Breaking News
  • రేపు నెల్లూరు జిల్లా కావలిలో నారా లోకేష్‌ పర్యటన. ఆత్మహత్య చేసుకున్న టీడీపీ కార్యకర్త కార్తీక్‌ కుటుంబాన్ని పరామర్శించనున్న నారా లోకేష్‌.
  • విజయవాడ: ఏపీలో ప్రజాస్వామ్యం ఖూనీ అయ్యింది. ఇసుక కొరతతో భవన నిర్మాణ కార్మికులు చనిపోతున్నారు. కార్మికుల ఆత్మహత్యలు ప్రభుత్వ హత్యలే-నారా లోకేష్‌. భవన నిర్మాణ కార్మికులకు టీడీపీ అండగా పోరాడుతోంది. ఏ పంది కొక్కులు నేడు ఇసుక తింటున్నాయో తేలాలి. టీడీపీ కట్టిన పంచాయతీ ఆఫీస్‌లకు వైసీపీ రంగులు వేసుకుంటోంది. డౌన్‌ డౌన్‌ సీఎం అంటున్నా.. ఎన్ని కేసులు పెడతారో పెట్టండి-నారా లోకేష్‌
  • రాఫెల్‌పై రాహుల్‌ గాంధీ ఆరోపణలు అవాస్తవమని.సుప్రీం తీర్పుతో తేటతెల్లమైంది-బీజేపీ రాష్ట్రఅధ్యక్షుడు లక్ష్మణ్‌. మోదీ ప్రభుత్వానికి క్లీన్‌ చిట్‌ ఇచ్చింది. జఠిల సమస్యలను సామరస్య పూర్వకంగా మోదీ పరిష్కరించారు. తెలంగాణలో అశాంతి, అసంతృప్తి నెలకొంది. అధికార పార్టీలో చాలా మంది అసంతృప్తితో ఉన్నారు. తెలంగాణలో ప్రత్యామ్నాయ పార్టీ బీజేపీనే. అందుకే అందరూ బీజేపీలో చేరుతున్నారు-లక్ష్మణ్‌
  • ముగిసిన ఆర్టీసీ, పొలిటికల్‌ జేఏసీ సమావేశం.
  • ఇసుక కొరతపై 12 గంటల పాటు దీక్ష చేసిన చంద్రబాబు రాష్ట్రంలో ఇసుక కృత్రిమ కొరత సృష్టిస్తున్నారు. రాష్ట్రంలో జె-ట్యాక్స్‌ వసూలు చేస్తున్నారు. ముఖ్యమంత్రి నీరో చక్రవర్తిలా వ్యవహరిస్తున్నారు బాధితులకు అండగా నిలిస్తే దాడులు చేస్తున్నారు. ఇసుక లేక అన్ని వర్గాలు ఇబ్బందులు పడుతున్నాయి. నాపై కోపంతో అన్న క్యాంటీన్లు మూసేశారు-చంద్రబాబు
  • తిరుమల: సామాన్య భక్తునిగా శ్రీవారిని దర్శించుకున్న మంత్రి పేర్నినాని. సుపథం మార్గంలో వెళ్లి శ్రీవారిని దర్శించుకున్న మంత్రి పేర్ని నాని
  • ఇసుక కొరత వల్ల ప్రత్యక్షంగా, పరోక్షంగా లక్షల మంది నష్టపోయారు. చంద్రబాబు మీద కక్షతోనే భవన నిర్మాణ కార్మికుల పొట్టగొట్టారు. వైసీపీ ప్రభుత్వం జాతీయ పతాకాన్ని అవహేళన చేసింది.సచివాలయాలకు వైసీపీ రంగులేసే జగన్‌కు గాంధీ గురించి మాట్లాడే అర్హత లేదు-ఎంపీ రామ్మోహన్‌నాయుడు

ఇకపై ఆన్ లైన్‌లో చేనేత వస్త్రాలు.. జగన్ సంచలన నిర్ణయం!

