Breaking News
  • మణిపూర్ అసెంబ్లీలో బలనిరూపణలో గెలిచిన బీజేపీ. సభలో 28 మంది బీజేపీ, 16మంది కాంగ్రెస్ ఎమ్మెల్యేల హాజరు. గైర్హాజరైన 8 మంది కాంగ్రెస్ ఎమ్మెల్యేలు. ఓటింగ్ అనంతరం నినాదాలతో హంగామా చేసిన కాంగ్రెస్. కుర్చీలను విసిరేసిన నిరసన తెలిపిన కాంగ్రెస్.
  • వెంటిలేటర్ మీద మాజీ రాష్ట్రపతి ప్రణబ్ ముఖర్జీ. బ్రెయిన్లో బ్లడ్ క్లాట్ కోసం చేసిన సర్జరీ విజయవంతం.
  • బెజవాడలో మరో గ్యాంగ్ వార్ ఘటన: మున్నా , రాహుల్ అనే వ్యక్తుల మధ్య ఘర్షణ. గత నెల 31 వ తేదీన కేదారేశ్వరావు పేటలో కత్తులు , కర్రలతో దాడి చేసుకున్న ఇరు వర్గాలు. దాడిలో పాల్గొన్న 11 మంది నిందితులు అరెస్ట్ చేసిన పోలీసులు. ఆలస్యంగా వెలుగులోకి వచ్చిన ఘటన.
  • విజయవాడ : మూడో రోజు కొనసాగనున్న అగ్నిప్రమాద ఘటనపై దర్యాప్తు. ఇప్పటికే ఎగ్రిమెంట్ పత్రాలను స్వాధీనం చేసుకున్న పోలీసులు. కొనసాగుతున్న అరెస్టుల పర్వం. సిబ్బంది నిర్లక్ష్యం, భద్రతా ప్రమాణాలు పాటించనకపోవడమే అగ్నిప్రమాదానికి కారణమంటున్న పోలీసులు. అగ్నిప్రమాదంతో కృష్ణా జిల్లా యంత్రాంగం అలెర్ట్. కృష్ణా జిల్లాలోని ప్రైవేటు ఆస్పత్రుల వ్యవహారంపై దృష్టి. కృష్ణా జిల్లాలో ప్రభుత్వ, చిన్నా, చితకా ఆస్పత్రులు, డెంటల్‌ క్లినిక్‌లు, డయాగ్నోస్టిక్‌ కేంద్రాల 1,018 వరకు ఉన్నట్లు గుర్తింపు. వాటిలో భద్రతా ప్రమాణాలు పాటిస్తున్న 88 ప్రభుత్వ ఆస్పత్రులు, 90 ఇతర ఆస్పత్రులు. 840 ఆస్పత్రులకు అగ్నిమాపక శాఖ అనుమతులేనట్లు గుర్తింపు. చాలా ఆస్పత్రుల్లో కనిపించని అగ్నిప్రమాద నియంత్రణ ఏర్పాట్లు.
  • అమరావతి: రాష్ట్రంలో ఇసుక తవ్వకాలు, ఎగుమతి, రవాణా, డోర్ డెలివరీకు సంబంధించి ధరలను నిర్ణయించిన ప్రభుత్వం. కూలీల ద్వారా ఇసుక తవ్వకాలకు టన్నుకు రూ. 90. స్టాక్ యార్డు లో ఇసుక పొక్లెయిన్ ద్వారా లోడ్ చేసేందుకు టన్నుకు రూ. 25. ఇసుక రీచ్ లు, పట్టా ల్యాండ్ నుంచి స్టాక్ పాయింట్ కు ఇసుక రవాణా కు టన్నుకు రూ. 4.90. గోదావరి జిల్లాల నుంచి విశాఖకు ఇసుక రవాణాకు టన్నుకు రూ. 3.30. ఇసుక డోర్ డెలివరీకి కిలోమీటర్ వారీగా ధరలు నిర్దారణ. ప్రభుత్వం నిర్ణయించిన ధరల ప్రకారం కాంట్రాక్టర్లు ముందుకు రాకుంటే ఈ-టెండర్లకు వెళ్లేలా ఆదేశాలు. ఈ మేరకు ఉత్తర్వులు జారీ చేసిన గనుల శాఖ ముఖ్య కార్యదర్శి గోపాలకృష్ణ ద్వివేది.
  • తూ. గో.జిల్లా, రాజమండ్రి: ఖైదీ ఆత్మహత్య.. రాజమండ్రి సెంట్రల్ జైల్ లో ఆదివారం రాత్రి ఉరేసుకుని కరోనా ఖైదీ ఆత్మహత్య . ఆలస్యంగా వెలుగులోకి వచ్చిన ఘటన. జైలులో ఇటీవల చేసిన వైద్య పరీక్షల్లో మృతుడికి కరోనా పాజిటివ్‌ అని చెబుతున్న అధికారులు. రాజమహేంద్రవరం ప్రభుత్వాసుపత్రిలో మృతదేహం . కుటుంబసభ్యులు ఆసుపత్రి రావడం ఆలస్యంతో మృతదేహానికి నేడు పంచనామా . ఖైదీ స్వగ్రామం పశ్చిమ గోదావరి జిల్లా చింతలపూడి మండలం యర్రంపల్లి. మృతుడి భార్య, తండ్రి తదితరులు హైదరాబాదులో నివాసం. భార్యాభర్తల మధ్య తలెత్తిన మనస్పర్థల కారణంగానే ఉరేసుకుని ఉండవచ్చునని పోలీసులు, జైలు అధికారులు భావిస్తున్నారు. ఆసుపత్రి సమాచారంతో ఒకటో పట్టణ పోలీసులు కేసు నమోదు.
  • ఏపీ ప్రజలకు శుభవార్త: తగ్గుముఖం పట్టనున్న కరోనా. ఇప్పటికే 15 శాతం పైగా హెర్డ్ ఇమ్యూనిటీ గుర్తింపు. ఈ నెల 21 నుంచి కర్నూలు తూర్పుగోదావరి జిల్లాలలో, వచ్చే నెల 4 నుంచి గుంటూరు కృష్ణ అనంతపురం చిత్తూరు నెల్లూరు జిల్లాలలో భారీగా తగ్గుముఖం పట్టనున్న కరోనా. మరణాల సంఖ్యలో కూడా భారీ తేడా కనిపించబోతుంది. శనివారం నుంచి భారీగా మొదలుకానున్న సిరోసర్విలేన్స్. Covid 19 ఏపీ కమాండ్ కంట్రోల్ రూమ్ స్పెషలాఫీసర్ డాక్టర్ సి ప్రభాకర్ రెడ్డి.

