Breaking News
  • అమరావతి : బోస్టన్ కన్సల్టింగ్ గ్రూప్ నకు ఫీజు చెల్లించేందుకు పాలనా అనుమతులు ఇచ్చిన ప్రభుత్వం . బీసీజీకి 3 కోట్ల 51 లక్షల 5 వేల రూపాయల ఫీజును చెల్లించేందుకు ప్రణాళికా విభాగానికి అనుమతి మంజూరు . పాలనా వికేంద్రీకరణ, రాష్ట్రంలో అభివృద్ధి ప్రాజెక్టులపై మూడు విడతలుగా నివేదిక ఇచ్చిన బోస్టన్ కన్సల్టింగ్ గ్రూప్. బీసీజీకి ప్రోఫెషనల్ ఫీజు కింద గతంలోనే 7 కోట్ల 2 లక్షల 10 వేలను మంజూరు చేసిన ఆర్ధిక శాఖ.
  • బిహార్ ఎన్నికల్లో ఎన్డీయే సీట్ల సర్దుబాటుపై కాసేపట్లో స్పష్టత. అక్టోబర్ 1 నాటికి పూర్తికానున్న సీట్ల సర్దుబాటు ప్రక్రియ. ఎవరెన్ని స్థానాల్లో పోటీచేయాలన్న అంశంపై మొదలైన చర్చలు. బీజేపీ అధినాయకత్వానికి లేఖ రాసిన ఎల్జేపీ అధినేత చిరాగ్ పాశ్వాన్. జేడీ(యూ) - ఎల్జేపీ మధ్య లుకలకల నేపథ్యంలో బీజేపీకి లేఖ. ఎన్డీయేలో భాగస్వామిగా ఉంటూనే బిహార్ సీఎం నితీశ్‌పై గతంలో విమర్శలు చేసిన ఎల్జేపీ నేత చిరాగ్ పాశ్వాన్. బీజేపీ-జేడీ(యూ)-ఎల్జేపీ మధ్య కుదరాల్సిన సీట్ల సర్దుబాటు. జేడీ(యూ) అభ్యర్థులపై పోటీకి అభ్యర్థులను నిలబెడతానని ప్రకటించిన చిరాగ్. సీట్ల సర్దుబాటులో బీజేపీ-జేడీ(యూ) మధ్య భేదాభిప్రాయాలు. తాజా చర్చలతో పోటీ చేయాల్సిన సీట్ల సంఖ్యపై ఏకాభిప్రాయానికి వచ్చినట్టు సమాచారం.
  • చెన్నై : చెన్నై విమానాశ్రయం లో భారీగా పట్టుబడ్డ బంగారం . దుబాయ్ నుండి చెన్నై కి అక్రమంగా బంగారం తరలుస్తునట్టు గుర్తింపు. పట్టుబడ్డ 1.62 కేజిల బంగారం విలువ 83 లక్షలు. బంగారాన్ని నల్లటి రాళ్ల రూపంలో అక్రమంగా తరలిస్తున్న ముఠా. ముగ్గురుని అరెస్ట్ చేసి విచారణ చేప్పట్టిన కస్టమ్స్ అధికారులు .
  • బుల్లితెర నటి శ్రావణి ఆత్మహత్య కేసు అప్డేట్: శ్రావణి ఆత్మహత్య కేసులో దేవరాజ్ రెడ్డి,సాయికృష్ణ రెడ్డి ఇద్దరిని మూడు రోజుల కస్టడీకి తీసుకొని విచారించిన పోలీసులు. శ్రావణి నివాసంతో పాటు శ్రీ కన్య హోటల్ వద్ద దేవరాజ్ రెడ్డి, సాయికృష్ణ రెడ్డి ఇద్దరితో సీన్ రీకన్స్ట్రక్షన్ చేసిన ఎస్ ఆర్ నగర్ పోలీసులు. మూడు రోజుల పాటు విచారించిన పోలీసులు.. శ్రావణి కి సంబంధించిన కాల్ రికార్డ్స్ ను వాట్సాప్ చాటింగ్ గురించి వివరాలు సేకరించారు.. కస్టడీ ముగియడంతో ఈరోజు నిందితులు ఇద్దరిని కోర్టులో హాజరు పరచనున్నా పోలీసులు.
  • కరోనా బారినపడ్డ గోవా డీజీపీ ముకేశ్ కుమార్ మీనా. వెల్లడించిన గోవా ఆరోగ్య శాఖ.
  • వైఎస్ఆర్ జలకళ కార్యక్రమాన్ని వీడియో కాన్ఫరెన్స్ ద్వారా ప్రారంభించిన సీఎం జగన్. జిల్లా కలెక్టరేట్ నుంచి పాల్గొన్న మంత్రి శంకరనారాయణ, ఎమ్మెల్యేలు, ఎమ్మెల్సీలు, ఎంపీ మాధవ్. ప్రభుత్వ ఆర్ట్స్ కళాశాల వద్ద బోరు బావులను తవ్వే రిగ్గు వాహనాలను జెండా ఊపి ప్రారంభించిన ప్రజా ప్రతినిధులు. రింగు వాహనాలతో నగరంలో భారీ ర్యాలీ.