మారుతున్న పరిస్థితులు బట్టి.. టెక్నాలజీ ఎంతగానో అభివృద్ధి చెందింది. ఈ అధునాతన ప్రపంచంలో అందరూ కూడా షాపింగ్ ఆన్లైన్ ద్వారానే చేస్తున్నారు. అమెజాన్, ఫ్లిప్ కార్ట్ వంటి ఈ-కామర్స్ సైట్లలో ఇప్పుడు భారీగా సేల్స్ జరుగుతుండటం చూస్తూనే ఉన్నాం. దీనితో చేనేత వస్త్రాలకు డిమాండ్ తగ్గుతోంది.. వాటిని తయారు చేసే కార్మికులకు, వ్యాపారులకు తీవ్రమైన నష్టం వాటిల్లుతోంది. ఇకపై అలా జరగకుండా ఉండటానికి జగన్ ప్రభుత్వం ‘వైఎస్ఆర్ చేనేత నేస్తం’ పేరుతో ఏటా రూ. 24 వేల సాయం అందించేందుకు చర్యలు చేపట్టారు. అంతేకాకుండా అమెజాన్- ఫ్లిప్ కార్ట్ కంపెనీలతో ఆన్లైన్ ద్వారా చేనేత వస్త్రాల అమ్మకానికి ఏపీ ప్రభుత్వం ఒప్పందం కుదుర్చుకుంది. నవంబర్ 1వ తేదీ నుంచే అమ్మకాలు ప్రారంభం కానున్నాయి.

ఎన్నికల ముందు చేనేత రంగం అభివృద్ధికి సీఎం జగన్ హామీ ఇచ్చారు. ఇందులో భాగంగానే ‘వైఎస్ఆర్ చేనేత నేస్తం’ పథకం ద్వారా ప్రతి సంవత్సరం రూ. 24 వేలు సాయం చేనేత కార్మికులకు ఏపీ ప్రభుత్వం అందించనుంది. ఎప్పటి నుంచో చేనేత వస్త్రాలకు మార్కెటింగ్ అనేది పెద్ద సమస్యగా మారింది. దీన్ని దృష్టిలో పెట్టుకుని దేశవిదేశాలకు చేనేత ఉత్పత్తులను అందుబాటులో ఉంచేందుకు పటిష్టమైన మార్కెటింగ్ సౌకర్యాన్ని అందుబాటులోకి తీసుకొచ్చేలా.. తద్వారా చేనేత కార్మికులకు లబ్ది చేకూరేలా బాటలు వేయాలని సీఎం జగన్ అధికారులను ఆదేశించారు.

ధర్మవరం, ఉప్పాడ పట్టు చీరాల నుంచి.. చొక్కాలు, పంచెల వరకు అన్ని రకాల నాణ్యమైన చేనేత వస్త్రాలన్నీ ఇకపై ఆన్లైన్ ద్వారా కొనుగోలు చేసేలా అమెజాన్, ఫ్లిప్ కార్ట్ వంటి సంస్థలతో ప్రభుత్వం ఒప్పందం కుదుర్చుకుంది. అంతేకాకుండా చేనేత సహకార సంఘాల నుంచి వస్త్రాలను ఆప్కో కొనుగోలు చేసి ఆన్లైన్ ద్వారా అమ్మకాలు చేయనుంది. నవంబర్ 1 నుంచి ఈ సేల్స్ ప్రారంభం అవుతాయి. తొలిదశలో 25 ఉత్పత్తులను అమెజాన్ ద్వారా విక్రయించనుండగా.. నవంబర్ చివరి వారం నుంచి ఫ్లిప్ కార్ట్‌లోనూ చేనేత వస్త్రాలు అందుబాటులోకి వస్తాయి.

అలాగే ధరల విషయంలోనూ ప్రభుత్వం ప్రత్యేక దృష్టి సారించిందని చెప్పాలి. మధ్యతరగతి వారికి కూడా అందుబాటులో ఉండే విధంగా రూ.500 నుంచి రూ.20,000 వరకు ధరలు ఉంటాయని తెలిపింది. కాగా, జగన్ సర్కార్ తీసుకున్న ఈ నిర్ణయం ద్వారా త్వరలోనే చేనేత కార్మికులకు ప్రపంచవ్యాప్తంగా గుర్తింపు లభిస్తుందని రాజకీయ విశ్లేషకులు హర్షం వ్యక్తం చేస్తున్నారు.