Breaking News
  • ఏపీ గవర్నర్‌కు టీడీపీ శాసనసభాపక్షం లేఖ. లాక్‌డౌన్‌లో అందించే ఆర్థిక సాయాన్ని వైసీపీ దుర్వినియోగం చేస్తోంది. రూ.వెయ్యి, నిత్యావసరాలను దుర్వినియోగం చేస్తున్నారని ఫిర్యాదు. రాజకీయ లబ్ధి కోసం వైసీపీ నేతలు నగదు పంపిణీ చేస్తున్నారు. సామాజిక దూరం పాటించకుండా నగదు పంపిణీ చేస్తున్నారని ఫిర్యాదు. రూ.వెయ్యి పంపిణీలో వైసీపీ నేతలు నిబంధనలు ఉల్లంఘిస్తున్నారు. స్థానిక ఎన్నికల్లో పోటీచేసే అభ్యర్థులు ప్రచారంలా వాడుకుంటున్నారు. చట్టవ్యతిరేకంగా వ్యహరిస్తున్న వారిపై చర్యలు తీసుకోవాలని ఫిర్యాదు.
  • ప.గో: ద్వారకాతిరుమలలో క్షుద్రపూజల కలకలం. చెరువువీధిలోని ఓ ఇంటి ఎదుట బొమ్మ, పసుపు, కుంకుమ.. ముగ్గు, నిమ్మకాయలతో చేతబడి చేసినట్టు అనుమానం. భయాందోళనలో గ్రామస్తులు.
  • తెలంగాణలో మర్కజ్‌ టెన్షన్‌. నిజామాబాద్‌, వరంగల్‌, కరీంనగర్‌ జిల్లాల్లో.. ఇంకా పాజిటివ్‌ కేసులున్నాయని విచారిస్తున్న అధికారులు. మర్కజ్‌ వెళ్లొచ్చిన వాళ్లను కలిసిన పలువురిని క్వారంటైన్‌కు తరలింపు. నిన్నటి వరకు మొదటి స్టేజ్‌గా నేరుగా మర్కజ్‌ వెళ్లొచ్చిన వారితో.. సంబంధాలు ఉన్నవారి శాంపిల్స్‌ తీసుకున్న వైద్య సిబ్బంది. ఈ రోజు నుంచి రెండో స్టేజ్‌ విచారణ. నిన్న శాంపిల్స్ తీసుకున్న వారు ఎవరెవరిని కలిశారో పోలీసుల విచారణ.
  • నిజామాబాద్‌: జిల్లాలో మరో కరోనా అనుమానిత వ్యక్తి మృతి. మోపాల్‌ మండలం కంజరలో హోం క్వారంటైన్‌లో ఉన్న వ్యక్తి మృతి. గత నెల దుబాయి నుంచి వచ్చిన వ్యక్తి. భయాందోళనలో గ్రామస్తులు.
  • వికారాబాద్‌ జిల్లాలో నాలుగు కరోనా పాజిటివ్‌ కేసులు. మర్కజ్‌ వెళ్లొచ్చిన 18 మందిలో నలుగురికి పాజిటివ్‌. వికారాబాద్‌, మర్పల్లి, పరిగి, తాండూరు వాసులుగా గుర్తింపు. నలుగురిని గాంధీ ఆస్పత్రికి తరలించిన అధికారులు. -వికారాబాద్‌ జిల్లా వైద్యాధికారి దశరథ్‌. పరిగిలో హైఅలర్ట్‌ ప్రకటించిన పోలీసులు. ఇళ్ల నుంచి ఎవరూ బయటకు రావొద్దని హెచ్చరిక. ఎక్కడికక్కడ బారీకేడ్లు ఏర్పాటు చేసిన పోలీసులు -పరిగి డీఎస్పీ శ్రీనివాస్‌.

