Breaking News
  • 'మా' అసోసియేషన్‌లో ముసలం. నిన్నటి నుంచి తెరుచుకోని ఆఫీస్‌ తలుపులు. అధ్యక్ష, కార్యదర్శుల మధ్య విభేదాలతో ఆఫీస్‌కు రాని సిబ్బంది. మాట్లాడేందుకు నిరాకరించిన కార్యవర్గ సభ్యులు.
  • బిల్లులపై చర్చ జరగకుండానే ఏపీ మండలి వాయిదా పడే అవకాశం. బిల్లుపై చర్చకు ఒప్పించేందుకు వైసీపీ సభ్యుల ప్రయత్నాలు. అంగీకరించని విపక్ష సభ్యులు. రూల్‌ 71పై చర్చ జరగాలని పట్టుబట్టిన విపక్ష సభ్యులు.
  • హైదరాబాద్‌: ధరమ్‌ కరం రోడ్‌లో పిచ్చికుక్కల స్వైరవిహారం. 10 మంది చిన్నారులకు తీవ్రగాయాలు, ఆస్పత్రికి తరలింపు.
  • తిరుమల: రథసప్తమి సందర్భంగా అన్ని ఏర్పాట్లు చేస్తున్నాం. రథసప్తమి సందర్భంగా శ్రీవారి ఆలయంలో ఆర్జిత సేవలు రద్దు. మాడ వీధుల్లో షెడ్లు ఏర్పాటు-టీటీడీ అడిషనల్ ఈవో ధర్మారెడ్డి.
  • హైదరాబాద్‌: రాష్ట్రంలో రాజకీయాలను డబ్బు శాసిస్తోంది. రాజ్యాధికారం సాధిస్తేనే విద్య, ఉద్యోగాలు వస్తాయి-లక్ష్మణ్‌. డబ్బుతో రాజకీయాలు నడపడం అప్రజాస్వామికం. దళితుల హక్కుల కోసం చేసే పోరాటంలో బీజేపీ ముందుంటుంది -తెలంగాణ బీజేపీ అధ్యక్షుడు లక్ష్మణ్‌.

కాల్ రికార్డ్స్ ఉన్నాయ్..ఒక్కొక్కరి అంతు తేలుస్తా..

Shakeela Ladies Not Allowed cinema Faces Release Issues, కాల్ రికార్డ్స్ ఉన్నాయ్..ఒక్కొక్కరి అంతు తేలుస్తా..

సెన్సార్ బోర్డుపై నటి షకీలా నిప్పులు చెరిగింది. ఆమె నటించిన తాజా చిత్రం ‘లేడీస్ నాట్ అలవ్డ్’ చిత్రాన్ని సెన్సార్ చేయమని బోర్డు సభ్యులు ప్రకటించడం ఆమె ఆగ్రహానికి కారణమైంది. ఇప్పటికే రెండు సార్లు కట్స్ చేసినప్పటికి బోర్డు సభ్యులు తమ ఇష్టారాజ్యంగా వ్వవహరిస్తున్నారంటూ ఆమె మండిపడింది. కాగా ఈ చిత్రానికి షకీలానే నిర్మాతగా వ్యవహరించడం విశేషం. ఇక సినిమా సెన్సార్ చెయ్యాలంటే  కొందరు బోర్డు సభ్యులు డబ్బులు డిమాండ్ చేస్తున్నారని షకీలా ఆరోపణలు గుప్పించారు. ఇదే జోనర్‌లో వచ్చిన చాలా చిత్రాలకు సర్టిఫికేట్ ఇచ్చి తన చిత్రాన్ని ఆపడానికి గల కారణాలు ఏంటో చెప్పాలని డిమాండ్ చేస్తున్నారు.

పెద్ద పెద్ద సినిమాలు జోలికి వెళ్లని వీళ్లు, ఎక్కడెక్కడో ఫైనాన్స్‌కి డబ్బులు తెచ్చి చిత్రాన్ని నిర్మిస్తే విడుదలను అడ్డుకుంటున్నారంటూ షకీలా ఆవేదన వ్యక్తం చేశారు. ‘లేడీస్ నాట్ అలవ్డ్’  కుటుంబ సమేతంగా చూసే చిత్రం కాదని, అడల్ట్ కామెడీ అని తామే చెప్పినా కూడా ఈ వేధింపులేందని ప్రశ్నించారు. తన పేరు సినిమాలో ఉంటే ఎంతో ఇబ్బందిపడుతున్నారని, చాలా మంది కాల్ రికార్డ్స్ తన దగ్గర ఉన్నాయని షకీలా పేర్కొన్నారు. కాగా షకీలా ఇప్పుడైతే వెనకబడ్డారు కానీ ఒకానొక టైం ఆమె సినిమాలు రిలీజవుతుంటే మళయాళ స్టార్ హీరోలు సైతం తమ సినిమాల రిలీజ్ డేట్స్ వాయిదా వేసుకునేవారు. కానీ సినిమా ఇండష్ట్రీలో ఫేమ్‌ ఉన్నప్పుడే అన్నీ కలిసొస్తాయ్. తర్వాత కష్టాలు షరామాములే. మరి ఈ వివాదం ఎంతవరకు వెళ్తుందో వేచిచూడాలి.