Breaking News
  • భారత్‌లో కరోనా వైరస్ స్వైరవిహారం చేస్తోంది. రోజురోజుకూ రికార్డు స్థాయిలో కరోనా కేసులు నమోదవుతుండటం ప్రజలను ఆందోళన కలిగిస్తోంది. గడిచిన 24 గంటల్లో దేశంలో అత్యధికంగా 27,114 కరోనా కేసులు నమోదైనట్లు కేంద్ర ఆరోగ్య మంత్రిత్వ శాఖ తాజాగా హెల్త్ బులిటెన్ విడుదల చేసింది.
  • యాదాద్రి-భువనగిరి జిల్లా: భువనగిరి రైల్వే స్టేషన్ సమీపంలో పంచాయతీ సెక్రెటరీ కళ్యాణ్.. ట్రైన్ కింద పడి ఆత్మహత్య. గత కొద్దిరోజుల క్రితం.. ఇతని కూతుర్ని.. ఘట్కేసర్ లో ఒకతను గొంతుకోసి చంపటం జరిగింది.
  • హైదరాబాద్ ప్రసాద్ ఐమాక్స్ నిర్వాకం. అధిక రెట్ ల తో సినిమా టికెట్ల విక్రయం. సినిమా టికెట్ ల పై 10 శాతం అధికంగా . జీ ఎస్టీ ఛార్జ్ వసూలు. 18 శాతం కు బదులు 28 శాతం టాక్స్ విధించి టికెట్ విక్రయం పై 30 లక్షలు ఆదాయం. జి ఎస్టీ అధికారులకు గతం లో పలు ఫిర్యాదులు.
  • సౌందర్యంతోపాటు సౌకర్యానికీ ప్రాధాన్యమివ్వాలి. పర్యావరణహిత, సుస్థిర నిర్మాణాలపై మరింతగా దృష్టిపెట్టాలి. భవిష్యత్ ప్రాజెక్టుల నిర్మాణాల్లో పునరుత్పాదక శక్తి వినియోగాన్ని ప్రోత్సహించాలి. నాగరికత సాధించిన విజయాల్లో నిర్మాణ కౌశల్యం (అర్కిటెక్చర్) కూడా ఒకటి. స్మార్ట్ సిటీ ప్రాజెక్టులో స్థానిక కళాకారులకు అవకాశం కల్పించాలి. ఐఐఏ జాతీయ సదస్సులో ఉపరాష్ట్రపతి వెంకయ్యనాయుడు.
  • కోవిడ్-19పై ప్రధాని సమీక్షా సమావేశం. భేటీలో ఆరోగ్యశాఖ మంత్రితో పాటు హోంమంత్రి. కోవిడ్-19 తాజా స్థితిగతులు, తీసుకుంటున్న చర్యలపై చర్చ.
  • టీవీ9 మేయర్ బొంతు రామ్మోహన్: సచివాలయ కూల్చివేతలు సందర్భంగా పర్యావరణానికి సంబంధించిన అన్ని జాగ్రత్తలు తీసుకుంటున్నాం. కూల్చివేత లకు జిహెచ్ఎంసి నుంచి అన్ని అనుమతులు ఉన్నాయి. భారీ స్థాయిలో వచ్చే శిధిలాలను రీసైక్లింగ్ చేసే ప్రక్రియను మొదలుపెట్టపోతున్నాం... కొన్ని వందల లారీల్లో శిథిలాలను జీడిమెట్ల లోని వేస్ట్ మేనేజ్మెంట్ ప్లాంట్ కి తరలిస్తారు. రాత్రి సమయంలో మాత్రమే శిథిలాల తరలింపును చేపడతాం. ట్రాఫిక్ ఇబ్బందులు కలగకుండా, రోడ్లు పాడవకుండా అన్ని జాగ్రత్తలు ఇలా తరలింపులో తీసుకుంటాం.. సచివాలయ శిథిలాల నుంచి కంకర, ఐరన్, డస్ట్ వేరుచేస్తారు.
  • నల్లకుం లోని పీహెచ్సీ సెంటర్, లాలాగూడ లోని రైల్వే హాస్పిటల్ కరోనా టెస్టింగ్ సెంటర్లను పరిశీలించిన కేంద్రమంత్రి కిషన్ రెడ్డి. కరోనా టెస్ట్ లు జరుగుతోన్న తీరు, వైద్య సిబ్బంది జాగ్రత్తలపై వివరాలను ఆరా తీసిన కేంద్రమంత్రి. కిషన్ రెడ్డి కేంద్ర హోంశాఖ సహాయ మంత్రి.

