Horoscope Today: ఆ రాశికి చెందిన నిరుద్యోగులకు ఆఫర్లు.. 12 రాశులకు దినఫలాలు
Today Horoscope(October 11, 2025): మేష రాశి వారి ఆదాయానికి, ఆరోగ్యానికి ఇబ్బందేమీ ఉండదు. నిరుద్యోగులకు ఒకటి రెండు శుభవార్తలు అందుతాయి. వృషభ రాశి వారికి ఇంటా బయటా అనుకూలతలు పెరుగుతాయి. కుటుంబ సభ్యుల మీద ఖర్చులు పెరుగుతాయి. మిథున రాశి ఆకస్మిక ప్రయాణ సూచనలున్నాయి. ఆధ్యాత్మిక సేవల్లో పాల్గొంటారు. మేష రాశి మొదలు మీన రాశి వరకు 12 రాశుల వారికి శనివారంనాటి రాశిఫలాలు ఎలా ఉన్నాయంటే..?
Updated on: Oct 11, 2025 | 5:31 AM
దిన ఫలాలు (అక్టోబర్ 11, 2025): మేష రాశికి చెందిన నిరుద్యోగులకు ఒకటి రెండు శుభవార్తలు అందే అవకాశముంది. వృషభ రాశి వారికి ఇంటా బయటా అనుకూలతలు పెరుగుతాయి. మిథున రాశి ఆకస్మిక ప్రయాణ సూచనలున్నాయి. మేష రాశి మొదలు మీన రాశి వరకు 12 రాశుల వారికి శనివారంనాటి రాశిఫలాలు ఎలా ఉన్నాయంటే..?
మేషం (అశ్విని, భరణి, కృత్తిక 1)
కుటుంబ జీవితం సాఫీగా, హ్యాపీగా సాగిపోతుంది. ఇంట్లో శుభకార్యం తలపెడతారు. ఆదాయానికి, ఆరోగ్యానికి ఇబ్బందేమీ ఉండదు. అదనపు ఆదాయ ప్రయత్నాలు సత్ఫలితాలనిస్తాయి. వృత్తి జీవితంలో తీరికలేని పరిస్థితి ఏర్పడుతుంది. ఉద్యోగంలో అధికార బాధ్యతలను కూడా నిర్వర్తించాల్సి వస్తుంది. వ్యక్తిగత, కుటుంబ సమస్యలు చాలావరకు తగ్గుముఖం పడతాయి. వ్యాపారాల్లో ఆశించిన స్థాయిలో రాబడి పెరుగుతుంది. నిరుద్యోగులకు ఒకటి రెండు శుభవార్తలు అందుతాయి.
వృషభం (కృత్తిక 2,3,4, రోహిణి, మృగశిర 1,2)
ఇంటా బయటా అనుకూలతలు పెరుగుతాయి. కుటుంబ సభ్యుల మీద ఖర్చులు పెరుగుతాయి. ఇంటా బయటాకొద్దిగా ఒత్తిడి ఉంటుంది. వృత్తి, వ్యాపారాల్లో కొద్దిగా రాబడి పెరిగే అవకాశం ఉంది. ఉద్యోగులకు అధికారుల నుంచి ప్రోత్సాహకాలు లభిస్తాయి. తలపెట్టిన పనులు, వ్యవహారాలు సంతృప్తికరంగా పూర్తవుతాయి. స్వల్ప అనారోగ్యానికి అవకాశం ఉంది. సొంత పనుల మీద శ్రద్ధ పెట్టడం మంచిది. అనేక మార్గాల్లో ఆదాయం పెరుగుతుంది. పిల్లలకు సమయం అనుకూలంగా ఉంది.
మిథునం (మృగశిర 3,4, ఆర్ద్ర, పునర్వసు 1,2,3)
వృత్తి, ఉద్యోగాలు సాఫీగా, సంతృప్తికరంగా సాగిపోతాయి. అధికారులతో అనుకూలతలు పెరుగుతాయి. ఆకస్మిక ప్రయాణ సూచనలున్నాయి. ఆధ్యాత్మిక సేవల్లో పాల్గొంటారు. ముఖ్యమైన వ్యవహారాలన్నిటినీ సవ్యంగా పూర్తి చేస్తారు. వ్యాపారంలో కొత్త పెట్టుబడులకు అవకాశం ఉంది. నిరుద్యోగులకు ఆఫర్లు అందుతాయి. ఉద్యోగం మారడానికి సమయం అనుకూలంగా ఉంది. ఆదాయం వృద్ధి చెందుతుంది. పిల్లలు సునాయాసంగా విజయాలు సాధిస్తారు. ఆరోగ్యం బాగానే ఉంటుంది.