హైదరాబాద్ ముస్లింలపై మమత కామెంట్.. అసదుద్దీన్ ఏమన్నారంటే ?

asaduddin mamata war of words, హైదరాబాద్ ముస్లింలపై మమత కామెంట్.. అసదుద్దీన్ ఏమన్నారంటే ?

పశ్చిమ బెంగాల్ ముఖ్యమంత్రి, తృణమూల్ కాంగ్రెస్ అధినేత్రి మమతాబెనర్జీ.. హైదరాబాద్ ఎంపీ, ఎంఐఎం అధినేత అసదుద్దీన్ ఓవైసీ మధ్య మాటల యుద్దం చరమాంకానికి చేరుతోంది. మైనారిటీ ఉగ్రవాదానికి కొన్ని పార్టీలు కొమ్ము కాస్తున్నాయంటూ, వారి మూలాలు హైదరాబాద్‌లో వున్నాయంటూ మమతా బెనర్జీ చేసిన వ్యాఖ్యలు.. రాజకీయ దుమారానికి దారి తీశాయి. దీదీ వ్యాఖ్యలపై ఘాటుగా స్పందించిన సీనియర్ ఓవైసీ.. బెంగాల్‌లో మైనారిటీల పరిస్థితి దారుణంగా వుందని, ముందు ఆ సంగతి చూసుకోవాలని మమతకు వార్నింగ్ ఇచ్చారు. ఈ వ్యాఖ్యల నేపథ్యంలో అసలు వీరిద్దరికి ఎక్కడ చెడింది అన్న చర్చ మొదలైంది.

