Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 24 వేల 850 మంది వైరస్​ సోకింది. మరో 613 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,73,165. ప్ర‌స్తుతం యాక్టీవ్ కేసులు2,44,814. వ్యాధి బారి నుంచి కోలుకున్న‌వారు 4,09,083. క‌రోనాతో మొత్తం ప్రాణాలు విడిచినవారి సంఖ్య 19,268.
  • కోవిడ్-19 వార్ రూమ్ ఏర్పాటు చేయనున్న ఢిల్లీ సర్కారు
  • డీఆర్డీవో నిర్మించిన ఆస్పత్రిలో అన్ని రకాల సదుపాయాలున్నాయి. ఇక్కడ వైద్యం పూర్తిగా ఉచితం. ఆర్మీ వైద్యులు సైవలందిస్తారు. కంటోన్మెంట్లోని చెత్త డంపింగ్ ప్రాంతాన్ని చదును చేసి సర్దార్ పటేల్ ఆస్పత్రిగా మార్చాం. డీఆర్డీవో ఇప్పటి వరకు 70 రకాల దేశీయ వైద్య ఉత్పత్తులు తయారు చేసింది. నెలకు 25,000 వెంటిలేటర్లు తయారు చేసే సామర్థ్యం కలిగి ఉన్నాం. దేశీయ అవసరాలు పోను ఎగుమతి చేసేందుకు కూడా సిద్ధం. జి. సతీశ్ రెడ్డి, డీఆర్డీఓ ఛైర్మన్.
  • వరంగల్: నేడు సంపూర్ణ శాకాంబరీగా దర్శనమిస్తున్న భద్రకాళి అమ్మవారు. కరోనా వైరస్ వ్యాప్తి నేపథ్యంలో పలు ఆంక్షల మధ్య ఉత్సవాలు. భక్తులు ఎవరూ అమ్మవారికి కూరగాయలు తీసుకురావద్దని విజ్ఞప్తి. నిరాడంబరంగా ఉత్సవాలు.. నేరుగా తోట నుండి కూరగాయలు సేకరించి అమ్మవారిని సంపూర్ణ శాకాంబరీగా అలంకరించిన ఆలయ పూజారులు. సాయంత్రం 8గంటల వరకే దర్శనాలు.
  • చెన్నై : హాస్పిటల్ మూసివేత. చెన్నైలోని విజయా హాస్పిటల్లో కరోనా కలకలం. 50 మందికి పైగా హాస్పిటల్ సిబ్బందికి కరోనా పాజిటివ్. కరోనా తో హాస్పిటల్ మేనేజింగ్ డైరెక్టర్ శరత్ రెడ్డి మృతి. హాస్పిటల్ ఈమెర్జెన్సీ సర్వీసులు నిలిపివేత. హాస్పిటల్లో ఉన్న ఇన్ పేషేంట్ లను ఇతర హాస్పిటల్స్ కు తరలింపు. హాస్పిటల్ లో సిబ్బందికి, వచ్చిన రోగులకు కరోనా టెస్టులు. నెల్లూరు, చిత్తూరు జిల్లాల నుంచి తరచూ వైద్యం కోసం విజయ హాస్పిటల్ కు వెళుతున్న వారిలో ఆందోళన.
  • రాష్ట్రపతి రామ్‌నాథ్ కోవింద్‌తో ప్రధాని మోదీ భేటీ. లద్దాఖ్ పర్యటన నుంచి తిరిగొచ్చిన వెంటనే భేటీ. సరిహద్దు ఉద్రిక్తతలు, అంతర్జాతీయ మద్ధతు సహా పలు అంశాలపై చర్చ.

ఆయనను మనిషిగా కూడా చూడను: గంటాకు అవంతి కౌంటర్

AP Minister Avanti Srinivasa Rao slams Ganta Srinivasa Rao, ఆయనను మనిషిగా కూడా చూడను: గంటాకు అవంతి కౌంటర్

మాజీ మంత్రి, టీడీపీ నేత గంటా శ్రీనివాసరావుపై మంత్రి అవంతి సంచలన వ్యాఖ్యలు చేశారు. తాను నోరు తెరిస్తే గంటా బండారం బయటపడుతుందని ఆయన ఫైర్ అయ్యారు. గంటాను తాను కనీసం మనిషిగా కూడా గుర్తించనని అన్నారు. అన్నం పెట్టిన వారికి గంటా సున్నం పెడతారని విమర్శించారు. రాజకీయాల్లోకి తీసుకొచ్చిన అయ్యన్నకే గంటా శ్రీనివాసరావు సున్నం పెట్టారని.. ఆయన ఇంకా మంత్రిగానే ఉన్నట్లు భ్రమ పడుతున్నారని ఘాటు విమర్శలు చేశారు. తనకు కూడా గంటా సున్నం పుయ్యాలని చూశారని.. అయితే తాను పూయించుకోలేదని పేర్కొన్నారు. అదృష్టం బాగుండి గంటా స్వల్ప మెజార్టీతో గెలిచారని చెప్పుకొచ్చారు. మంచివారిని వైసీపీ చేర్చుకుంటుందని, కబ్జాదారులను కాదు అంటూ అవంతి వ్యాఖ్యలు చేశారు.

అయితే గంటా శ్రీనివాసరావు వైసీపీలో చేరబోతున్నారన్న వార్తలు ఇటీవల గుప్పుమన్నాయి. ఈ క్రమంలో ఆ మధ్యన గంటాపై తీవ్ర విమర్శలు చేశారు మంత్రి అవంతి. వాటిపై తాజాగా మాట్లాడిన గంటా.. తాను అవంతిని మంత్రిగా చూడటం లేదని.. వైసీపీలోకి వెళ్లాలనుకుంటే ఎవరూ ఆపలేరని.. పార్టీ మారాలనుకుంటే అందరితో చర్చించి వెళ్లానని.. చాటు మాటు వ్యవహారాలు చేయనని అన్నారు. ఎవరో తనను రెచ్చగొట్టాలని చూస్తే ఆ ట్రాప్‌లో తాను పడనని గంటా చెప్పుకొచ్చారు. ఇక ఈ వ్యాఖ్యలకు మరోసారి కౌంటర్ ఇచ్చారు అవంతి. తాను గంటాను మనిషిగా కూడా చూడనంటూ చెప్పుకొచ్చారు. కాగా.. గత కొన్ని రోజులుగా ఏపీలో అధికార వైసీపీ, ప్రతిపక్ష టీడీపీ నేతల మధ్య మాటల యుద్ధం నడుస్తున్న విషయం తెలిసిందే.

 

Related Tags