Breaking News
  • సచివాలయంలోని పశుసంవర్ధక శాఖ లో పనిచేస్తున్న సెక్షన్ అఫిసర్ కు కరోనా పాజిటివ్ గుర్తింపు.. ఇటీవల ఢిల్లీ వెళ్లాడని తెలిసి కరోనా టెస్టులు... టెస్టు చేసిన అనంతరం పాజిటివ్ గా వచ్చినట్లు గుర్తింపు.. గాంధీ ఆస్పత్రి కి తరలించిన అధికారులు.. బిఆర్కే భవనం మొత్తం షానిటైజేషన్ చేస్తున్న అధికారులు.
  • మర్కజ్ ఘటనపై వివరాలు సేకరించిన కేంద్ర హోంశాఖ. దేశంలోని వివిధ రాష్ట్రాలు, విదేశాల నుంచి తబ్లీజ్ జమాత్ కార్యక్రమంలో పాల్గొన్నారు. ఇండోనేషియా, మలేషియా, థాయ్ లాండ్, నేపాల్, మయన్మార్, బంగ్లాదేశ్, శ్రీలంక, కజకిస్తాన్ నుంచి ఈ కార్యక్రమంలో పలువురు పాల్గొన్నారు.
  • దేశవ్యాప్తంగా మొత్తం 1418 కరోనా పాజిటివ్‌ కేసులు నమోదు. ఈ రోజే 167 పాజిటివ్ కేసులు నమోదు. దేశ వ్యాప్తంగా కరోనా తో 45 మంది మృతి. ఈ ఒక్క రోజే 13 మంది కరోనా తో మృతి చెందినట్లు వెల్లడి. కరోనా నుంచి 123 మంది డిశ్చార్జి. కేంద్ర ఆరోగ్యశాఖ మంత్రిత్వ శాఖ.
  • ఉక్రెయిన్​లో చిక్కుకున్న 300 మంది తెలుగు విద్యార్థులు. తిండి లేక ఆకలితోనే గడుపుతున్న విద్యార్థులు. చేతిలో చిల్లి గవ్వ లేక ఎన్నో ఇబ్బందులు. కరోనా రక్కసి మింగేస్తుందేమోననే భయంతో బిక్కుబిక్కుమంటున్న విద్యార్థులు.
  • తెలంగాణ లో ఇప్పటి వరకు 97 కేసులు నమోదు. ప్రస్తుతం 77 మంది వివిధ హాస్పిటల్ లో చికిత్స పొందుతున్న బాధితులు. ఈ ఒక్క రోజు 15 పాజిటివ్ కేసులు నమోదు. 14 మంది డిశ్చార్జ్,6 మృతి...

పడవల్లో రేగిన మంటలు.. 8 మంది మృతి.. పలువురు గల్లంతు

At least 8 dead in Alabama marina fire that destroyed 35 boats, పడవల్లో రేగిన మంటలు.. 8 మంది మృతి.. పలువురు గల్లంతు

అమెరికాలో భారీ అగ్నిప్రమాదం చోటుచేసుకుంది. అది కూడా నదిలో. అలబామాలో చోటుచేసుకున్న ఈ ఘటనలో ఎనిమిది మంది మృతిచెందగా.. పదుల సంఖ్యలో గల్లంతయ్యారు. నార్త్ అలబామాలోని టెన్నెస్సీ నదీ తీరం వెంట ఉన్న బోటు డాక్‌యార్డులో ఈ ఘటన చోటుచేసుకుంది. దాదాపు 35 పడవలకు పైగా మంటల్లో చిక్కుకున్నట్లు తెలుస్తోంది. వేకువ జామున ఈ ఘటన చోటుచేసుకోవడంతో.. అంతా నిద్రలో ఉన్నారని.. దీంతో ప్రమాదాన్ని పసిగట్టలేక అగ్నికి ఆహుతయ్యారని అగ్నిమాపక అధికారులు వెల్లడించారు. అయితే కొందరు నదిలో దూకి ప్రాణాలు కాపాడుకున్నట్లు తెలిపారు. అయితే పడవల్లో ఇంకా ఎంత మంది ఉన్నారన్న దానిపై స్పష్టత లేదని.. మృతుల సంఖ్య మరింత పెరిగే అవకాశం ఉన్నట్లు అగ్నిమాపక అధికారులు తెలిపారు. ప్రమాదం నుంచి బయటపడ్డ వారిలో ఏడుగురికి తీవ్ర గాయాలయ్యాయని.. వారిని సమీప ఆస్పత్రిలో చేర్పించి చికిత్స అందిస్తున్నారు.

అయితే సోమవారం అర్థరాత్రి సమయంలో.. జాక్సన్ కంట్రీ పార్క్‌లో అంటుకున్న మంటలు.. క్రమేపీ డాక్‌యార్డ్ వైపునకు వేగంగా విస్తరించాయి. దీంతో యార్డ్‌లో ఉన్న పడవలకు నిప్పంటుకుంది అయితే ఆ సమయంలో పడవలో ఉన్న వారు గాఢనిద్రలో ఉండడంతో ప్రమాద తీవ్రత పెరిగిందని అధికారులు పేర్కొన్నారు. దానికితోడుగా.. పడవలకు ఎక్కువగా చెక్కలతోనే నిర్మించినవి కావడంతో.. మంటలు శరవేగంగా వ్యాపించాయి. కేవలం పది నుంచి ఇరవై నిమిషాల్లోనే డాక్‌యార్డ్ మొత్తం మంటల్లో చిక్కుకున్నట్లు స్థానికులు తెలిపారు.

Related Tags