Breaking News
  • భారత్ లో విజృంభిస్తున్న కరోనా వైరస్. ఒక లక్ష మార్క్ ని దాటిన కరోనా పాజిటివ్ కేస్ లు. దేశవ్యాప్తంగా కరోనా పాజిటివ్ కేసులు : 101139. దేశ వ్యాప్తంగా యాక్టీవ్ కేసులు: 58802. కరోనా నుంచి డిశ్చార్జ్ అయిన బాధితులు: 39174. దేశం మొత్తం కరోనా తో మృతుల సంఖ్య : 3163. కేంద్ర ఆరోగ్య మంత్రిత్వ శాఖ.
  • చెత్త రహిత నగరాల జాబితా విడుదల చేసిన కేంద్రం. వ్యర్థాల నిర్వహణ విషయంలో నగరాలకు స్టార్ రేటింగ్. అత్యుత్తమ ప్రదర్శన కనబర్చిన నగరాలకు 5-స్టార్ రేటింగ్. ఆ తర్వాత స్థానాల్లో నగరాలకు 3 స్టార్, 1-స్టార్ రేటింగ్. రేటింగ్ కోసం దరఖాస్తు చేసుకున్న 1435 నగరాలు. 10 లక్షల జియో ట్యాగింగ్ ఫొటోలు, ప్రజల ఫీడ్ బ్యాక్, సాలిడ్ వేస్ట్ ప్రాసెసింగ్ ప్లాంట్ల పనితీరు ఆధారంగా రేటింగ్. 1210 మంది క్షేత్రస్థాయిలో పరిశీలించి నివేదిక సమర్పణ. దేశవ్యాప్తంగా 5-స్టార్ రేటింగ్ పొందిన 6 నగరాలు. 5-స్టార్ రేటింగ్ పొందిన నగరాల్లో అంబికాపూర్, రాజ్‌కోట్, సూరత్, మైసూర్, ఇండోర్, నవీ ముంబై. 3-స్టార్ రేటింగ్ పొందిన నగరాలు 65, 1-స్టార్ రేటింగ్ నగరాలు 70. 3-స్టార్ రేటింగ్‌లో ఏపీ నుంచి తిరుపతి, విజయవాడ. 1-స్టార్ రేటింగ్‌లో ఏపీ నుంచి చీరాల, విశాఖ, పలమనేరు, సత్తెనపల్లికి చోటు.
  • బంగాళాఖాతంలో ఏర్పడిన 'అంపన్‌' పెనుతుపాను తీవ్ర భీభత్సం సృష్టించే ప్రమాదం ఉందని అధికారులు అంచనా వేస్తున్నారు. ఈ తుపాను 1999 తరువాత రెండో అతిపెద్దదని తాజాగా భారత వాతావరణ శాఖ ప్రకటించింది. తుపాను ప్రభావంతో ప్రస్తుతం తీరం వెంబడి 200-240కి.మీ వేగంతో గాలులు వీస్తున్నాయని వాతావరణ శాఖ డైరక్టర్‌ జనరల్‌ మృత్యుంజయ మోహపాత్ర వెల్లడించారు. ప్రస్తుతం ఇది ఉత్తర వాయువ్యదిశగా కదులుతున్నట్లు ఆయన పేర్కొన్నారు. అయితే, రేపు మధ్యాహ్నం లేదా సాయంత్రం సమయంలో 'అంపన్‌' తుపాన్‌ తీరాన్ని దాటే అవకాశం ఉన్నట్లు అధికారులు అంచనా వేస్తున్నారు. పశ్చిమబంగాలోని డిగా, బంగ్లాదేశ్‌లోని హతియా దీవుల మధ్య తీరం దాటే అవకాశం ఉందని వాతావరణ శాఖ అధికారులు అంచనా వేస్తున్నారు.
  • ఓయూ ప్రొఫెసర్ కాశీమ్ కు బెయిల్ మంజూరు చేసిన రంగారెడ్డి కోర్ట్. మావోయిస్టులతో సంబంధాలు ఉన్న ఆరోపణల కేసులో అరెస్ట్ అయిన ప్రొఫెసర్ కాశీమ్. గత నాలుగు నెలలలు గా చర్లపల్లి జైలులో ఉంటున్న కాశీమ్. షరతులతో కూడిన బెయిల్ మంజూరు చేసిన రంగారెడ్డి కోర్ట్. లక్ష రూపాయల రెండు షూరిటీలతో పాటు పోలీసులు దర్యాప్తు కు పూర్తిగా సహకరించాలని రంగారెడ్డి కోర్ట్ అదేశం. ప్రస్తుతం చర్లపల్లి జైలులో ఉన్న కాశీమ్. ఇప్పటికే మూడు కేసుల్లో బెయిల్ విడుదల. రేపు బెయిల్ పై చర్లపల్లి జైలు నుండి విడుదల కానున్న ప్రొఫెసర్ కాశీమ్.
  • అమరావతి: మరో ముగ్గురు వైసీపీ ఎమ్మెల్యేలపై హైకోర్టుకు ఫిర్యాదు. లాక్ డౌన్ నిబంధనలు ఉల్లంఘించి జన సమూహాలతో పార్టీ కార్యక్రమాలు నిర్వహించిన మరో ముగ్గురు ఎమ్మెల్యేలపై హైకోర్టు కు అనుబంధ పిటిషన్ దాఖలు చేసిన న్యాయవాది ఇంద్రనీల్. మంత్రి వెల్లంపల్లి శ్రీనివాస్, మల్లాది విష్ణు, తాడికొండ ఎమ్మెల్యే శ్రీదేవిపై అనుబంధ పిటిషన్ దాఖలు. జన సమూహాలతో ఈ ముగ్గురు ఎమ్మెల్యేలు నిర్వహించిన కార్యక్రమాల వీడియోలు, ఫోటోలు కోర్టుకు అందజేసిన పిటిషనర్ కిషోర్. రేపు విచారణ చేయనున్న హైకోర్టు.
  • కరోనా హెల్త్ బులిటిన్ విడుదల చేసిన తెలంగాణా ఆరోగ్య శాఖ. ఇవాళ రాష్ట్రంలో 42 పాజిటివ్ కేసులు నమోదు. ఇప్పటి వరకు రాష్ట్రం లో మొత్తం. 1634 కేసులు నమోదు. కరోనా తో ఇవాళ నలుగురు మృతి.