మా పార్టీనే టార్గెట్ చేస్తారా? జగన్‌పై బిజెపి ఆగ్రహం!

bjp leaders angry on ycp, మా పార్టీనే టార్గెట్ చేస్తారా? జగన్‌పై బిజెపి ఆగ్రహం!

ఇద్దరం కలిసి తెలుగుదేశం పని పడదామనుకుంటే.. మమ్మల్నే టచ్ చేస్తారా? అంటూ వైసీపీ నేతలపై మండిపడుతున్నారు కమలనాథులు. తెలుగుదేశం పార్టీని చెరో వైపు వీక్ చేసేందుకు ఆపరేషన్ ఆకర్ష్ మొదలుపెడితే.. దాన్ని మాపై ప్రయోగిస్తారా అంటూ నిలదీస్తున్నారు. వైసీపీ నేతలను ఉపేక్షిస్తే తమ యాక్షన్ ప్లాన్ దెబ్బతింటుందని తమ అధిష్టానానికి నివేదించేందుకు రెడీ అవుతున్నారు ఏపీ బిజెపి నేతలు.

ఉమ్మడి ప్రత్యర్థి తెలుగుదేశం పార్టీని బలహీన పరిచేందుకు గత ఆరు నెలలుగా వైసీపీ ఒకవైపు, బిజెపి మరోవైపు చాపకింద నీరులా ప్రయత్నిస్తున్న సంగతి తెలిసిందే. పలువురు టిడిపి నేతలతో వైసీపీ, బిజెపి నేతలు వేరువేరుగా భేటీలు నిర్వహిస్తూనే వున్నారు. ఈ క్రమంలోనే టిడిపికి చెందిన నలుగురు రాజ్యసభ సభ్యులు బిజెపి తీర్థం పుచ్చుకున్నారు. కొందరు టిడిపి నేతలు వైసీపీ వైపు చేరిపోయారు. వల్లభనేని వంశీ వంటి ఎమ్మెల్యేలు పేరుకు తటస్థులుగా మారినా.. లోపాయికారిగా వైసీపీతో అంట కాగుతున్నట్లే భావించాలి.

ఈ నేపథ్యంలో ఉన్నట్లుండి బిజెపికి చెందిన మాజీ ఎంపీ గోకరాజు గంగరాజు సోదరులను, కుమారుడిని తమవైపునకు లాక్కొంది వైసీపీ. ఒక్క గంగరాజు ఒక్కరే ఇప్పుడు బిజెపిలో మిగలగా.. మొత్తం గోకరాజు ఫ్యామిలీ వైసీపీ గూటికి చేరిపోయింది. ఈ పరిణామంతో బిజెపి ఖంగుతినగా.. వైసీపీ నేతలు విజయగర్వాన్ని ప్రదర్శిస్తున్నారు. దాంతో ఆగ్రహించిన ఏపీ బిజెపి నేతలు.. టార్గెట్ టిడిపి కాదు.. ముందు టార్గెట్ వైసీపీని ప్రారంభించాలని తమ అధిష్టానానికి నివేదించారట.

నిజానికి గత పదిహేను రోజులుగా వైసీపీ ఎంపీ రఘురామకృష్ణంరాజు ఢిల్లీలో బిజెపి అధినాయకత్వంతో తరచూ భేటీ అవుతున్నారు. ఆయన పార్టీ మారకపోయినా.. తరచూ కేంద్ర మంత్రులను, బిజెపి అగ్ర నేతలను కలిసి పనులను చక్కబెట్టుకుంటున్నారు. ఈ క్రమంలోనే బుధవారం రాత్రి ఢిల్లీలో భారీ విందును ఏర్పాటు చేశారు రఘురామకృష్ణంరాజు. ఈ నేపథ్యంలోనే వైసీపీపై అవలంభించాల్సిన వ్యూహాన్ని చర్చించేందుకు రెడీ అవుతున్నారు ఏపీ బిజెపి నేతలు.

మొత్తానికి ఉమ్మడి ప్రత్యర్థిని పక్కన పెట్టి పరస్పరం వ్యూహ, ప్రతివ్యూహాలను పన్నుకునే పనిలో పడ్డాయి వైసీపీ, బిజెపి పార్టీలు. స్వప్రయోజనాలే లక్ష్యంగా పనిచేసే రాజకీయ నేతలు పెరిగిపోయిన తరుణంలో బిజెపి-వైసీపీల పరస్పరం వ్యూహాలు ఏ పరిణామాలకు దారితీస్తాయో వేచి చూడాలి.

Related Tags