బార్ల బెడదకు చెక్.. ఏపీ సర్కార్ సూపర్బ్ నిర్ణయం

ap govt to cutdown bars, బార్ల బెడదకు చెక్.. ఏపీ సర్కార్ సూపర్బ్ నిర్ణయం

ఏపీలో బార్ల సంఖ్యను 40 శాతం మేరకు కుదించాలని నిర్ణయించారు ముఖ్యమంత్రి జగన్మోహన్ రెడ్డి. ఈ నిర్ణయాన్ని తక్షణం అమల్లోకి తేవాలని ఆదేశాలు జారీ చేశారు. ఎక్సైజ్ ఆదాయం తగ్గుతుందని అధికారులు చెబుతున్నా.. తానిచ్చిన మద్యం నియంత్రణ హామీకి కట్టుబడి వుంటానని సీఎం జగన్ తేల్చి చెప్పినట్లు తెలుస్తోంది. మంగళవారం ఏపీలో ఎక్సైజ్ పాలసీపై ముఖ్యమంత్రి సమీక్ష జరిపారు. తాజాగా ఉత్తర్వులు జారీ చేశారు.

రాష్ట్రంలో ఉన్న బార్ల సంఖ్యను 40 శాతం తగ్గించాలని సమావేశంలో నిర్ణయించారు ముఖ్యమంత్రి. ప్రస్తుతం ఏపీ వ్యాప్తంగా 798 బార్లు వున్నాయి. వాటికి స్టార్ హోటళ్ళలోని బార్లు అదనం. 798 బార్లలో 50 శాతం కుదించాలని ముందుగా సీఎం ఆదేశించారు. అయితే ఇప్పటికే మద్యం దుకాణాలను 20 శాతం తగ్గించామని, బార్ల సంఖ్యను కూడా 50 శాతం తగ్గిస్తే ఎక్సైజ్ ఆదాయం పూర్తిగా పడిపోతుందని అధికారులు వాదించినట్లు తెలుస్తోంది. దాంతో బార్ల సంఖ్యను 40 శాతం తగ్గించాలని సీఎం నిర్ణయించారు. అయితే విడతల వారీగా బార్ల సంఖ్యను ఇంకా తగ్గించాలని జగన్ చెప్పినట్లు అధికారులు అంటున్నారు.

అదే సమయంలో బార్లలో మద్యం అమ్మకాల సమయాలను కూడా ఏపీ ప్రభుత్వం సవరించింది. బార్లలో మద్యం సరఫరాను ఉదయం 11 గంటలకు ప్రారంభించి, రాత్రి 10 గంటల వరకు పరిమితం చేయాలని, ఆహారాన్ని మాత్రం రాత్రి 11 గంటల వరకు సరఫరా చేయొచ్చని నిర్ణయించారు. స్టార్ హోటళ్ళలో మాత్రం ఉదయం 11 నుంచి రాత్రి 11 గంటల వరకు మద్యం సరఫరా చేసుకునేలా వెసులుబాటు కల్పించారు.

బార్లలో మద్యం ధరలు పెంపు ?

వైన్ షాపులు, బార్ల సంఖ్యను గణనీయంగా తగ్గించాలని నిర్ణయించిన జగన్ ప్రభుత్వం బార్లలో అమ్మే మద్యం ధరలను పెంచే ఆలోచన చేస్తోంది. ఈ పెరుగుదల 10 నుంచి 20 శాతం వుండవచ్చని అధికారులు చెబుతున్నారు. అదే సమయంలో మద్యం కల్తీకి పాల్పడినా, స్మగ్లింగ్‌ చేసినా, నాటుసారా తయారు చేసినా కఠిన చర్యలు తీసుకోవాలని సీఎం ఆదేశాలు జారీ చేశారు.

నాన్‌బెయిల్‌ బుల్‌ కేసులు నమోదు చేయాలని నిర్దేశించారు. జరిమానాలను భారీగా పెంచాలని తలపెట్టారు. లైసెన్స్‌ ఫీజుకు 3 రెట్లు జరిమానా, ఆరు నెలల జైలు శిక్ష విధించాలని నిర్ణయించారు. మద్యం, ఇసుక విషయంలో అక్రమాలకు పాల్పడితే కఠిన చర్యలు తీసుకునేలా వచ్చే అసెంబ్లీ సమావేశాల్లో చట్టాలు తీసుకురావాలన్న యోచనలో సీఎం ఉన్నట్లు తెలుస్తోంది.

Related Tags