కర్కాటకం (పునర్వసు 4, పుష్యమి, ఆశ్లేష)
ఇష్టమైన బంధువుల రాకపోకలుంటాయి. ఒకరిద్దరు మిత్రులకు ఆర్థికంగా సహాయం చేస్తారు. ఇంటా బయటా అనుకూలతలకు లోటుండదు. నిరుద్యోగులకు ఆశించిన శుభవార్త అందుతుంది. తలపెట్టిన పనులు సకాలంలో పూర్తవుతాయి. కుటుంబసమేతంగా ఆలయ సందర్శన చేసుకుంటారు. వృత్తి, వ్యాపారాల్లో ముఖ్యమైన ఆర్థిక సమస్యల నుంచి గట్టెక్కుతారు. ఉద్యోగాల్లో పని భారం ఎక్కువగానే ఉంటుంది. పరిచయస్థులలో పెళ్లి సంబంధం కుదురుతుంది. ఆరోగ్యం బాగానే ఉంటుంది.
సింహం (మఖ, పుబ్బ, ఉత్తర 1)
ప్రయాణాలు బాగా లాభిస్తాయి. ఆదాయం కొద్దిగా వృద్ధి చెందుతుంది. ఆర్థిక సమస్యల నుంచి కొద్దిగా బయటపడతారు. కుటుంబ వ్యవహారాల ఒత్తిడి ఉంటుంది. ఆస్తి, ఆర్థిక వ్యవహారాల్ని చక్కబెడతారు. మీ నుంచి సహాయం పొందినవారు ముఖం చాటేస్తారు. వృత్తి, ఉద్యోగాల్లో అధికారులు ఎక్కువగా ఆధారపడే అవకాశం ఉంది. వ్యాపారాలు లాభసాటిగా సాగుతాయి. బంధువుల వివాదాల్లో తలదూర్చవద్దు. ఆరోగ్యం పరవాలేదనిపిస్తుంది. పిల్లలు చదువుల్లో బాగా కష్టపడాల్సి ఉంటుంది.
కన్య (ఉత్తర 2,3,4, హస్త, చిత్త 1,2)
వ్యక్తిగత సమస్యల పరిష్కారం మీద దృష్టి పెడతారు. ఆర్థిక వ్యవహారాల్ని చక్కబెడతారు. కుటుంబ సభ్యుల మీద ఖర్చు పెరుగుతుంది. ముఖ్యమైన ప్రయత్నాలు సత్ఫలితాలనిస్తాయి. ప్రముఖులతో పరిచయాలు పెరుగుతాయి. ఆదాయం కొద్దిగా పెరగడం వల్ల ఆర్థిక సమస్యల ఒత్తిడి బాగా తగ్గుతుంది. వ్యాపారాలు అంచనాలకు మించి లాభాలు గడిస్తాయి. వృత్తి, ఉద్యోగాల్లో మీ పనితీరు అందరికీ నచ్చుతుంది. ఆరోగ్య బాగానే ఉంటుంది. నిరుద్యోగులకు మంచి ఆఫర్ అందుతుంది.
తుల (చిత్త 3,4, స్వాతి, విశాఖ 1,2,3)
ఉద్యోగంలో మీ శక్తి సామర్థ్యాలు వెలుగులోకి వస్తాయి. వ్యాపారాలు బాగా కలిసి వస్తాయి. బంధు మిత్రులతో సఖ్యత, సాన్నిహిత్యం పెరుగుతాయి. ఆస్తి వివాదాలు, ఆర్థిక సమస్యల నుంచి చాలా వరకు బయటపడతారు. ప్రముఖులతో పరిచయాలు లాభసాటిగా సాగుతాయి. ముఖ్యమైన వ్యవహారాలు సంతృప్తికరంగా పూర్తవుతాయి. నిరుద్యోగులకు శుభవార్తలు అందుతాయి. సర్వత్రా మాటకు విలువ పెరుగుతుంది. కుటుంబ జీవితం సాఫీగా సాగిపోతుంది. పిల్లలు వృద్ధిలోకి వస్తారు.
వృశ్చికం (విశాఖ 4, అనూరాధ, జ్యేష్ట)
తలపెట్టిన పనులు నిదానంగా సాగుతాయి. ముఖ్యమైన ప్రయత్నాల్లో వ్యయ ప్రయాసలుంటాయి. ఆర్థిక వ్యవహారాలు అనుకూలంగా సాగిపోతాయి. వ్యక్తిగత, కుటుంబ సమస్యలు చాలావరకు తగ్గు ముఖం పడతాయి. ఆధ్యాత్మిక సేవా కార్యక్రమాల్లో పాల్గొంటారు. వృత్తి, వ్యాపారాల్లో కార్యకలాపాలు, లావాదేవీలు బాగా వృద్ధి చెందుతాయి. ధనపరంగా జాగ్రత్తగా ఉండడం మంచిది. ఉద్యోగంలో శ్రమ పెరుగుతుంది. స్వల్ప అనారోగ్యానికి అవకాశముంది. ఆదాయం బాగానే ఉంటుంది.