వందే భారత్ మిషన్.. తెలుగు వారికి ప్రత్యేక సర్వీసులు

, వందే భారత్ మిషన్.. తెలుగు వారికి ప్రత్యేక సర్వీసులు

వందేభారత్‌ మిషన్‌లో భాగంగా విదేశాల్లో చిక్కుకున్న భారతీయులను ప్రత్యేక విమానాల్లో తీసుకువస్తున్నారు. రెండో విడతలో ఏపీకి ఈ వారంలో నాలుగు ప్రత్యేక విమానాలు రానున్నాయి. అందులో ఒకటి ఇప్పటికే మనీలా, అబుదాబి నుంచి విశాఖపట్నంకు వచ్చింది. 320 మంది ప్రయాణికులతో అతిపెద్ద విమానం రాత్రి విశాఖపట్నంకు చేరుకోగా.. సౌదీ నుంచి విజయవాడకు ఇవాళ (మే 20) మరో విమానం రానుంది.

ఎయిరిండియా 1914 విమానం ఇవాళ (మే 20) జెడ్డా నుంచి విజయవాడకు రాత్రి 10గంటల 15నిమిషాలకు రానుంది. ఇదే విమానంలో ప్రయాణించే తెలంగాణ వారిని విజయవాడ ఎయిర్‌పోర్టు నుంచి ఏఐ1407 విమానంలో హైదరాబాద్‌కు చేర్చుతారు. మొదటి విడతలో వయసు పై బడ్డ వారితో పాటు పిల్లలు, వృద్దులు, మహిళలు, అనారోగ్యం బాగా లేని వారికి ప్రాధాన్యం ఇచ్చారు. అందులో కేరళతో పాటు ఇతర రాష్ట్రాలకు చెందిన వారే ఎక్కువగా ఉన్నారు. ఈసారి మాత్రం తెలుగువారికి అధిక ప్రాధాన్యత ఇచ్చారు.

లాక్‌డౌన్‌ కారణంగా విదేశాల్లో చిక్కుకున్న వారిని తీసుకువచ్చేందుకు చేపట్టిన వందే భారత్‌ మిషన్‌లో భాగంగా ఇవాళ్టి(మే20) నుంచి 27వ తేదీ వరకు మూడు ప్రత్యేక విమానాలు గన్నవరం ఎయిర్‌పోర్టుకు రానున్నాయి. ఎయిరిండియాకు చెందిన తొలి విమానం సౌదీ అరేబియాలోని జెడ్డాలో ఉన్న కింగ్‌ అబ్దుల్‌ అజీజ్‌ అంతర్జాతీయ విమానాశ్రయం నుంచి ఇవాళ బయల్దేరి రాత్రి 10.15 గంటలకు ఇక్కడికి చేరుకుంటుంది.

ఈ నెల 23న ఎయిరిండియాకు చెందిన మరో విమానం సౌదీ అరేబియాలోని రియాద్‌లో ఉన్న కింగ్‌ ఖలీద్‌ అంతర్జాతీయ విమానాశ్రయం నుంచి బయల్దేరి ఆ రోజు (మే 20) రాత్రి 10.15 గంటలకు గన్నవరం ఎయిర్‌పోర్ట్‌కు వస్తుంది. అదే విమానం రాత్రి 11 గంటలకు తిరిగి హైదరాబాద్‌ బయల్దేరుతుంది. వివిధ దేశాల నుంచి వచ్చిన ప్రవాసాంధ్రులను తీసుకుని న్యూఢిల్లీ నుంచి ఎయిరిండియా విమానం ఈ నెల 27న ఉదయం 11.30 గంటలకు గన్నవరం చేరుకుంటుందని విమానాశ్రయ వర్గాలు తెలిపాయి.

విదేశాల నుంచి వచ్చే ప్రయాణికుల కోసం ఎయిర్‌పోర్టులోని అంతర్జాతీయ టెర్మినల్‌ను అధికారులు సిద్ధం చేశారు. ప్రయాణికులు ఇక్కడికి చేరుకోగానే వైద్య పరీక్షలు, థర్మల్‌ స్క్రీనింగ్‌ నిర్వహిస్తారు. తర్వాత ప్రత్యేకంగా ఏర్పాటు చేసిన బస్సులు ద్వారా ప్రయాణికుల ఎంపిక మేరకు ప్రభుత్వ, పెయిడ్‌ క్వారంటైన్‌ సెంటర్లకు తరలిస్తారు.

Related Tags