బిజెపికి బద్ద వ్యతిరేకి అయిన మమతా బెనర్జీ.. తరచూ మైనారిటీల సంక్షేమంపై మాట్లాడుతూ వుంటారు. అయితే.. అమె ఉన్నట్లుండి దేశంలో మైనారిటీ ఉగ్రవాదం పెరిగిపోతోందంటూ సోమవారం ఘాటైన కామెంట్లు చేశారు. సోమవారం ఆమె కూచ్ బిహార్ ప్రాంతంలో పర్యటించారు. పార్టీ శ్రేణులనుద్దేశించి మాట్లాడారు. మైనారిటీలలో కొందరు ఉగ్రవాదం వైపు మొగ్గుచూపుతున్నారంటూ వారి మూలాలు హైదరాబాద్‌లో వున్నాయని చెప్పుకొచ్చారు దీదీ. హైదరాబాద్ మూలాలున్న వారు చెప్పే మాటలు వినొద్దని పార్టీ శ్రేణుల ద్వారా బెంగాల్‌లోని ముస్లింలకు దీదీ పిలుపునిచ్చారు. కూచ్ బీహార్ ప్రాంతంలోని హిందువులు బిజెపి వైపు మొగ్గుచూపుతున్నారన్న సంకేతాల నేపథ్యంలోనే మమతా బెనర్జీ మైనారిటీ ఉగ్రవాదం పేరిట కామెంట్లు చేశారని భావిస్తున్నారు.

అయితే.. దీదీ వ్యాఖ్యలపై ఎంఐఎం అధినేత అసదుద్దీన్ పలు మాధ్యమాల ద్వారా స్పందించారు. బెంగాల్‌లో ముస్లిం మైనారిటీల దుస్థితిని పట్టించుకోని మమతాబెనర్జీ, మైనారిటీ ఉగ్రవాదం గురించి మాట్లాడడం విడ్డూరంగా వుందని అసద్ కామెంట్ చేశారు. ట్విట్టర్ వేదికగా అసదుద్దీన్ మమతకు ధీటైన సమాధానమిచ్చారు. ఒకవేళ హైదరాబాదీ ముస్లింల గురించి మమత మాట్లాడి వుంటే.. మరి బెంగాల్‌లో బిజెపికి 18 ఎంపీ సీట్లు ఎలా వచ్చాయని ప్రశ్నించారు అసదుద్దీన్. తృణమూల్ కంచుకోట బెంగాల్.. బిజెపికి చేజారుతున్న తరుణంలో దీదీ పిచ్చి వ్యాఖ్యలు చేస్తున్నారని అసదుద్దీన్ అన్నారు.

మొత్తానికి మమతా బెనర్జీ, అసదుద్దీన్‌ల మాటల యుద్దం జాతీయ స్థాయిలో చర్చనీయాంశమైంది. హైదరాబాద్ దాటి మహారాష్ట్ర మీదుగా బీహార్ దాకా విస్తరించిన ఎంఐఎం పార్టీ.. త్వరలో బెంగాల్ రాష్ట్రంలో జరగనున్న అసెంబ్లీ ఎన్నికల్లో పోటీ చేసేందుకు రెడీ అవుతోంది. మహారాష్ట్రలో కాంగ్రెస్ పార్టీకి నష్టం కలిగించినట్లే బెంగాల్‌లోను మైనారిటీ ఓట్లను ఎంఐఎం చీల్చే అవకాశాలు కనిపించడం వల్లనే మమతా బెనర్జీ.. ఎంఐఎం పార్టీ లక్ష్యంగా మైనారిటీ ఉగ్రవాదం కామెంట్లను చేశారని విశ్లేషకులు భావిస్తున్నారు.

Related Tags