Breaking News
  • అమరావతి: ఏపీ జర్నలిస్ట్‌ అక్రిడేషన్ల అంశంపై హైకోర్టులో విచారణ. 2 వారాల్లో అక్రిడేషన్ల పునరుద్ధరణ చేయాలని ఆదేశం. పూర్తి వివరాలతో అఫిడవిట్‌ దాఖలు చేయాలన్న హైకోర్టు. తదుపరి విచారణను రెండు వారాలకు వాయిదా .
  • రేపు వరద ప్రాంతాల్లో కేంద్రమంత్రి కిషన్‌రెడ్డి పర్యటన. ఉ.9కు తార్నాకలోని మణికేశ్వర్‌నగర్‌లో పర్యటించనున్న కిషన్‌రెడ్డి . అనంతరం మెట్టుగూడ, అంకమ్మ బస్తీ, శ్యామలకుంట, ఓల్డ్‌ప్రేమ్‌నగర్‌.. నరేంద్రనగర్‌లోని ముంపు ప్రాంతాలను పరిశీలించనున్న కేంద్రమంత్రి. సా.5గంటలకు జీడిమెట్ల ఫాక్స్‌ సాగర్‌ చెరువు పరిశీలన.
  • అనంతపురం: వాహనాల అక్రమ రిజిస్ట్రేషన్‌ కేసు. కర్నాటక లోకాయుక్తలో ఎమ్మెల్యే పెద్దిరెడ్డి ఫిర్యాదుపై స్పందించిన జేసీ ప్రభాకర్‌రెడ్డి. వాహనాల రిజిస్ట్రేషన్ వ్యవహారంలో.. కర్నాటక అధికారులపై ఫిర్యాదు చేసినప్పుడు ఏపీలో ఎందుకు చేయలేదని ప్రశ్న . చట్టం మీ చేతుల్లో ఉందని మమ్మల్ని అక్రమంగా అరెస్ట్‌ చేస్తారా. బీఎస్‌3 కన్నా ముందున్న వాహనాలు రోడ్లపై తిరుగుతున్నాయి. రాష్ట్రంలో లా అండ్‌ ఆర్డర్‌ పనిచేయడం లేదు. చట్టం తమ చేతుల్లో ఉందని ఇష్టమొచ్చినట్టు కేసులు పెడుతున్నారు. ఎన్ని కేసులు పెట్టినా మరోసారి జైలుకు వెళ్లేందుకు కూడా సిద్ధం-తాడిపత్రి మాజీ ఎమ్మెల్యే జేసీ ప్రభాకర్‌రెడ్డి.
  • విజయవాడ: దుర్గగుడి అభివృద్ధికి రూ.70 కోట్లు కేటాయించిన సీఎం జగన్‌కు ధన్యవాదాలు తెలిపిన మంత్రి వెల్లంపల్లి, దేవాలయాల అభివృద్ధి పట్ల సీఎం జగన్‌ చిత్తశుద్ధికి ఇది నిదర్శనం-వెల్లంపల్లి.
  • హైదరబాద్: వరదల్లో ఇంటర్మీడియట్‌ సర్టిఫికెట్లు కోల్పోయిన విద్యార్థులకు సర్టిఫికెట్లు జారీ, డూప్లికేట్‌ మెమోరాండం ఆఫ్‌ మార్క్స్‌ కోసం వెబ్‌సైట్‌లో ఆన్‌లైన్‌లో దరఖాస్తు చేసుకోవచ్చు-ఇంటర్మీడియట్‌ బోర్డ్‌, సయ్యద్‌ ఉమర్‌ జలీల్‌.
  • అమరావతి: పశ్చిమ మధ్య బంగాళాఖాతంలో కొనసాగుతున్న తీవ్ర అల్పపీడనం. రానున్న 24 గంటల్లో వాయువ్య దిశగా ప్రయాణించి వాయుగుండంగా మారే అవకాశం. తీవ్ర అల్పపీడనానికి అనుబంధంగా కొనసాగుతున్న ఉపరితల ఆవర్తనం . రాష్ట్రంలో ఉరుములు, మెరుపులతో కూడిన మోస్తరు వర్షాలు. -అమరావతి వాతావరణ కేంద్రం.
  • తుళ్లూరు రిటైర్డ్‌ తహశీల్దార్‌ సుధీర్‌బాబు క్వాష్‌ పిటిషన్‌ కొట్టివేత. రాజధాని అసైన్డ్‌ భూముల కుంభకోణంలో సుధీర్‌బాబుపై సీఐడీ కేసు. ఎఫ్‌ఐఆర్‌ను కొట్టేయాలని ఏపీ హైకోర్టులో సుధీర్‌బాబు పిటిషన్‌. సుధీర్‌బాబుతో పాటు విజయవాడకు చెందిన సురేష్‌ అరెస్ట్‌.