ధనుస్సు (మూల, పూర్వాషాఢ, ఉత్తరాషాఢ 1)
ఆర్థిక సమస్యల నుంచి చాలావరకు బయటపడతారు. వృత్తి, వ్యాపారాల్లో శత్రు బాధ, పోటీదార్ల ఒత్తిడి బాగా తగ్గుతుంది. కుటుంబ సభ్యుల నుంచి ఆశించిన సహకారం లభిస్తుంది. పెళ్లి ప్రయత్నాల్లో ఒకటి రెండు శుభ వార్తలు వింటారు. ఆకస్మిక ప్రయాణాలకు అవకాశం ఉంది. ఏ ప్రయత్నం తలపెట్టినా విజయవంతంగా పూర్తవుతుంది. ముఖ్యమైన వ్యవహారాలు, పనులు సంతృప్తికరంగా పూర్తవుతాయి. ఆర్థిక పరిస్థితి బాగా మెరుగ్గా ఉంటుంది. పిల్లలు ఆశించిన పురోగతి సాధిస్తారు.
మకరం (ఉత్తరాషాఢ 2,3,4, శ్రవణం, ధనిష్ట 1,2)
వృత్తి, ఉద్యోగాల్లో ఊహించని ప్రోత్సాహకాలు, ప్రతిఫలాలు అందుకుంటారు. వ్యాపారాల్లో అంచనాలకు మించి లాభాలు గడిస్తారు. మీ శక్తి సామర్థ్యాలకు ఆశించిన గుర్తింపు లభిస్తుంది. సర్వత్రా గౌరవ మర్యాదలు పెరుగుతాయి. వ్యక్తిగత సమస్యలు చాలావరకు పరిష్కారం అవుతాయి. ఆర్థికంగా బాగా ఎదిగే అవకాశం ఉంది. ఇంటా బయటా అనుకూలతలు పెరుగుతాయి. జీవిత భాగ స్వామితో కలిసి భారీగా వస్త్రాభరణాలు కొనుగోలు చేస్తారు. ఆరోగ్యం బాగా అనుకూలంగా ఉంటుంది.
కుంభం (ధనిష్ట 3,4, శతభిషం, పూర్వాభాద్ర 1,2,3)
ఉద్యోగంలో ప్రాధాన్యం పెరుగుతుంది. సహోద్యోగుల నుంచి సహకారం లభిస్తుంది. వృత్తి, వ్యాపా రాలు నిలకడగా సాగిపోతాయి. వ్యక్తిగత సమస్యలను చాలావరకు తగ్గించుకుంటారు. ఆధ్యాత్మిక విషయాల మీద శ్రద్ధ పెరుగుతుంది. రాజకీయ ప్రముఖులతో పరిచయాలు ఏర్పడతాయి. ఆర్థిక పరిస్థితి సజావుగా సాగిపోతుంది. వ్యక్తిగత సమస్యల్ని జాగ్రత్తగా పరిష్కరించుకుంటారు. కుటుంబ పరిస్థితులు అనుకూలంగా ఉంటాయి. ఒకరిద్దరు మిత్రులకు సహాయం చేస్తారు. ఆరోగ్యం పరవాలేదు.
మీనం (పూర్వాభాద్ర 4, ఉత్తరాభాద్ర, రేవతి)
వృత్తి, వ్యాపారాలు లాభసాటిగా సాగిపోతాయి. ఉద్యోగ జీవితం సాఫీగా, హ్యాపీగా సాగిపోతుంది. అధికారులకు మీ సలహాలు నచ్చుతాయి. ఆదాయపరంగా ఒకటి రెండు శుభవార్తలు వింటారు. ఆర్థిక విషయాల్లో ఎవరికీ మాట ఇవ్వకపోవడం మంచిది. రావలసిన డబ్బు చేతికి అందుతుంది కానీ ఖర్చులు సిద్ధంగా ఉంటాయి. ఆధ్యాత్మిక కార్యక్రమాల్లో పాల్గొంటారు. దూర ప్రాంతంలో ఉన్న పిల్లల నుంచి శుభవార్తలు వింటారు. ఆరోగ్యానికి ఢోకా లేదు. నిరుద్యోగుల ప్రయత్నాలు ఫలిస్తాయి.
