Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

వరద బాధితులకు అదనంగా మరో రూ.5 వేలు..

AP Govt will give Rs 5k, వరద బాధితులకు అదనంగా మరో రూ.5 వేలు..

గత ప్రభుత్వం హయాంలో చంద్రబాబు చేసిన పాపాల వల్లే పోలవరం ప్రాజెక్టుకు కష్టాలు వచ్చాయన్నారు తూ.గో.జిల్లా ఇన్‌చార్జి మంత్రి ఆళ్ల నాని. గోదావరి వరదలపై ముఖ్యమంత్రి వైఎస్ జగన్‌తో సమీక్ష ముగిసిన అనంతరం ఆయన మీడియాతో మాట్లాడుతూ ఈ వ్యాఖ్యలు చేశారు. పోలవరం ప్రాజెక్టు నిర్మాణంలో కమీషన్ల కోసం చంద్రబాబు.. కనీసం నిర్వాసితులను తరలించకుండా హెడ్ వర్క్ పనులను చేపట్టారని విమర్శించారు. ఆనాడు బాబు చేసిన పాపాలను ఇప్పుడు ప్రజలు భరించాల్సి వస్తుందన్నారు.

గోదావరి వరదలపై అధికారులతో సీఎం ఎప్పటికప్పడు సమీక్షిస్తున్నారని .. ప్రతి కుటుంబానికి అదనంగా రూ.5 వేలు సహాయాన్ని అందించాలని ఆదేశించినట్టుగా తెలిపారు. వరద బాధిత ప్రాంతాల్లో ప్రజలు అధైర్య పడవద్దని అన్ని రకాల సహాయక చర్యలు చేపడుతున్నామని మంత్రి నాని తెలిపారు. మరోవైపు పంటనష్టం సంభవించిన ప్రాంతాల్లో రైతులకు తమ ప్రభుత్వం అండగా ఉంటుందన్నారు. ఇప్పటి వరకు తూర్పు గోదావరి జిల్లాలో 4,824 హెక్టార్లలో పంట నష్టం జరిగినట్టుగా మంత్రి స్పష్టం చేశారు. మరోవైపు పంట మునిగిన రైతులకు విత్తనాలు ఉచితంగా ఇవ్వనున్నట్టు మంత్రి నాని తెలిపారు.