‘నిశ్శబ్దం’ అనుష్క దగ్గరికి అలా వెళ్లిందట.. రివీల్ చేసిన దర్శకుడు

అనుష్క నటించిన హారర్ థ్రిల్లర్ మూవీ నిశ్శబ్దంలో ఓటీటీలో సందడి చేసేందుకు రెడీ అయ్యింది. గాంధీ జయంతి సందర్భంగా

Ansuhka Sharma Nishabdham, ‘నిశ్శబ్దం’ అనుష్క దగ్గరికి అలా వెళ్లిందట.. రివీల్ చేసిన దర్శకుడు

Ansuhka Nishabdham: అనుష్క నటించిన హారర్ థ్రిల్లర్ మూవీ నిశ్శబ్దంలో ఓటీటీలో సందడి చేసేందుకు రెడీ అయ్యింది. గాంధీ జయంతి సందర్భంగా ఈ చిత్రం అక్టోబర్ 2న ఓటీటీలో విడుదల కానుంది. ఇప్పటికే విడుదలైన టీజర్, ట్రైలర్‌ అందరినీ ఆకట్టుకోవడంతో ఈ మూవీపై అందరిలో మంచి అంచనాలు ఉన్నాయి. దానికి తోడు ఈ మూవీని చూసిన సెన్సార్ టీమ్‌.. నిశ్శబ్దం థియేటర్‌లో విడుదల కావాల్సిన మూవీ అంటూ కితాబిచ్చినట్లు తెలుస్తోంది. ఈ నేపథ్యంలో ఈ మూవీని చూసేందుకు ఫ్యాన్స్‌తో పాటు సాధారణ ప్రేక్షకులు ఆసక్తిగా ఎదురుచూస్తున్నారు.

అయితే ఈ సినిమాకు మొదటి ఛాయిస్ అనుష్క కాదట. తాప్సీని దృష్టిలో పెట్టుకొని దర్శకుడు హేమంత్ మధుకర్‌ ఈ కథను రాశారట. ఈ విషయాన్ని ఆయన తాజా ఇంటర్వ్యూలో వెల్లడించారు. ”నాకు తాప్సీ చాలా సంవత్సరాలుగా తెలుసు. ఆమెను, మాధవన్‌ని దృష్టిలో పెట్టుకొని నిశ్శబ్దంను రాశా. పలు సందర్భాల్లో కథను కూడా వినిపించా.  అయితే స్క్రిప్ట్‌ మొత్తం పూర్తి అయ్యాక కోన వెంకట్‌, అనుష్కను కలిసి కథను వినిపించారు. ఆమెకు కథ చాలా నచ్చడంతో.. చివరకు అనుష్క ఫైనల్ అయ్యింది” అని చెప్పుకొచ్చారు.

కాగా ఈ చిత్రంలో అనుష్క మూగ, చెవుడు ఉన్న ఆర్టిస్ట్‌గా కనిపించనుంది. మాధవన్ పెయింటర్‌గా నటించారు. శాలిని, అనుష్క, సుబ్బరాజు తదితరులు కీలక పాత్రల్లో కనిపించనున్నారు. గోపిసుందర్ సంగీతం అందించిన ఈ మూవీ తెలుగు, తమిళంలో విడుదల కానుండగా.. మలయాళం, హిందీ, ఇంగ్లీష్ భాషల్లో డబ్ అవ్వనుంది.

Read More:

గవాస్కర్ అనుచిత వ్యాఖ్యలు.. అనుష్క ఘాటు సమాధానం

మళ్లీ టాలీవుడ్‌కి సెన్సేషనల్‌ దర్శకుడు.. చెర్రీ కోసం కథ రెడీ చేస్తున్నాడా..!

Related Tags