Breaking News
  • విశాఖలో లైట్‌మెట్రోకు డీపీఆర్‌లు రూపొందించాలని ఆదేశాలు. ఏఎంఆర్సీని ఆదేశిస్తూ ఉత్తర్వులు జారీ. 79.91 కిలోమీటర్ల మేర లైట్‌మెట్రోకు ప్రతిపాదనలు. డీఎంఆర్సీ, రైట్స్, యూఎంటీసీ నుంచి సలహాలు తీసుకోవాలని ఆదేశం. 60.2 కి.మీ. మోడ్రన్‌ ట్రామ్‌ కారిడార్స్ ఏర్పాటుకు డీపీఆర్‌లు. డీఎంఆర్సీ, రైట్స్, యూఎంటీసీల నుంచి డీపీఆర్‌లు ఆహ్వానించాలని ఆదేశం.
  • నిర్భయ దోషులను విడివిడిగా ఉరితీయాలంటూ.. సుప్రీంకోర్టులో పిటిషన్‌ దాఖలు చేసిన కేంద్ర హోంశాఖ. ఇప్పటికే తీర్పును రిజర్వ్‌ చేసిన సుప్రీంకోర్టు ధర్మాసనం. రేపు తీర్పు ఇవ్వనున్న జస్టిస్‌ భానుమతి నేతృత్వంలోని.. ముగ్గురు న్యాయమూర్తుల ధర్మాసనం.
  • తిరుమలలో భక్తుల రద్దీ సాధారణం. శ్రీవారి ఉచిత దర్శనానికి 5 గంటల సమయం. ఈరోజు శ్రీవారి హుండీ ఆదాయం రూ.2.67 కోట్లు. సాయంత్రం వరకు శ్రీవారిని దర్శించుకున్న 46,448 మంది భక్తులు.
  • విశాఖ: పాయకరావుపేటలో హెటిరో ఉద్యోగి ఒంటెద్దు రాజు ఉరి వేసుకుని ఆత్మహత్య, మృతుడు తూ.గో.జిల్లా పెదపట్నం లంక వాసి.
  • ఢిల్లీ చేరుకున్న ట్రంప్‌ దంపతులు. ఎయిర్‌పోర్ట్‌లో ట్రంప్‌ దంపతులకు ఘనస్వాగతం. ఐటీసీ మౌర్య హోటల్‌లో ట్రంప్‌ దంపతుల బస. ఢిల్లీలో భారీగా భద్రతా ఏర్పాట్లు. ట్రంప్‌ బస చేసిన హోటల్‌ దగ్గర పటిష్ట భద్రత.

వైజాగ్‌లో ఏపీ సెక్రటేరియట్ ఎక్కడ ఉండబోతుందంటే..!

Executive Capital Visakhapatnam, వైజాగ్‌లో ఏపీ సెక్రటేరియట్ ఎక్కడ ఉండబోతుందంటే..!

విశాఖకు ఎగ్జిగ్యూటివ్ కేపిటల్‌గా ప్రకటించినప్పటికీ.. దానిపై ఇంకా అధికారిక ప్రకటనను ఇవ్వలేదు ఏపీ ప్రభుత్వం. ఇటీవల జరిగిన ఏపీ కేబినెట్ భేటీలో దీనిపై ప్రకటన చేయాల్సి ఉన్నా.. ఈ నిర్ణయాన్ని మరికొన్ని రోజుల పాటు వాయిదా వేసింది జగన్ సర్కార్. అయితే రాజధాని తరలింపుకు సంబంధించి పనులు వైజాగ్‌లో శరవేగంగా జరుగుతున్నట్లు సమాచారం. ముఖ్యంగా అడ్మినిస్ట్రేషన్ విభాగానికి సంబంధించి బిల్డింగ్‌ల కోసం ప్రభుత్వాధికారులు కసరత్తులు చేస్తున్నట్లు తెలుస్తోంది. ఈ క్రమంలో ఆంధ్ర యూనివర్సిటీలోని కొన్ని బ్లాక్‌లు సెక్రటేరియట్‌కు కేటాయించాలని అధికారులు భావిస్తున్నారట.

Executive Capital Visakhapatnam, వైజాగ్‌లో ఏపీ సెక్రటేరియట్ ఎక్కడ ఉండబోతుందంటే..!

జాతీయ రహదారిపై మద్దిలపాలెం జంక్షన్‌ వైపు ఉన్న ఈ యూనివర్సిటీలో చాలా బిల్డింగ్‌లు ప్రస్తుతం ఖాళీగా ఉన్నాయట. దానికి తోడు వాటి పక్కనే 1500మందికి సరిపడా పెద్ద కాన్ఫిరెన్స్ హాల్ ఉండటం.. వాహనాల పార్కింగ్‌కు కూడా స్థలం ఉండటంతో.. అక్కడే సెక్రటేరియట్‌ను పెట్టాలని అధికారులు అనుకుంటున్నారట.  దీని వలన విద్యార్థులకు ఎలాంటి ఇబ్బంది ఉండదని వారు భావిస్తున్నారట. ఇక జాతీయ రహదారికి దగ్గరగా ఉండటంతో.. విజయనగరం, ఎయిర్‌పోర్ట్‌కు వెళ్లేందుకు ఈ స్థలం అణువుగా ఉంటుందని అధికారులు అనుకుంటున్నట్లు తెలుస్తోంది. ఇక ఆ పరిసర ప్రాంతాల్లోనే సీఎం క్యాంప్ ఆఫీస్‌తో పాటు మరికొన్ని అధికారిక ఆఫీసులను పెట్టబోతున్నట్లు సమాచారం.

Related Tags