Breaking News
  • ఆదిలాబాద్‌: నేటి నుంచి నాగోబా జాతర. ఇంద్రవెళ్లి మండలం కేస్లాపూర్‌లో ప్రారంభంకానున్న జాతర. జాతరకు రానున్న తెలంగాణ, మహారాష్ట్ర, ఒడిశా.. మధ్యప్రదేశ్‌ రాష్ట్రాల ఆదివాసీలు, గిరిజనులు.
  • అవినీతి సూచిలో భారత్‌కు 80వ స్థానం. ప్రభుత్వ కార్యాలయాల్లో అవినీతిపై వ్యాపారవర్గాలు నుంచి.. వివరాలు సేకరించిన ట్రాన్స్‌పరెన్సీ ఇంటర్నేషనల్‌ సంస్థ. అవినీతి కట్టడిలో తొలిస్థానంలో నిలిచిన డెన్మార్క్‌, న్యూజిలాండ్‌.
  • వలసల నియంత్రణకు ట్రంప్‌ సర్కార్‌ మరో కీలక చర్య. అమెరికా వచ్చే విదేశీ గర్భిణులపై ఆంక్షలు విధింపు. కాన్పు కోసమే అమెరికా వచ్చేవారికి పర్యాటక వీసా నిరాకరణ.
  • రోహింగ్యాల ఊచకోతపై అంతర్జాతీయ న్యాయస్థానం సంచలన తీర్పు. మయన్మార్‌లో రోహింగ్యాల నరమేధం జరిగింది. సైన్యం అండతో రోహింగ్యాలను ఊచకోత కోశారన్న న్యాయస్థానం. రోహింగ్యాలను రక్షించడానికి వెంటనే చర్యలు తీసుకోవాలని ఆదేశం.
  • కరోనా వైరస్‌కు కారణం పాములే. చైనా అధ్యయనంలో వెల్లడి. ఐదు నగరాలకు రాకపోకలన్నీ నిలిపివేసిన చైనా. వుహాన్‌, హుయాంగ్‌గాంగ్‌, ఎఝౌ, ఝిజియాంగ్‌.. ఖియాన్‌జింగ్‌ నగరాలపై రవాణా ఆంక్షలు విధింపు.

ఆయనతో మాకేం అవసరం.. జేసీకి మంత్రి స్ట్రాంగ్ కౌంటర్

Perni Nani slams JC Diwakar Reddy, ఆయనతో మాకేం అవసరం.. జేసీకి మంత్రి స్ట్రాంగ్ కౌంటర్

వైసీపీలోకి చేరమని తనపై ఒత్తిడి తెస్తున్నారంటూ మాజీ ఎంపీ జేసీ దివాకర్ రెడ్డి చేసిన వ్యాఖ్యలకు రవాణా శాఖ మంత్రి పేర్నినాని స్ట్రాంగ్ కౌంటర్ ఇచ్చారు. వైసీపీలోకి రావాలని జేసీని ఎవ్వరూ ఆహ్వానించలేదని స్పష్టం చేశారు. రాజకీయంగా చివరి దశలో ఉన్న జేసీని ఆహ్వానించాల్సిన అవసరం ఏముందని నాని ప్రశ్నించారు. ఇక దివాకర్ ట్రావెల్స్ బస్సుల సీజ్ విషయంపైనా మంత్రి స్పష్టతను ఇచ్చారు. బస్సుల సీజ్ విషయంలో ప్రభుత్వం నిబంధనల ప్రకారమే నడుచుకుంటోందని.. తెలిసిన వారు కదా అని ఫైన్లు తగ్గించలేం కదా అంటూ తెలిపారు.

అయితే దివాకర్ ట్రావెల్స్ బస్సుల సీజ్ విషయంపై జేసీ మాట్లాడుతూ.. వైసీపీలోకి వెళ్తే తనపై నమోదైన కేసులన్నీ క్షణంలో మాయమౌతాయంటూ ఓ వైసీపీ తనను ఆహ్వానించారంటూ వ్యాఖ్యానించారు. సీఎం జగన్ కొందరు నేతలను టార్గెట్ చేసుకున్నారని ఆరోపించిన జేసీ.. తమ ట్రావెల్స్‌కు చెందిన 80 బస్సులను సీజ్ చేశారని వాపోయారు. ట్రాన్స్‌పోర్ట్‌లో తమకు 74ఏళ్ల అనుభవం ఉందని ఆయన చెప్పుకొచ్చారు. ట్రిబ్యునల్ వదిలిపెట్టమని చెప్పినా ఆర్టీవో అధికారులు తమ బస్సులను వదలడం లేదని ఆగ్రహం వ్యక్తం చేశారు. ప్రభుత్వం చెప్పినట్లు వినకపోతే.. ఎల్వీలాగా తమను బదిలీ చేస్తారని అధికారులు భయపడుతున్నారని ఆయన ఆరోపణలు చేశారు. జగన్ హద్దు మీరుతున్నారంటూ జేసీ మండిపడ్డారు.