ఈ సారి 100 డిజైన్లలో బతుకమ్మ చీరలు.. 23 నుంచి పంపిణీ

ఈ సారి 100 డిజైన్లలో బతుకమ్మ చీరలు.. 23 నుంచి పంపిణీ

తెలంగాణ ఆడపడుచుల కోసం కేసీఆర్ సర్కార్ దసరా కానుకలను సిద్ధం చేశారు. ప్రతి ఏటా ఇచ్చినట్లే ఈ సారి కూడా దసరా కానుకగా ప్రతి మహిళకు బతుకమ్మ చీరలను అందజేయనున్నారు. అయితే ఎప్పటిలా కాకుండా ఈ సారి మరింత నాణ్యమైనవి చేయించడంతో పాటుగా.. వందకు పైగా డిజైన్లలో చీరలను తయారు చేయించినట్లు తెలుస్తోంది. అయితే ఈ బతుకమ్మ చీరలను హైదరాబాద్ మాసబ్ ట్యాంక్‌లోని సీడీఎంఏ భవంతిలో ప్రదర్శనకు ఉంచారు. పురపాలక, ఐటీ శాఖ మంత్రి కేటీఆర్ ముఖ్య […]

TV9 Telugu Digital Desk

| Edited By: Pardhasaradhi Peri

Sep 27, 2019 | 5:56 PM

తెలంగాణ ఆడపడుచుల కోసం కేసీఆర్ సర్కార్ దసరా కానుకలను సిద్ధం చేశారు. ప్రతి ఏటా ఇచ్చినట్లే ఈ సారి కూడా దసరా కానుకగా ప్రతి మహిళకు బతుకమ్మ చీరలను అందజేయనున్నారు. అయితే ఎప్పటిలా కాకుండా ఈ సారి మరింత నాణ్యమైనవి చేయించడంతో పాటుగా.. వందకు పైగా డిజైన్లలో చీరలను తయారు చేయించినట్లు తెలుస్తోంది. అయితే ఈ బతుకమ్మ చీరలను హైదరాబాద్ మాసబ్ ట్యాంక్‌లోని సీడీఎంఏ భవంతిలో ప్రదర్శనకు ఉంచారు. పురపాలక, ఐటీ శాఖ మంత్రి కేటీఆర్ ముఖ్య అతిథిగా హాజరై ఈ ప్రదర్శనను గురువారం ప్రారంభించారు. ప్రతి సారి బతుకమ్మ చీరలలో నాణ్యతతో తయారు చేయిస్తున్నట్లు తెలిపారు. ఈ ఏడాది ప్రభుత్వం సుమారు రూ.300కోట్లకు పైగా వెచ్చించిదన్నారు. అంతేకాదు వంద డిజైన్లలో ఈ సారి చీరలను తయారు చేయించినట్లు మంత్రి తెలిపారు. ఈనెల 23 నుంచి రాష్ట్రవ్యాప్తంగా బతుకమ్మ చీరల పంపిణీని ప్రారంభించనున్నట్లు కేటీఆర్ ప్రకటించారు. పద్దెనిమిది సంవత్సరాలు పైబడి తెల్లరేషన్ కార్డు కలిగి ఉన్న ప్రతి ఆడ బిడ్డలందరికీ ఈ బతుకమ్మ చీరల పంపిణీ చేయనున్నట్లు మంత్రి తెలిపారు. గౌరవ శాసనసభ్యులు, శాసనమండలి సభ్యులు, పార్లమెంట్ సభ్యులు, జిల్లా పరిషత్ చైర్మన్లు, స్థానిక సంస్థల ప్రజాప్రతినిధులు చీరల పంపిణీ కార్యక్రమాన్ని ప్రారంభిస్తారని వెల్లడించారు.

Follow us on

Related Stories

Most Read Stories

Click on your DTH Provider to Add TV9 Telugu