కొత్త పరిశ్రమకు శంకుస్థాపన..స్థానిక యువతకే ఉపాధి: మంత్రి కేటీఆర్
తెలంగాణ యువతకు ఉపాధి కల్పించాలనే లక్ష్యంతో టీఆర్ఎస్ సర్కార్ పనిచేస్తోందన్నారు మంత్రి కేటీఆర్. అందులో భాగంగానే హైదరాబాద్ ప్రాంతంలో మరిన్ని పరిశ్రమలు ఏర్పాటు చేస్తామని మంత్రి కేటీఆర్ స్పష్టం చేశారు. రంగారెడ్డి జిల్లా షాబాద్..
తెలంగాణ యువతకు ఉపాధి కల్పించాలనే లక్ష్యంతో టీఆర్ఎస్ సర్కార్ పనిచేస్తోందన్నారు మంత్రి కేటీఆర్. అందులో భాగంగానే హైదరాబాద్ ప్రాంతంలో మరిన్ని పరిశ్రమలు ఏర్పాటు చేస్తామని మంత్రి కేటీఆర్ స్పష్టం చేశారు. రంగారెడ్డి జిల్లా షాబాద్ మండలం చందనవెళ్లిలోని వెల్స్పన్ పరిశ్రమలో ఫోర్లింగ్ టైల్స్ విభాగాన్ని శనివారం రోజున మంత్రి కేటీఆర్ ప్రారంభించారు. ఈ సందర్భంగా టెక్స్టైల్ ఉత్పత్తుల విభాగానికి కేటీఆర్ భూమి పూజ చేశారు. పరిశ్రమల్లో స్థానిక యువతకే ఉపాధి కల్పిస్తామని..నిరుద్యోగ యువతకు నైపుణ్య శిక్షణ ఇప్పిస్తామని కేటీఆర్ పేర్కొన్నారు. టెక్స్ టైల్ పరిశ్రమలలో ప్రపంచ గుర్తింపు ఉన్న వెల్ స్పన్ తెలంగాణకు రావడం చాలా సంతోషకరమన్నారు మంత్రి కేటీఆర్. టెక్స్టైల్ పార్క్కు భూములిచ్చిన రైతులకు ఈ సందర్బంగా మంత్రి కేటీఆర్ ధన్యవాదాలు తెలిపారు.