Breaking News
  • డా.వసంత్‌కు డీఎంహెచ్‌వోలో పోస్టింగ్‌ ఇస్తూ ఉత్తర్వులు. గాంధీలో సస్పెన్షన్‌కు గురైన డాక్టర్‌ వసంత్‌. తనకు పోస్టింగ్‌ ఇవ్వాలని హెల్త్‌ డైరెక్టర్‌ను కలిసిన వసంత్‌.
  • మానవహక్కుల కమిషన్‌ను ఆశ్రయించిన మహిళ. మంత్రి మల్లారెడ్డి నుంచి తనకు ప్రాణహాని ఉందని ఫిర్యాదు. తన భూమిని మంత్రి మల్లారెడ్డి కబ్జాచేసేందుకు యత్నిస్తున్నారని ఆరోపణ. పోలీస్‌స్టేషన్‌కు వెళ్లినా న్యాయం జరగడంలేదని ఆవేదన. మంత్రి నుంచి తనకు రక్షణ కల్పించాలని విజ్ఞప్తి.
  • రేపు ఢిల్లీకి టీడీపీ ఎమ్మెల్సీలు. మండలిని రద్దు చేయొద్దంటూ ఢిల్లీ పెద్దలను కలవనున్న ఎమ్మెల్సీలు. రేపు సాయంత్రం ఉపరాష్ట్రపతిని కలవనున్న టీడీపీ ఎమ్మెల్సీలు. రెండు రోజుల పాటు ఢిల్లీలో ఉండనున్న టీడీపీ బృందం.
  • సీఎం కేసీఆర్‌కు ట్విట్టర్‌లో బర్త్‌డే శుభాకాంక్షలు తెలిపిన పవన్‌ కల్యాణ్‌.
  • బెంగాల్‌ సర్కార్ సంచలన నిర్ణయం. ఎన్నికల వ్యూహకర్త పీకేకు జెడ్‌కేటగిరీ భద్రత. తృణమూల్‌కు వ్యూహకర్తగా పనిచేస్తున్న పీకే.
  • అనంతపురం: ఏసీబీ అధికారి అవతారం ఎత్తిన కేటుగాడు. ఏసీబీ అధికారి నుంటూ పలువురు నుంచి భారీగా వసూళ్లు. ఇప్పటి వరకు పలువురు అధికారుల నుంచి రూ.27 లక్షలు వసూలు. చివరకు పోలీసులకు చిక్కిన కేటుగాడు జయకృష్ణ. రూ.2.91 లక్షలు, రెండు సెల్‌ఫోన్లు స్వాధీనం.

మోదీ బాటలో జగన్… కృష్ణా నదీ తీరాన వైఎస్ భారీ విగ్రహం!

AP Government planning to establish YSR statue at Pulichintala project, మోదీ బాటలో జగన్… కృష్ణా నదీ తీరాన వైఎస్ భారీ విగ్రహం!

నర్మదా నది మధ్యలో ఉక్కుమనిషి సర్దార్ వల్లభాయ్ పటేల్ భారీ విగ్రహాన్ని ఏర్పాటు చేసిన విషయం తెలిసిందే. స్టాట్యూ ఆఫ్ యూనిటీగా నామకరణం చేసిన ఈ ప్రాజెక్టును పటేల్ జయంతి రోజునే ప్రధాని మోదీ జాతికి అంకితం చేశారు. 182 మీటర్ల ఎత్తయిన ఈ ‘స్టాట్యూ ఆఫ్ యూనిటీ’ ప్రపంచంలోనే అతి ఎత్తయిన విగ్రహం కావడం గమనార్హం. ఇప్పుడు ఏపీలో కూడా స్టాట్యూ ఆఫ్ యూనిటీ తరహాలో విగ్రహ ఏర్పాటుకు జగన్ సర్కార్ నిర్ణయించింది.

గుంటూరు జిల్లా పులిచింతల ప్రాజెక్టు వద్ద దివంగత ముఖ్యమంత్రి వైఎస్ రాజశేఖర్ రెడ్డి విగ్రహం ఏర్పాటు చేయనుంది. దాని కోసం ఇప్పటికే ప్రతిపాదనలు సిద్ధం చేసినట్లు తెలుస్తోంది. పటేల్ విగ్రహమంత భారీ స్థాయిలో కాకపోయినా అదే తరహాలో విగ్రహ నిర్మాణం, వైఎస్సార్ స్మృతివనం, ఆహ్లాదకరంగా ఉండేందుకు పార్కును కూడా ఏర్పాటు చేయనుంది. పులిచింతల ప్రాజెక్టు సమీపంలో సుమారు 45 అడుగుల భారీ విగ్రహం ఏర్పాటు చేయాలని ప్రభుత్వం భావిస్తోంది.

పులిచింతల ప్రాజెక్టు వద్ద వైఎస్ రాజశేఖర్ రెడ్డి విగ్రహం ఏర్పాటు చేయనున్నట్లు మంత్రి అనిల్‌కుమార్ తెలిపారు. విగ్రహ నిర్మాణానికి అనువైన స్థలం కోసం పరిశీలన చేశారు. వైఎస్సార్‌ స్మృతి వనం, పార్కు కూడా ఏర్పాటు చేయనున్నట్లు తెలిపారు. అంతేకాకుండా పులిచింతల ప్రాజెక్టును ఓ పర్యాటక ప్రాంతంగా అభివృద్ధి చేయనున్నట్లు చెప్పారు. వైఎస్సార్‌ విగ్రహంతో పాటు డా.కేఎల్‌ రావు విగ్రహాన్ని ఏర్పాటు చేస్తామన్నారు.

ముఖ్యమంత్రి వైఎస్‌ జగన్‌ ఆదేశాల మేరకు పులిచింతల ప్రాజెక్టు వద్ద స్థలాన్ని పరిశీలించినట్టు మంత్రి అనిల్ వెల్లడించారు. అలాగే కృష్ణా, గుంటూరు జిల్లాల మధ్య ప్రయాణ ఇబ్బందులను సీఎం జగన్ దృష్టికి తీసుకెళ్తామన్నారు. కృష్ణా జిల్లా జగ్గయ్యపేట సమీపంలోని ముక్త్యాల, గుంటూరు జిల్లా అచ్చంపేట మండలం మాదిపాడు గ్రామాల మధ్య కృష్ణా నదిపై వారధి నిర్మాణానికి ప్రతిపాదనలు ముఖ్యమంత్రి దృష్టికి తీసుకెళ్తామన్నారు.