Breaking News
  • వరంగల్‌ రూరల్‌ జిల్లాలో విషాదం. పొలాలకు పెట్టిన విద్యుత్‌ తీగలు తగిలి ఇద్దరు మృతి. నల్లబెల్లి మండలం కొండాపురంలో ఘటన. మృతులు సుధాకర్‌, కొమ్మయ్యగా గుర్తింపు.
  • తమిళనాడుకు వరద ముప్పు. ఈరోడ్‌, సేలం జిల్లాల్లో భారీ వర్షాలు. కర్నాటక కావేరి ఎగువప్రాంతంలోనూ భారీ వర్షాలు. సేలం జిల్లాలోని నది పరీవాహక ప్రాంతాల్లో భారీగా చేరిన వరద. భవానీసాగర్‌ నిండడంతో కోడివేరి డ్యామ్‌ నుంచి నీరు విడుదల. పొంగిపొర్లుతున్న వైగైనది.
  • విజయవాడ: చిన్నారి ద్వారక హత్య కేసు. కాసేపట్లో ద్వారక మృతదేహానికి పోస్టుమార్టం. ఈ నెల 10న నల్లగుంటలో అదృశ్యమై హత్యకు గురైన ద్వారక. మృతురాలి తల్లిని అర్ధరాత్రి వరకు విచారించిన పోలీసులు. నిందితుడు ప్రకాష్‌ను అదుపులోకి తీసుకున్న పోలీసులు. నిందితుడు ప్రకాష్‌ గురించి వెలుగులోకి వస్తున్న అనేక విషయాలు.
  • మధ్యప్రదేశ్‌లో అసదుద్దీన్‌ ఒవైసీపై కేసు నమోదు. సుప్రీంకోర్టు తీర్పుపై అసదుద్దీన్‌ తీవ్ర వ్యాఖ్యలు. అసద్‌ వ్యాఖ్యలపై జహంగీర్‌బాద్‌ పీఎస్‌లో అడ్వొకేట్‌ పవన్‌ ఫిర్యాదు. కేసు నమోదు చేసిన జహంగీర్‌బాద్‌ పోలీసులు.
  • ఈ నెల 14న ఒంగోలులో సీఎం వైఎస్‌ జగన్‌ పర్యటన. నాడు-నేడు కార్యక్రమాన్ని ప్రారంభించనున్న సీఎం జగన్‌. ఏర్పాట్లను పర్యవేక్షిస్తున్న మంత్రులు బాలినేని, విశ్వరూప్‌, సురేష్‌.
  • విశాఖ: నకిలీ ష్యూరిటీ పత్రాల బెయిల్‌ కేసు. ఇద్దరు ప్రధాన నిందితులను కస్టడీలోకి తీసుకున్న పోలీసులు. ఏ1 కోటేశ్వరరావు, ఏ2 సూర్యనారాయణను.. మూడు రోజులపాటు విచారించిన పోలీసులు. పోలీసు విచారణలో కీలక విషయాలు వెల్లడించిన నిందితులు. ఇప్పటివరకు 216 కేసుల్లో ఫోర్జరీ పత్రాలను.. బెయిల్‌కు సమర్పించినట్టు ఒప్పుకున్న నిందితులు.
  • ప.గో: భక్తులతో కిటకిటలాడుతున్న ద్వారకా తిరుమల శివాలయం. రాత్రి 7గంటలకు జ్వాలాతోరణ మహోత్సవం, అనంతరం ఊరేగింపు

తిరుమల బస్సుల్లో అన్యమత ప్రచారం.. మండిపడుతున్న భక్తులు

పవిత్ర పుణ్యక్షేత్రం.. హిందువుల ఆరాధ్యదైవం శ్రీవెంకటేశ్వస్వామి కొలువుదీరిన తిరుమల క్షేత్రంలో అన్యమత ప్రచారం మరోసారి కలకలం రేపింది. తిరుపతి నుంచి తిరుమల కొండపైకి వెళ్లే ఆర్టీసీ బస్సు టికెట్ల వెనక భాగంలో ఇతర మతాలకు చెందిన ప్రకటనలు కనిపించడంతో భక్తులు ఖంగుతిన్నారు. ముస్లింల పవిత్ర హజ్ యాత్ర, క్రిస్టియన్ల పవిత్ర జెరూసలేం యాత్రకు సంబంధించిన యాడ్స్ టికెట్ల వెనుక భాగంలో దర్శనమిచ్చాయి. దీంతో సదరు భక్తులు ఆ టికెట్‌కి సంబంధించిన ఫోటోస్ తీసి.. కంప్లైంట్ చేశారు. తిరుమల క్షేత్రంలో అన్యమతాల ప్రచారంపై ఇప్పిటికే నిషేధం ఉంది. టికెట్ల వెనుకభాగంలో ముస్లిం, క్రిస్టియన్‌ మతాలకు సంబంధించిన యాడ్స్‌ దర్శనం ఇవ్వడంతో శ్రీవారి భక్తులు మండిపడుతున్నారు. ఆ ఫొటోలను కొందరు భక్తులు ఫొటోలు తీసి సోషల్ మీడియాలో పోస్ట్ చేశారు. ఏపీ ప్రభుత్వానికి చెందిన ఈ ప్రకటనలపై శ్రీవారి భక్తులు భగ్గుమన్నారు. హజ్, జరూసలేం యాత్రలపై ఎలా ప్రచారం చేస్తారని మండిపడుతున్నారు. హిందువుల మనోభావాలను దెబ్బతీస్తున్నారంటూ సోషల్ మీడియా వేదికగా ప్రభుత్వంపై విమర్శలు గుప్పిస్తున్నారు భక్తులు. ఇలాంటి సందర్భంలో తిరుమల పవిత్రతను, ప్రతిష్టను కాపాడాల్సిన బాధ్యత టీటీడీతో పాటు ప్రతీ ఒక్కరిపై ఉందని భక్తులంటున్నారు. తిరుమల పవిత్రతకు భంగం వాటిల్లేలా ప్రయత్నించే ఎలాంటి శక్తులనైనా అడ్డుకోవాలని భక్తులు కోరుతున్నారు. సాక్షాత్తు ప్రభుత్వ సంస్థగా వ్యవహరిస్తున్న ఆర్టీసీ టికెట్లపై అన్యమతం ప్రచారం చేయటం ఏమిటనే విమర్శలు వ్యక్తమవతున్నాయి. గతంలో ఎన్నడూ లేని విధంగా టీటీడీ ఆలయ పవిత్రతకు భంగం కలిగించే విధంగా వ్యవహరిస్తున్నారని ఆవేదన వ్యక్తం చేస్తున్నారు భక్తులు. అయితే ఇది పొరపాటుగా జరిగిందా లేక కావాలనే చేశారా అనే అంశంపై తేల్చాలని భక్తులు డిమాండ్‌ చేస్తున్నారు.