జగన్ సర్కార్ కీలక నిర్ణయం.. వారికి వయోపరిమితి పెంపు..!

కరోనా కాలంలో జగన్ సర్కార్ మరో కీలక నిర్ణయం తీసుకుంది. జనరల్ కేటగిరీ అభ్యర్థుల వయోపరిమితిని 34 ఏళ్ల నుంచి 42 ఏళ్లకు పెంచుతూ ఉత్తర్వులు జారీ చేసింది. ఈ గడువు పెంపు ఏపీ పబ్లిక్ సర్వీస్ కమిషన్ తో పాటు ఇతర ప్రభుత్వ ఏజెన్సీల నియామకాలకు కూడా వర్తింపజేసేలా సాధారణ పరిపాలనాశాఖ ఆదేశాలు జారీ చేసింది. 2021 సెప్టెంబర్ 30 వరకు ఈ గడువును పొడిగిస్తున్నట్లు రాష్ట్ర ప్రభుత్వం ఉత్తర్వుల్లో పేర్కొంది.

ఇదిలా ఉంటే ఏపీ ఆరోగ్యశాఖలో భారీగా పోస్టులు భర్తీ చేసేందుకు జగన్ సర్కార్ రంగం సిద్ధం చేస్తోంది. ఈ నియామకాల్లో కూడా జనరల్ అభ్యర్ధుల వయోపరిమితిని 34 ఏళ్ల నుంచి 42 ఏళ్లకు పొడిగిస్తున్నట్లు ఆరోగ్యశాఖ స్పెషల్ సీఎస్ జవహర్‌రెడ్డి మెమో జారీ చేశారు. ఇక 104 వాహనాల్లో, సీఎం ఆరోగ్య కేంద్రాల్లో 3 ఏళ్ల సర్వీసును పూర్తి చేసుకున్నవారికి సివిల్, డెంటల్ అసిస్టెంట్ సర్జన్ల నియామకాల్లో 15 శాతం వెయిటేజీని ప్రభుత్వం ప్రకటించింది.

గిరిజన ప్రాంతాల్లో పనిచేసివారికి ఏడాదికి 3 మార్కులు, రూరల్ ప్రాంతాల్లోని వారికి 2, అర్బన్ ప్రాంతాల్లో పని చేసినవారికి ఒక్క మార్కు వెయిటేజీ ఇచ్చింది. అలాగే సెంట్రల్ ఇనిస్టిట్యూట్ ఆఫ్ ఇండియాలో పీజీ పూర్తిచేసిన వారికి అసిస్టెంట్ ప్రొఫెసర్ నియామకాల్లో 5 మార్కులు వెయిటేజీ ఇవ్వనున్నట్లు రాష్ట్ర ప్రభుత్వం తాజాగా విడుదల చేసిన జీవోలో పేర్కొంది. కాగా, ప్రజారోగ్యశాఖ పరిధిలోని ప్రాధమిక ఆరోగ్య కేంద్రాల్లో 665 సివిల్ అసిస్టెంట్ పోస్టుల భర్తీకి నోటిఫికేషన్ విడుదలైంది. ఈ పోస్టులకు ఈ నెల 19 నుంచి వచ్చే నెల 18 వరకు దరఖాస్తులు స్వీకరించనున్నారు. ఈ ఖాళీలను ఎంబీబీఎస్ విద్యార్హతతో భర్తీ చేయనున్నారు.

Also Read: 

బ్రేకింగ్: సుశాంత్ కుటుంబంలో మరో విషాదం..

ఏపీ నిట్ విద్యార్ధులకు గుడ్ న్యూస్.. 25 మార్కులకే పరీక్ష!

30 ఏళ్ల పాటు జగన్ సీఎంగా ఉండాలనుకుంటున్నాః రఘురామకృష్ణంరాజు

‘సుశాంత్‌పై కపట ప్రేమ చూపిస్తున్నారు’.. నెపోటిజంపై సైఫ్ ఫైర్..