Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

‘ఆర్ఆర్ఆర్‌’కు మరో షాక్.. ఆమె కూడా హ్యాండిచ్చిందా..!

Shock to RRR, ‘ఆర్ఆర్ఆర్‌’కు మరో షాక్.. ఆమె కూడా హ్యాండిచ్చిందా..!

ఎన్టీఆర్, రామ్‌చరణ్‌లు హీరోలుగా రాజమౌళి ఏ ముహూర్తాన ‘ఆర్ఆర్‌ఆర్‌’ను స్టార్ట్ చేశారో కానీ.. ఆ ప్రాజెక్ట్‌కు మంచి టైం నడవడం లేదు. షూటింగ్‌కు కంటిన్యూగా బ్రేకుల మీద బ్రేకులు పడుతున్నాయి. ఓ సారి చెర్రీకి, మరోసారి ఎన్టీఆర్‌కు గాయాలు కావడంతో చిత్రీకరణ నిదానంగా నడుస్తూ వచ్చింది. తాజాగా సైరా కోసం మరోసారి చెర్రీ షూటింగ్‌కు బ్రేక్ తీసుకున్నట్లుగా వార్తలు రాగా.. ఇప్పుడు ఈ మూవీకి మరో షాక్ తగిలినట్లు తెలుస్తోంది.

ఇందులో ఎన్టీఆర్ జోడీగా మొదట బ్రిటన్ నటి డైసీ ఎడ్గర్ జోన్స్‌ను రాజమౌళి ఎంపిక చేసుకున్నాడు. అయితే చివరి నిమిషంలో ఆమె కొన్ని కారణాల వలన ఈ ప్రాజెక్ట్ నుంచి తప్పుకుంది. ఇక ఆ తరువాత ఆమె స్థానంలో హాలీవుడ్ భామ ఎమ్మా రాబర్ట్స్‌ను సెలక్ట్ చేశారని.. జక్కన్న ఆమెతో చర్చలు కూడా జరిపారని త్వరలోనే టీంతో జాయిన్ అవుతారని వార్తలు వచ్చాయి. కానీ తాజా సమాచారం ప్రకారం ఎమ్మా కూడా ఆర్ఆర్‌ఆర్‌కు నో చెప్పేసిందట. ఈ సినిమాలో నటించేందుకు ఆమెకు ఎలాంటి అభ్యంతరం లేకపోయినా.. బల్క్ డేట్స్ ఇచ్చేందుకు నో చెప్పిందని టాక్. దీంతో ఎన్టీఆర్ జోడీగా మరో భామ కోసం ప్రయత్నాలు స్టార్ట్ చేశాడట జక్కన్న. ఇదిలా ఉంటే మరోవైపు వరుసగా ఈ సినిమాకు ఏదో ఒక ఇబ్బంది ఎందుకు రావడంపై ఫ్యాన్స్ తెగ డిసప్పాయింట్ అవుతున్నారు. ఏది ఏమైనా సినిమా అనుకున్న టైంకు రిలీజ్ అవుతే చాలు అని అనుకుంటున్నారట ఫ్యాన్స్. చూడాలి మరి ఏమవుతుందో.