మండలి రద్దుకు కార్యరూపం ఎప్పుడు?

ap legislative council abolished, మండలి రద్దుకు కార్యరూపం ఎప్పుడు?

ఏపీ శాసనమండలిని రద్దు చేయాలన్న నిర్ణయం పలు అంశాలపై ప్రభావం చూపనుంది. అయితే.. ఈ రద్దు ఉన్నట్లుండి సాధ్యమవుతుందా అన్న చర్చ ఇపుడు రాజకీయ వర్గాల్లో జోరందుకుంది. దానికి తోడు రద్దు అమల్లోకి రావాలంటే కనీసం మూడేళ్ళు పడుతుందని టీడీపీ ఎమ్మెల్సీ, మాజీ స్పీకర్ యనమల రామకృష్ణుడు అంటున్నారు. నిజంగానే అంత సమయం పడుతుందా అన్నదిపుడు చర్చగా మారింది.

ap legislative council abolished, మండలి రద్దుకు కార్యరూపం ఎప్పుడు?

జాతీయ స్థాయిలో చాలా కాలం నుంచి శాసనమండళ్ళు అవసరమా అన్న చర్చ జరుగుతోంది. చాలా రాష్ట్రాల్లో లెజిస్లేటివ్ కౌన్సిళ్ళను రద్దు చేశారు. ప్రస్తుతం ఏపీ కాకుండా కేవలం అయిదు రాష్ట్రాలలోనే శాసన మండళ్ళు పనిచేస్తున్నాయి. తెలంగాణ, కర్నాటక, మహారాష్ట్ర, ఉత్తర్ ప్రదేశ్, బీహార్ రాష్ట్రాలలోనే కౌన్సిళ్ళు వున్నాయి. గతంలో మండళ్ళను రద్దు చేసి, తిరిగి పునరుద్ధరణ కోరుతున్న రాష్ట్రాల్లో తమిళనాడు, బెంగాల్, పంజాబ్, అస్సాం, మధ్యప్రదేశ్ వున్నాయి.

కాగా.. ఇటీవల రాష్ట్ర హోదా నుంచి కేంద్ర పాలిత ప్రాంతంగా మారిన జమ్మూకశ్మీర్‌లో గత ఆగస్టులో మండలి రద్దైంది. అయితే.. మండలిని ఏర్పాటు చేయాలని మరికొన్ని రాష్ట్రాలు కోరుతున్నాయి. వీటిలో రాజస్థాన్, ఒడిషా, ఢిల్లీ, హిమాచల్ ప్రదేశ్, ఉత్తరాఖండ్ రాష్ట్రాలున్నాయి.

తాజాగా ఏపీలో మండలిని రద్దు చేయాలని రాష్ట్ర అసెంబ్లీలో తీర్మానం చేసిన నేపథ్యంలో ఈ తీర్మానంపై కేంద్ర ప్రభుత్వం ఎప్పుడు స్పందిస్తుందనేది అంతుచిక్కిన ప్రశ్నగా మారింది. ఇప్పటికే కేంద్రం వద్ద పలు రాష్ట్రాల తీర్మానాలు పెండింగ్‌లో వున్నాయి. వీటిలో కర్నాటక, యూపీ, ఉత్తరాఖండ్ రాష్ట్రాలు బీజేపీ పాలిత రాష్ట్రాలు. బీహార్ కూడా పరోక్షంగా బీజేపీ ఖాతాలో వున్నట్లే భావించాలి. సొంత పార్టీ అధికారంలో వున్న రాష్ట్రాల తీర్మానాల కంటే ముందుగా ఏపీ తీర్మానాన్ని కేంద్ర ఎందుకు పరిశీలిస్తుందని కొందరు ప్రశ్నిస్తున్నారు.

ఈ క్రమంలో టీడీపీ నేత యనమల చెప్పినట్లు మండలి రద్దు కార్యరూపం దాల్చడానికి 2,3 ఏళ్ళు కాకపోయినా.. అందులో సగమైనా పట్టే ఛాన్స్ చాలా మటుకు వుంది. ఈ నేపథ్యంలో ముందు ముందు రానున్న బడ్జెట్ సెషన్ లాంటి ఘట్టాలను ప్రభుత్వం ఏ విధంగా దాటుకు వెళుతుందనేది మిలియన్ డాలర్ల ప్రశ్నగా మారుతోంది.

Related Tags