Chandrababu Naidu: అమరావతిని కాపాడుకోకపోతే అంధకారమే.. రైతుల పాదయాత్రపై చంద్రబాబు ట్వీట్‌..

అమరావతి ఉద్యమాన్ని మరింత విస్తృతం చేయడంలో భాగంగా అమరావతి పరిరక్షణ సమితి, రాజధాని ఐక్య కార్యాచరణ సమితి ఆధ్వర్యంలో రైతులు తల పెట్టిన ‘మహా పాదయాత్ర’ సోమవారం ప్రారంభమైంది. ‘న్యాయస్థానం నుంచి దేవస్థానం’ పేరుతో సాగే ఈ యాత్ర తుళ్లూరులో ప్రారంభమై తిరుపతి వరకు కొనసాగనుంది. మొత్తం 45 రోజుల పాటు గుంటూరు, ప్రకాశం, నెల్లూరు, చిత్తూరు జిల్లాల మీదుగా ఈ యాత్ర కొనసాగనుంది. ఈ పాదయాత్రలో పెద్ద ఎత్తున రైతులు, మహిళలు, వివిధ రాజకీయ నేతలు పాల్గొంటున్నారు. అధికార వైసీపీ మినహా అన్ని రాజకీయ పక్షాలు ఈ మహా పాదయాత్రకు మద్దతు తెలిపాయి. .

ఇది 5 కోట్ల మంది గుండె చప్పుడు.. ఈ సందర్భంగా టీడీపీ అధినేత చంద్రబాబు నాయుడు ట్విట్టర్‌ వేదికగా మహా పాదయాత్రకు సంఘీభావం తెలిపారు.’ ప్రజా రాజధాని అమరావతి 5 కోట్ల ఆంధ్రుల ఆత్మగౌరవానికి ప్రతీక. అమరావతి పరిరక్షణ కోసం రైతులు చేపట్టిన మహా పాదయాత్రకు సంఘీభావం తెలియజేస్తున్నా. ఇది పాదయాత్ర కాదు, రాష్ట్ర పరిరక్షణ కోసం, రాష్ట్ర భవిష్యత్ కోసం కన్నతల్లి లాంటి భూముల్ని త్యాగం చేసిన పుడమితల్లి వారసులు చేస్తున్న ఉద్యమం. 1999లో విజన్ 2020తో నాడు ఉమ్మడి ఆంధ్రప్రదేశ్ లో హైదరాబాద్ నగరాన్ని అభివృద్ధి చేసుకున్నాం. విభజన అనంతరం విజన్ 2029 లో భాగంగా అంతర్జాతీయ ప్రమాణాలతో కూడిన అమరావతితో పాటు నవ్యాంధ్ర సమగ్రాభివృద్ధికి నాంది పలికాం.  ఓ వైపు ‎ విజన్ 2020 ఫలితాలు చూసి  సంతోషం కలుగుతున్నా…మరో వైపు విజన్ 2029 ప్రణాళికల అమలుపై గొడ్డలి వేటుతో బాధ కలుగుతోంది. అమరావతి, పోలవరం లేని రాష్ట్రాన్ని ఊహించలేం. అమరావతిని కాపాడుకోలేకపోతే రాష్ట్రం అంధకారమవుతుంది.  తెలుగుదేశం శ్రేణులు, ప్రజలు, ప్రజాసంఘాలు, రాష్ట్ర అభివృద్ధిని కాంక్షించే ప్రతిఒక్కరూ ఈ మహా పాదయాత్రకు మద్దతు తెలపాలి. 5 కోట్ల ప్రజల గుండె చప్పుడు…  తెలుగుజాతి అఖండజ్యోతి అమరావతిని కాపాడుకోవాల్సిన బాధ్యత ప్రతి ఒక్కరిపై ఉంది’ అని ఆయన రాసుకొచ్చారు.

Also Read:

AP Local body Elections: ఏపీలో మళ్లీ రాజుకున్న పొలిటికల్ హీట్.. ఎన్నికల షెడ్యూల్ విడుదల చేసిన ఎస్ఈసీ

MLA Roja: తగ్గేదెలే.. విద్యార్థులతో కబడ్డీ ఆడిన ఎమ్మెల్యే రోజా.. వీడియోలు వైరల్‌..

AP Road Accident: ఏపీలో రెండు వేర్వేరు రోడ్డు ప్రమాదాలు.. చెరువులోకి దూసుకెళ్లిన ఆర్టీసీ బస్సు.. బ్రిడ్జి పైనుంచి పడ్డ లారీ