Badvel- Janasena – BJP: పవన్ కళ్యాణ్ వ్యాఖ్యల నేపథ్యంలో బద్వేల్ బీజేపీ అభ్యర్థికి జనసేన మద్దతు ప్రశ్నర్ధకమే.!
బీజేపీ, జనసేన మధ్య బంధానికి బీటలు వారుతుందా? బద్వేలు ఉప ఎన్నిక బరి నుంచి జనసేన నిన్న తప్పుకుంది. ఇవాళ వెంటనే బీజేపీకి బరిలోకి దిగేందుకు రెడీ అవుతోంది.
Janasena – BJP – Badvel: బీజేపీ, జనసేన మధ్య బంధానికి బీటలు వారుతుందా? బద్వేలు ఉప ఎన్నిక బరి నుంచి జనసేన నిన్న తప్పుకుంది. ఇవాళ వెంటనే బీజేపీకి బరిలోకి దిగేందుకు రెడీ అవుతోంది. బద్వేలు పోటీ చేసేందుకు బీజేపీ నేతలు సిద్దమవుతున్నారు. బద్వేలు ఉపపోరులో పోటీకి దిగేందుకు సిద్ధం కాబోతున్న బీజేపీకి తన మిత్రపక్షం అయిన జనసేన సంప్రదాయానికి లోబడి పోటీకి దూరం అంటూ ప్రకటన చేయడంతో ఇబ్బందికర వాతావరణం తలెత్తే అవకాశం కనిపిస్తోంది.
చనిపోయిన వ్యక్తి కుటుంభ సభ్యులకే వైసీపీ సీటు కేటాయించిన కారణంగా ఒకే అనిన జనసేన.. ఎకగ్రీవం చేసుకోవాలని పవన్ కళ్యాణ్ సూచించిన నేపథ్యంలో బద్వేల్ బీజేపీకి మింగుడుపడుతుందా లేదా అన్న ప్రశ్నలు తలెత్తుతున్నాయి. మరోవైపు, అన్ని అంశాలు పరిశీలించి బీజేపీ అధిష్టానం బద్వేల్ పోటీలో అభ్యర్థిని నిలిపేందుకు సిద్ధమైంది. అయితే, జనసేనాని వ్యాఖ్యల నేపథ్యంలో బీజేపీ అభ్యర్థికి జనసేన మద్దతు ప్రశ్నర్ధకమే అన్నది తేలిపోనుంది.
కాగా, ఈనెల 30 వ తేదీన క‌డ‌ప జిల్లాలోని బ‌ద్వేల్‌కు ఉప ఎన్నిక జ‌ర‌గ‌బోతుంది. ఈ ఉప ఎన్నిక‌ల్లో పోటీ చేసేందుకు అధికార వైయస్ఆర్ కాంగ్రెస్ త‌మ అభ్యర్థిని ఇప్పటికే ప్రకటించింది. అటు తెలుగుదేశం పార్టీ కూడా అభ్యర్ధిని ప్రకటించింది. అయితే, బీజేపీ, జనసేన పొత్తులో భాగంగా జనసేన పార్టీకి బీజేపీ అవకాశం వ‌చ్చింది. జనసేన నుంచి అభ్యర్థిని ప్రక‌టిస్తారని అనుకుంటున్న స‌మ‌యంలో జనసేన అధినేత పవన్ కళ్యాణ్ కీల‌క నిర్ణయం తీసుకున్నారు.
బద్వేల్ ఉప ఎన్నిక‌లో పోటీ చేయమ‌ని ఒత్తిడి వ‌చ్చింద‌ని.. అయినాకాని చనిపోయిన వ్యక్తి స‌తీమ‌ణిని గౌర‌విస్తూ పోటీ నుంచి త‌ప్పుకుంటున్నామ‌ని జనసేన అధినేత పవన్ కళ్యాణ్ నిన్న కుండబద్ధలు కొట్టారు. ఎన్నిక‌ను ఏక‌గ్రీవం చేసుకోవాలని కోరుతున్నట్టు కూడా పవన్ పేర్కొన్నారు. ఈ ఉప ఎన్నిక‌లో గ‌ట్టి పోటీ ఉంటుంద‌ని అనుకున్నా, పవన్ కీల‌క నిర్ణయం తీసుకోవ‌డంతో పరిస్థితులు ఒక్కసారిగా మారిపోయాయి.
Pawan Kalyan
