బ్యాంకుల్ని నిండా ముంచి…. దేశం నుంచి మరో డీఫాల్టర్ పరారీ

ఇండియా నుంచి మరో డీఫాల్టర్ పరారయ్యాడు. ఎస్ బీ ఐ సహా మరో ఆరు బ్యాంకుల నుంచి దాదాపు 400 కోట్ల రుణం తీసుకుని తిరిగి చెల్లించకుండా పారిపోయాడు. ఢిల్లీలో బాస్మతి బియ్యం ఎగుమతిదారుడైన నరేష్ కుమార్ అనే ఈ వ్యక్తికి సురేష్ కుమార్, సంగీత అనే వ్యక్తులతో బాటు మరికొందరు  కూడా సహకరించారు. రామ్ దేవ్ ఇంటర్నేషనల్ లిమిటెడ్ అనే సంస్థకు వీళ్ళు తమను తాము డైరెక్టర్లుగా చెప్పుకున్నారు. 2016 లో ఎస్ బీ ఐ, కెనరా బ్యాంక్, యూనియన్ బ్యాంక్ ఆఫ్ ఇండియా, సెంట్రల్ బ్యాంక్ ఆఫ్ ఇండియా, కార్పొరేషన్ బ్యాంక్, ఐడీబీఐ ల నుంచి అయిదారు విడతలుగా కోట్ల కొద్దీ రుణాలు తీసుకున్నారు. 2016 లో వీరి ఆస్తుల గురించి ఎస్ బీ ఐ ఆరా తీయగా అసలు విషయం వెల్లడయింది. అప్పటికే వీరు దేశం నుంచి ఉడాయించారు. ఎస్ బీ ఐ ఫిర్యాదు మేరకు సీబీఐ వీరిపై కేసు నమోదు చేసింది. వీరిని ఈ సంస్థ పరారీదారులుగా ప్రకటించింది.