనసును ఆకట్టుకునే విధంగా ఉంటే అనువాద సినిమాలు కూడా బాగా ఆడుతాయి. పొరుగు భాషల చిత్రాలు తెలుగులో అనువాదమై ఘన విజయాలు సాధించిన సందర్భాలు గతంలోనూ కోకొల్లలున్నాయి. ఇటీవలి కాలంలో కన్నడ హీరోలకు తెలుగు మార్కెట్‌ మీద మరింత ఆశ పెంచిన సినిమా కేజీఎఫ్‌. యశ్‌ నటించిన కేజీఎఫ్‌ అనూహ్యంగా హిట్‌ కావడంతో అందరి దృష్టీ తెలుగు మార్కెట్‌పై పడింది. కేజీఎఫ్‌ యశ్‌ను అనుసరిస్తూ కన్నడ హీరో రక్షిత్‌ శెట్టి కూడా తెలుగులో కొత్త సంవత్సరం రోజున లక్‌ పరీక్షించుకున్నారు. ఆయన నటించిన కన్నడ చిత్రం అవనే శ్రీమన్నారాయణ తెలుగులో అతడే శ్రీమన్నారాయణ పేరుతో విడుదలైంది. కథా కథనాల్లోకి వెళ్తే…

కథ
నారాయణ (రక్షిత్‌ శెట్టి) ఓ పోలీస్‌ ఆఫీసర్‌. అదే ఊర్లో జర్నలిస్ట్ గా పనిచేస్తుంటుంది లక్ష్మి (శాన్వి శ్రీవాస్తవ్‌). అభీరుల కుటుంబానికి చెందిన రామరామ (మధూసూదన్‌ రావు) ఓ డ్రామా కంపెనీ నుంచి సంపదను కొల్లగొడతాడు. పైగా డ్రామా కంపెనీకి చెందిన ఆరుగురిని చంపుతాడు. రామరామకు జయరామ (బాలాజీ మనోహర్‌), తుకారామ (ప్రమోద్‌ శెట్టి) అని ఇద్దరు కుమారులుంటారు. చిన్నవాడు తుకారామ మీద ఎక్కువ ఇష్టాన్ని చూపిస్తుంటాడు రామ రామ. అది నచ్చని జయరామ తండ్రి చావుకు కారణమవుతాడు. చావుబతుకుల మధ్య ఉన్నరామరామ తన కుమారుడు జయరామ మీద తనకున్న అసలైన ప్రేమను వ్యక్తం చేస్తాడు. తన స్థానంలో కొడుకు జయరామను తప్ప ఇంకెవరినీ ఊహించుకోలేనని అంటాడు. డ్రామా కంపెనీ వంశాన్ని మొత్తం నాశనం చేయాలని కొడుకు దగ్గర హామీ తీసుకుని కన్నుమూస్తాడు. తండ్రి మరణానికి కారణమైనందుకు పశ్చాత్తాప పడతాడు జయరామ. తనకోటలో తనకు తెలియకుండా గాలి కూడా దూరనంత పకడ్బందీగా ఉంటాడు. అలాంటి వ్యక్తి కోటలోకి నారాయణ వెళ్తాడు. నిధుల కోసం వేట సాగిస్తాడు. నిధులకు డ్రామా కంపెనీ వాళ్లకూ ఉన్న సంబంధం ఏంటి? డ్రామా కంపెనీ సభ్యులు నారాయణను చూసి శ్రీహరి అని ఎందుకు అనుకున్నారు? తమ శ్రీహరిని పెళ్లి చేసుకోమని లక్ష్మిని ఎందుకు బలవంతం పెట్టారు? తండ్రి మరణించినప్పటి నుంచీ మాటాపలుకూ లేకుండా ఉన్న జయరామ, తుకారామ కలుసుకున్నారా? వాళ్లిద్దరూ ఎదురుపడ్డ సందర్భం ఎలాంటిది? చివరికి జయరామ ఎలాంటి ముగింపును చూశాడు? లక్ష్మికి శ్రీహరి మీద ప్రేమ పుట్టిందా? పారిజాత చెట్టుకింద నారాయణకు దొరికిన నిధి ఏమైంది? వంటివన్నీ ఆసక్తికరమైన అంశాలు.

ప్లస్‌ పాయింట్లు
– కెమెరా
– లొకేషన్లు, సెట్టింగ్స్
– నటీనటుల పెర్ఫార్మెన్స్

మైనస్‌ పాయింట్లు
– ఆద్యంతం నిదానంగా సాగుతుంది
– ప్రీ ఇంటర్వెల్‌ సీన్‌లో హీరో మాటలు వింటే… అప్పటిదాకా సినిమా చూడాల్సిన అవసరం లేదు
– పాటలు నచ్చవు
– డైలాగులు కూడా సరళభాషలో ఉండవు

విశ్లేషణ
కన్నడ సినిమా ప్రేక్షకులకు, తెలుగు ప్రేక్షకుల అభిరుచికీ చాలా తేడా ఉంటుంది. అక్కడ నిదానంగా సాగే స్క్రీన్‌ప్లేతో ఉండే చాలా సినిమాలు హిట్‌ అవుతాయి. కానీ మన దగ్గర స్క్రీన్‌ప్లే నిదానంగా ఉంటే ప్రేక్షకుడికి విసుగొస్తుంది. పైగా డ్రామా కంపెనీలు, నిధులకు సంబంధించిన కంటెంట్‌ ఎప్పుడో పాతబడిపోయింది. ఒకవేళ కౌబాయ్‌ కాన్సెప్ట్ నీ, ట్రెజర్‌హంట్‌నీ మిక్స్ చేసినా వీరలెవల్లో వీఎఫ్‌ ఎక్స్ ఉంటే తప్ప మనకు రుచించదు. అలాంటిది ఆద్యంతం డీ గ్లామర్‌ పాత్రలో హీరోయిన్‌, ఎందుకు అటూ ఇటూ తిరుగుతున్నాడో అర్థం కాని హీరో, డ్రామా కంపెనీ.. అని విసుగు తెప్పిస్తుంది అతడే శ్రీమన్నారాయణ చిత్రం. కన్నడలో ఇప్పటికే హిట్‌ టాక్‌ తెచ్చుకున్న ఈ మూవీ తెలుగు ప్రేక్షకులకు కనెక్ట్ కావడం కష్టమే. పైగా తెలియని ముఖాలు మనకు పెద్దగా గుర్తుండవు కూడా.

ఫైనల్‌గా…. అతడే శ్రీమన్నారాయణ.. మనకు పెద్దగా నచ్చడు – డా.చల్లా భాగ్యలక్ష్మీ

Related Tags